1.Timotheus 1 - William Morgan Bible 1588 original edition

PENNOD. I.3 Y mae efe yn annog Timotheus i wilio ar ei swydd, yn enwedig ar iddo edrych na ddyscer dim i’r bobl onid gair Duw. 5 Gan fynegu diwedd y gorchymyn. 20 A rhybuddio am Hymeneus ac Alexander.

1Paul Apostl Iesu Grist trwy ordeinhâd Duw ein Iachawdr, a’r Arglwydd Iesu Grist Coloss.1.27.ein gobaith,

2 Gweith.16.1. At Timotheus fy mab naturiol yn y ffydd: grâs, trugaredd, a heddwch gan Dduw ein Tad, a Christ Iesu ein Harglwydd.

3Megis y deisyfiais arnat aros yn Ephesus pan aethym i Macedonia, fel y gellych rybuddio rhai, na ddyscant amryw ddysceidiaeth,

4Ac nad ystyriant Pen.4.7.|1TI 4:7. titus.1.14.chwedlau, ac achau Pen.6.4.annorphen, y rhai sy yn peri cwestiwnau yn fwy nag adeiladaeth dduwiol yr hon sydd trwy ffydd

5Eithr Rufei13.10.diwedd y gorchymyn ydyw cariad o galō bur, a chydwybod dda, a ffydd ddiau.

6Oddi wrth ba rai y gŵyrodd rhai, ac y troâsant at ofer ymadrodd.

7Y rhai a fynnent fod yn ddoctoriaid y gyfraith heb na deall yr hyn a ddywedent, na’r hyn a daerent.

8 Rufei.7.12. Eithr nyni a ŵyddom mai da yw’r gyfraith, os arfer dyn hi yn gyfreithlon,

9Gan ŵybod hyn, na roddwyd y gyfraith i’r cyfiawn, eithr i’r rhai anwir ac anufudd, i’r rhai annuwiol a’r pechaduriaid, i’r rhai anghyfiawn a’r rhai aflan, i leiddiaid tad, a lleiddiaid mam, ac i leiddiaid dynion,

10I butein-wŷr, i rai Sodomiaidd, i ladron dynion, i rai celwyddog, i anudon-wŷr, ac od oes dim arall yr hwn sydd wrthwyneb i athrawiaeth iachus,

11[Yr hon sydd] ar ôl gogoneddus Efengyl y Pen.6.15.bendigedig Dduw, yr hon a ymddyriedwyd i mi.

12Ac yr ydwyf yn diolch i’r hwn a roesi mi allu, sef Crist Iesu ein Harglwydd: am iddo fyng-hyfrif yn ffyddlon, gan fyng-osod yn y weinidogaeth.

13A mine o’r blaen yn gabl-wr, ac yn erlidi-wr, ac yn drahaus: eithr mi a gefais drugaredd, mewn annwybod y gwneuthum drwy ang-hredyniaeth.

14A grâs ein Harglwydd a dra-amlhaodd gyd â ffydd a chariad, yr hwn sydd yng-Hrist Iesu.

15Gair gwir, ac ym mhob modd yn heuddu ei dderbyn dyfod* Crist Iesu i’r bŷd i gadw pechaduriaid, o ba rai pennaf ydwyfi.

16Eithr o achos hyn y cefais drugaredd fel y dangose Iesu Grist ynofi yn gyntaf bôb hir oddef, er siampl i’r rhai a gredant rhag-llaw ynddo ef, i fywyd tragywyddol.

17Ac i’r Brenin tragywyddol, anfarwol, anweledig, vnic synhwyrol Dduw, y byddo anrhydedd a gogoniant yn oes oesoedd. Amen.

18Y gorchymyn hwn yr ydwyf yn ei roddi i ti mab Timotheus: yn ôl y prophwydoliaethau a gerddasant o’r blaen am danat, Pen.6.12.filwrio o honot filwriaeth dda

19Gan fod gennit ffydd a chydwybod dda yr hon a wrthododd rhai, ac a wnaethant longddrylliad am y ffydd.

20O ba rai y mae Hymeneus, ac Alexander, 1.Cor.5.5.y rhai a roddais i Satan, fel y dyscent na chablent.