Iob 12 - William Morgan Bible 1588 original edition

PEN. XII.Iob yn datcuddio ynfydrwydd ei gyfeillion, ac yn cydnabod doethineb Duw, ai allu.

1Ac Iob a attebodd, ac a ddywedodd,

2Diau mai chwy chwi bobl: a chyd a chwi y bydd marw doethineb.

3Eithr gennifi ddeall fel chwithau: nid ydwyfi waeth na chwithau, a phwy ni ŵyr y fath bethau a hyn?

4Yr ydwyf yn watworgerdd iw gyfell, yr hwn a eilw ar Dduw, ac efe ai hettyb: gwatworgerdd y cyfiawn perffaith.

5Pentewyn diystyr ym meddwl y llwyddiannus’r hwn sydd barod i lithro oi draed.

6Luestai heddychol sydd i yspeil-wŷr, a diogelwch i’r rhai sydd yn cyffroi Duw: y rhai a gyfoethogodd Duw ai law.

7Ond gofyn yn awr i’r anifeiliaid, a hwynt a’th ddyscant, ac i ehediad yr awyr, a hwy a fynegant i ti.

8Neu ddywet wrth y ddaiar, a hi a’th ddysc: a physcod y môr a yspysant i ti.

9Pwy ni ŵyr am y rhai hyn oll, mai llaw’r Arglwydd ai gwnaeth hwy?

10Yr hwn enioes pob peth byw yn ei law: ac anadl pob mâth ar ddyn.

11Onid y glust a ddirnad ymadroddion, a’r genau a archwaetha ei fwyd?

12Doethineb mewn henuriaid: a deall mewn hîr ddyddiau.

13Gyd ag ef doethineb, a chadernid: cyngor, a deall eiddo ef.

14Wele efe a ddestruwia, ac nid adailedir: efe gae ar ŵr, ac nid agorir arno.

15Wele efe a attal y dyfroedd, a hwy a sychant: efe ai denfyn hwynt, a hwy a ddifethant y ddaiar.

16Gyd ag ef y mae nerth a doethineb: efe piau y twylledic, a’r twyllodrus.

17Efe sydd yn gwneuthur i gynghoriaid fyned yn anrhaith: ac efe a ynfyda farn-wŷr.

18Efe sydd yn datod rhwym brenhinoedd: ac yn rhwymo gwregis am eu lwynau hwynt.

19Efe sydd yn gwneuthur i dywysogion fyned yn anrhaith: ac a blyga y rhai cedyrn.

20Efe sydd yn dwyn ymadrodd yr araithwŷr: ac yn dwyn synnwyr y rhai hên.

21Efe sydd yn tywallt diystyrwch ar dywysogion: ac yn gwanhaû y rhai cryfion o nerth.

22Efe sy yn dadcuddio dyfnion allan o dywyllwch: ac yn dwyn cyscod angeu allan i oleuni.

23Efe sydd yn amlhau y cenhedloedd, ac efe ai destruwiau hwynt: efe sydd yn ehangu ar y cenhedloedd, ac efe ai dwg hwynt

24Efe sydd yn dwyn calon pennaethiaid pobl y ddaiar: ac efe a wna iddynt hwy fyned ar gyfrgoll mewn gwag-le heb ffordd.

25Hwynt a balfalant â thywyllwch, ac nid â goleuni: ac efe a wna iddynt hwy gyfeiliorni fel meddwyn.