Psalmau 107 - William Morgan Bible 1588 original edition

Psalm. cvij.

1 Clodforwch yr Arglwydd canys dâ yw: o herwydd ei drugaredd yn dragywydd.

2[Felly] dyweded gwaredigion yr Arglwydd, y rhai a waredodd efe o law’r gelyn,

3Ac a gasclodd efe o’r tiroedd, o’r dwyrain, ac o’r gorllewyn, o’r gogledd, ac o’r dehau.

4Cyrwydrâsant yn yr anialwch mewn diffaethwch ffordd: heb gael dinas i aros ynddi.

5Yn newynog ac yn sychedig eu henaid a lewygodd ynddynt.

6Yna y llefâsant ar yr Arglwydd yn eu cyfyngder: efe ai gwaredodd oi gorthrymder.

7Ac ai tywysodd hwynt ar hŷd ffordd iniawn, i dyfod i ddinas gyfanneddol.

8Cyffesant o flaen yr Arglwydd ei drugaredd ef, ai ryfeddodau i feibion dynnion.

9Canys diwallodd efe yr enaid sychedig, ac a lanwodd yr enaid newynog â daioni.

10Y rhai a bresswyliant dywyllwch a chyscod angeu, yn rhwym cystudd a haiarn,

11O herwydd annufyddhaû o honynt eiriau Duw, a dirmygu cyngor y Goruchaf.

12Yntef a ostyngodd eu calon â blinder: syrthiâsant, ac nid oedd cynnorthwy-wr.

13Pan waeddâsant ar yr Arglwydd yn eu cyfyngder: efe ai hachubodd oi gorthrymder.

14Dug hwynt allan o dywyllwch, a chyscod angeu: a drylliodd eu rhwymau hwynt.

15Cyffesant hwythau o flaen yr Arglwydd ei drugaredd, ai ryfeddodau i feibion dynnion.

16Canys efe a dorrodd y pyrth prês, ac a ddrylliodd y barrau heirn.

17Ynfydion o blegit eu camweddau, ac o herwydd eu hanwireddau a gystuddir.

18Eu henaid a ffieiddie bôb bwyd: a daethant hyd byrth angeu.

19Yna y gwaeddasant ar yr Arglwydd yn eu cyfyngder: efe ai hachubodd oi gorthrymder.

20Anfonodd efe ei air, ac iachâodd hwynt: ac ai gwaredodd oi methiant.

21Cyffesant hwythau o flaen yr Arglwydd ei drugaredd ef: ai ryfeddodau i feibion dynnion,

22Aberthant hefyd aberth moliant: a mynêgant ei weithredoedd ef mewn gorfoledd.

23Y rhai a ddescynnant mewn llongau i’r môr, gan wneuthur eu gorchwyl mewn dyfroedd mawrion:

24Hwy a welsant weithredoedd yr Arglwydd: ai ryfeddodau yn y dyfnder.

25Canys dywyedodd efe, a chyfododd temhestl-wynt: ac a dderchafodd ei donnau.

26[Y rhai] a escynnasant i’r nefoedd, a ddescynnasant i’r dyfnder, y toddodd eu henaid gan flinder.

27Ymdroâsant, ac ymsymmudâsant fel meddwyn: a methodd eu holl ddoethineb.

28Yna y gwaeddâsant ar yr Arglwydd yn eu cyfyngder, ac efe ai dygodd hwynt allan oi gorthrymder.

29Gwnaeth i’r storm sefyll yn dawel: ai tonnau a ostegâsant.

30Yna y llawenhausant am eu gostêgu, ac efe ai dug i’r porthladd a ddymunasent.

31Cyffesant hwythau o flaen yr Arglwydd ei drugaredd ef ai ryfedodau i feibion dynnion.

32A derchafed cynnulleidfa y bobl ef, a moliannant ef yn eisteddfod yr henuriaid.

33Efe a osododd y llifeiriant yn ddiffaethwch: a ffynhonnau dyfroedd yn ddispydd.

34[A] thîr ffrwyth-lawn yn ddiffrwyth: am ddrygioni y rhai a drigent ynddo.

35Gosododd yr anialwch yn llynn dwfr: a’r tîr crâs yn ffynhonnau dwfr.

36Ac yno y gwnaeth i’r newynog aros: ac y darparasant ddinas gyfanneddôl

37Ac yr heuâsant feusydd, ac y plannâsant win-llannoedd, ac y dugâsant ffrwyth toreithiog:

38Canys bendithiâse hwynt fel yr amlhâsāt yn ddirfawr, ac ni adawodd iw hanifeiliaid leihau

39Wedi hynny y lleihauwyd hwynt, ac y gostyngwyd gan gyfyngder dryg-fyd, a chŷni:

40Tywalltodd ddirmyg ar foneddigion, a gwnaeth iddynt gyrwydro mewn anialwch heb ffordd.

41Ond efe a gododd y tlawd o gystudd, ac a osododd deuluoedd fel praidd.

42Y rhai iniawn a wêlant, ac a lawenŷchāt: a phob anwiredd a gaea ei safn.

43Pwy ddoeth fel y cadwo hyn? ac y deallant drugareddau’r Arglwydd?