Mas. 130 - Buku Loyera Catholic Edition - Chichewa

Pemphero lopempha chithandizoNyimbo yoimba pokwera ku Yerusalemu.

1Ndikulirira Inu Chauta,

ndili m'dzenje lozama lamavuto.

2Ambuye imvani liwu langa.

Tcherani khutu kuti mumve kupemba kwanga.

3Inu Chauta, mukadaŵerengera machimo,

ndani akadakhala chilili opanda mlandu, Ambuye?

4Koma inu mumakhululukira,

nchifukwa chake timakulemekezani.

5Ndimayembekeza chithandizo cha Chauta,

ndimayembekeza ndi mtima wonse,

ndipo ndimakhulupirira mau ake.

6Mtima wanga umayembekeza Chauta

kupambana m'mene alonda amayembekezera mbandakucha,

kupambanadi m'mene alonda amayembekezera mbandakucha.

7Iwe Israele, khulupirira Chauta.

Paja Chauta ndi wa chikondi chosasinthika,

ndi wokonzeka kupulumutsa.

8 Mt. 1.21; Tit. 2.14 Adzaombola Israele ku machimo ake onse.