Gweledigaeth Ioan 16 - William Morgan Bible 1588 original edition

PEN. XVI.1 Yr angelion yn tywallt eu phiolau yn llawn digofaint, 6 a pha blâ sy yn dyfod o hynny, 15 rhybudd i ymochelyd, a gwilied.

1Ac mi a glywais lef vchel allan o’r Deml yn dywedyd wrth y saith angel, ewch i ffordd, a thywelltwch allan saith phiol digter Duw ar y ddaiar.

2A’r cyntaf a aeth, ac a dywalltodd ei phiol ar y ddaiar, a chornwyd drŵg a dolurus a syrthiodd ar y gwyr y rhai oeddynt â nôd y bwystfil arnynt, ac ar y rhai a addolâsent ei ddelw ef.

3A’r ail angel a dywalltodd ei phiol ar y môr, ac efe a aeth fel gwaed celain, a phôb peth byw yn y môr a fu farw.

4A’r trydydd angel a dywalltodd ei phiol allan ar yr afonydd, a ffynhonnau’r dyfroedd, ac hwy a aethant yn waed.

5Ac mi a glywais angel y dyfroedd yn dywedyd, ô Arglwydd yr ŵyt yn gyfiawn, yr hwn ŵyt, ac yr hwn a fuost y Sanctaidd, o herwydd i ti farnu y pethau hyn.

6Canys hwy a dywalltasant waed y sainct, a’r prophwydi, ac am hynny y rhoddaist iddynt waed i yfed: y maent yn heuddu.

7Ac mi a glywais vn arall o’r allor yn dywedyd, ie Arglwydd Dduw holl-alluog, cywir a chyfiawn yw dy farnau di.

8A’r pedwerydd angel a dywalltodd allan ei phiol ar yr haul, a gallu a roed iddo i boethi dynion trwy dân.

9A’r dynion a doethasant gan wrês mawr, ac a gablâsant henw Duw, yr hwn sydd ag awdurdod gando ar y plâuau hyn, ac ni chymmerasant edifeirwch i roi gogoniant iddo ef.

10A’r pummed angel a dywalltodd allan ei phiol ar orseddfaingc y bwyst-fil, a’i deyrnas ef a aeth yn dywyll, ac hwy a gnoasant eu tafodau gan ddolur.

11Ac hwy a gablasant Dduw y nêf, gan eu poenau, a chan eu cornwydydd, ac ni chymmerasant edifeirwch am eu gweithredoedd.

12A’r chweched angel a dywalltodd allan ei phiol ar yr afon fawr Euphrates, a’i dwfr hi a sychodd, fel y gellid paratoi ffordd i frenhinoedd y dwyrain.

13A mi a welais dri yspryd aflan yn debyg i lyffaint, yn dyfod allan o enau’r ddraig, ac allan o enau y bwyst-fil, ac allan o enau’r prophwydi ffeilsion.

14Canys ysprydion cythreuliaid ydynt, yn gwneuthur gwrthiau, i fyned at frenhinoedd y ddaiar, a’r hôll fŷd, iw casclu hwynt i ryfel y dydd mawr hwnnw y Duw holl-alluog.

15Wele yr wyf i yn dyfod fel lleidr, gwyn ei fyd yr hwn a wilio, ac a gadwo ei ddillad, rhag iddo rodio yn noeth, a rhag gweled ei warth ef.

16Ac efe a’u casclodd hwynt yng-hyd i le a elwir yn Ebryw, Arma-gedon.

17A’r seithfed angel a dywalltodd allan ei phiol i’r awyr, a llef vchel a ddaeth allan o deml y nêf, oddi wrth yr orseddfaingc yn dywedyd, fe a ddarfu.

18Ac yr oedd lleisiau, a tharânau, a mellt, ac yr oedd diargryn mawr ar y ddaiar, cyfryw na bu er pan y maê dynnion ar y ddaiar, crynfa yr ddaiar oedd gymmaint.

19A rhannu a wnaethwyd y ddinas fawr yn dair rhā, a syrthio a wnaeth dinasoedd y cenhedloedd, a Babylon fawr a ddaeth mewn côf ger bron Duw, i roddi iddi gwppan gwin i digofaint ei lid ef.

20A phôb ynys a ffôdd ymmaith, ac ni chafwyd y mynyddoedd,

21A syrthio a wnaeth cenllysc mawr fel talentau o’r nêf ar y dynion, a’r dynion a gablasant Dduw am blâ’r cenllysc, canys mawr dros ben oedd eu pla hwynt.