Psalmau 116 - William Morgan Bible 1588 original edition

Psalm. cxvj.

1 Da gennif wrando o’r Arglwydd a’r fy llef a’m gweddiau.

2Am ostwng o honaw ef ei glust attaf, llefaf tros fy nyddiau

3Maglau angeu a’m cylchynâsant, a gofidiau vffern a’m daliâsant, ing a blinder a gefais.

4Ond mi a alwaf ar enw’r Arglwydd, attolwg Arglwydd gwaret fy enaid.

5Trugârog Arglwydd, a chyfiawn, a thosturiol yw ein Duw ni.

6Yr Arglwydd sydd yn cadw y rhai annichellgar: tlodais, ac efe a’m hachubodd.

7Dychwel ô fy enaid, i’th orphywysfa, canys yr Arglwydd fu ddâ wrthit.

8O herwydd i ti waredu fy enaid oddi wrth angeu, fy llygaid oddi wrth ddagrau, a’m traed rhag llithro:

9Rhodiaf o flaen yr Arglwydd yn nhîroedd y rhai byw.

10Credais, am hynny y lleferais: cystuddiwyd fi’n ddirfawr.

11Mi a ddywedais yn fy ffrwst, pob dyn gelwyddoc.

12Beth a dalaf i’r Arglwydd ei holl ddoniau i mi?

13Phiol iechydwriaeth a gymmeraf, ac ar enw’r Arglwydd y galwaf.

14Fy addunedau a dalaf i’r Arglwydd, yn awr o flaen ei holl bobl ef.

15Gwerth-fawr yng-olwg yr Arglwydd marwolaeth ei sainct ef.

16Wele ô Arglwydd, o herwydd mai dy wâs di (dy wâs di mab dy wasanaeth-wraig,) dattodaist fy rhwymau.

17Aberthaf i ti aberth moliant: a galwaf ar enw’r Arglwydd.

18Talaf fy addunedau i’r Arglwydd yn awr o flaen ei holl bobl,

19Yng-hynteddoedd tŷ’r Arglwydd o’th fewn di ô Ierusalem. Molwch yr Arglwydd.