Diharebion 31 - William Morgan Bible 1588 original edition

1Geiriau Lemuel frenin: brophwydoliaeth, yr hon a ddyscodd ei fam iddo ef.

2Beth fy mab? pa beth fy mab cnawdol? îe pa beth a ddywedaf fy mab annwyl?

3Na ddyro i wragedd dy nerth: na’th ffyrdd i’r rhai a ddifethant frenhinoedd.

4Nid i frenhinoedd, O Lemuêl, nid gweddaidd i frenhinoedd ŷfed gwin: nac i benaduriaid ddeisyfu diod gadarn,

5Rhag iddo ef ŷfed, ac ebargôfi deddf: a chyfnewidio barn yr hôll rai gorthrymmedig.

6Rhoddwch ddiod gadarn i’r neb sydd ar ddarfod am dano: a rhoddwch wîn i’r trîst feddwl.

7Yfed efe fêl yr anghofio ei dlodi: ŷfed fel na’s meddylio am ei flin-fŷd.

8Agor dy enau dros y mud: ac yng-hweryl plant angeu.

9Agor dy enau, barn yn gyfiawn: a dadle dros y tlawd a’r anghenus.

10Pwy bynnac a gaffo wraig rinweddol: gwerthfawrocach yw hi na’r carbwncl.

11Calon ei gŵr a ymddyried ynddi: ac ni bydd arno ddim eisieu.

12Hi a wna iddo lês, ac nid drwg, hôll ddyddiau ei bywyd.

13Hi a gais wlân neu lîn, ac ai gweithia ai dwy-law yn ewyllyscar.

14Tebyg yw hi i long marsiandwr, hi a gluda ei bywyd o bêll.

15Hi a gŷfyd liw nôs, ac a rydd fwyd iw thylwyth, ai tasc iw llangcesau.

16Hi a rydd ei brŷd ar dŷddyn, ac ai pryn ef: ac â gwaith ei dwylo hi a blanna win-llan.

17Hi a wregŷsa ei lwynau â nerth: ac a gryfhâ ei breichiau.

18Os hi a wêl fôd ei marsiandiaeth yn fuddiol, ni ddiffydd ei chanwyll ar hŷd y nôs.

19Hi a rŷdd ei llaw ar ei chwarfan, ai llaw a ddeil y werthyd.

20Hi a egyr gledr ei llaw i’r tlawd, ac a estyn ei dwylo i’r anghenus.

21Nid ofna hi am ei thylwyth rhag yr eirâ, canys ei holl dŷ hi a wisc scarlat.

22Hi a weithia iddi ei hun garpêdau, ei gwisc yw lliain main a phorphor.

23Hynod yw ei gŵr hi yn y pyrth, pan eisteddo gyd â henafiaid y wlâd.

24Hi a weithia liain, ac ai gwerth, ac a werth wregysau i’r marsiandwŷr.

25Nerth ac anrhydedd yw ei gwisc, ac yn yr amser a ddaw hi a chwardd.

26Hi a egyr ei genau yn ddoeth, a chyfraith trugaredd ar ei thafod hi.

27Hi a graffa pa ffordd y rhodia tylwyth ei thŷ: ac ni fwytu hi fwyd syrthni.

28Ei phlant a godant, ac ai galwant yn ddedwydd: ei gŵr yn yr vn modd ai can-mol hi:

29Gan ddywedyd, llawer merch a weithiodd yn rymmus, ond ti a ragoraist arnynt ôll.

30Siomêdig yw ffafr, ac ofer yw tegwch: ond benyw yn ofni yr Arglwydd a gaiff glôd.

31Rhoddwch iddi o weithredoedd ei dwylo, a chan-moled ei gweithredoedd hi yn y pyrth.

Terfyn Diharebion Salomon