Iob 42 - William Morgan Bible 1588 original edition

PEN. XLII.Iob yn edifarhau, 9 Ac yn gweddio tros ei gyfeillion, 12 Ac yn cael adref ddau cymmaint o dda, a phlant hefyd.

1Ac Iob a attebodd yr Arglwydd ac a ddywedodd:

2Myfi a wn y gelli di bob peth: ac na chuddiir meddwl oddi wrthit.

3Pwy’r hwn sydd yn cuddio gyfrinach fel nas gwyddir? am hynny y lleferais yr hyn nis deallais, rhy ryfedd i mi y rhai ni’s gwyddwn.

4Gwrando attolwg, ac myfi a lefaraf: gofynnaf i ti, dysc dithe finne.

5Myfi a glywswn sôn am danat: ac yn awr fy llygad a’th welodd di.

6Am hynny y bydd ffiaidd gennif fi ac yr ydwyf yn edifarhau mewn llwch, a lludw.

7Ac wedi dywedyd o’r Arglwydd y geiriau hynny wrth Iob: yr Arglwydd a ddywedodd wrth Eliphaz y Themaniad, fy nigofaint a 217 gynneuodd yn dy erbyn di, ac yn erbyn dy ddau gyfaill, am na ddywedasoch am danafi yn iniawn fel fyng-wasanaeth-wr Iob.

8Ond yn awr cymmerwchi chwi saith o fustych, a saith o faharynnod, ac ewch at fyngwasanaethwr Iob: ac offrymmwch boeth aberth trosoch chwi, a gweddied fyng-wasanaeth-wr Iob trosoch: canys mi a dderbynniaf ei wyneb ef, fel na wnelwyf i chwi ffolineb, am na ddywedasoch yr iniawn am danafi, fel fyng-wasanaeth-wr Iob.

9Felly Eliphaz y Themaniad, a Bildad y Suhiad, a Sophar y Naamathiad a aethant, ac a wnaethant fel y dywedase’r Arglwydd wrthynt hwy: a’r Arglwydd a dderbynniodd wyneb Iob.

10Yna’r Arglwydd a ddychwelodd gaethiwed Iob, pan weddiodd efe tros ei gyfeillion: a’r Arglwydd a chwanegodd yr hyn oll gan Iob yn ddau-ddyblyg.

11Ei holl geraint ef hefyd, ai holl garêsau, a phawb oi gydnabod ef o’r blaen a ddaethant atto ef, ac a fwyttasant fwyd gyd ag ef yn ei dy, ac a gyd-ofidiasant ag ef, ac ai cyssurasant ef, am bob drwg a ddygase’r Arglwydd arno ef: a hwy a roddasant iddo ef bob vn, vn darn o arian, a phob vn, vn tlws o aur.

12A’r Arglwydd a fendithiodd ddiwedd Iob yn fwy nai ddechreuad ef: canys yr oedd ganddo ef bedair mîl ar ddêc o ddefaid, a chwe mîl o gamêlod, a mil o gyplau o ŷchen, a mil o assynnod.

13Ac yr oedd iddo ef saith o feibion, a thair o ferched.

14Ac efe a alwodd henw y gyntaf Iemima, a henw yr ail Cezia, a henw y drydedd Ceren-haphuc.

15Ac ni cheid gwragedd morr lân a merched Iob yn yr holl wlâd honno: ai tâd a roddes iddynt hwy etifeddiaeth ym mhlith ei brodyr.

16Ac Iob a fu fyw wedi hyn gant a deugain o flynyddoedd: ac a welodd oi feibion, a meibion ei feibion bedair cenhedlaeth.

17Ac Iob a fu farw yn hên, ac yn gyflawn o ddyddiau.

Terfyn llyfr Iob.