1Arglwydd fy Nuw, ynot yr ymddiriedais: achub fi rhag fy holl erlid-wŷr, a gwaret fi.
2Rhag iddo larpio fy enaid fel llew: gan rwygo, pryd na gwaredudd.
3Fy Arglwydd Dduw, os gwneuthum hynn, od oes anwiredd yn fy nwylaw:
4O thêlais ddrwg i’r neb oedd heddychol â mi: oni waredais y rhai a’m gwrthwynebent heb achos:
5Erlidied y gelyn fy enaid, a goddiwedded sathred hefyd fy mywyd i’r llawr, a gosoded fyng-ogoniant i drigo yn y llŵch.Selah.
6Cyfot Arglwydd yn dy ddigllonedd, ymddercha o herwydd llid fyng-elynnion: deffro hefyd drosof y farn a orchymynnaist.
7Felly cynnulleidfa y bobloedd a’th amgylchynant: er eu mwyn dychwel dithe i’r vchelder.
8Yr Arglwydd a farn y bobloedd: barn di fi ô Arglwydd yn ôl fyng-hyfiawnder, ac yn ôl fy mherffeithrwydd ynof.
9Darfydded weithian anwiredd yr annuwolion, eithr cyfarwydda di y cyfiawn: canys y Duw cyfiawn a chwilia y calonnau, a’r arennau.
10Fy amddeffyn yn Nuw, iachawdur y rhai iniawn o galon.
11Duw sydd farnudd cyfiawn, a Duw sydd ddigllon beunydd
12Oni ddychwel efe a hoga ei gleddyf, efe a annelodd ei fŵa, ac ai paratôdd.
13Paratôdd efe hefyd iddo arfau anghefol, efe a weithiodd ei saethau yn erbyn yr erlid-wŷr.
14Wele efe a Esa.59.4. Iob.15.35.ymddwg anwiredd, canys beichiogodd ar gamwedd, ac efe a escor ar gelwydd.
15Cloddiodd bwll, trychodd ef, syrthiodd hefyd yn y destruw a wnaeth efe.
16Ei anwiredd a ymchwel ar ei ben ef ei hun: ai gamwedd a ddescyn ar ei goppa ei hun.
17Clodforaf yr Arglwydd yn ôl ei gyfiawnder: a chan-molaf enw’r Arglwydd goruchaf.
Who We AreWhat We EelieveWhat We Do
2025 by iamachristian.org,Inc All rights reserved.
