Esther 3 - William Morgan Bible 1588 original edition

PEN. III.Haman yn ceisio difetha yr holl Iddewon, am na pharchase Mordocêus ef.

1Wedi y pethau hyn, y brenin Ahasferus a fawrhaodd Haman fab Hammedatha Num.24.7. 1.sam.15.8.’r Agagiad, ac ai derchafodd ef: gosododd hefyd ei orseddfaingc ef goruwch yr holl dywysogion y rhai gyd ag ef.

2A holl weision y brenin y rhai ym mhorth y brenin oeddynt yn ymgrymmu, ac yn ymostwng i Haman, canys felly y gorchymnnase’r brenin am dano ef: ond nid ymgrymmodd Mordoceus, ac nid ymostyngodd.

3Yna gweision y brenin y rhai ym mhorth y brenin, a ddywedasant wrth Mordoceus: pa ham yr ydwyt ti yn trosseddu gorchymyn y brenin?

4Ac er eu bod hwy beunydd yn dywedyd wrtho ef etto ni wrandawe efe arnynt hwy: am hynny y mynegasant i Haman iedrych a safe geiriau Mordoceus, canys efe a 203 fynegase wrthynt mai Iddew efe.

5Pan welodd Haman nad oedd Mordoceus yn ymgrymmu, nac yn ymostwng iddo: yna Haman a lawnwyd o ddigllonedd.

6Er hynny diystyr oedd ganddo yn ei olwg ei hun estyn llaw yn erbyn Mordocêus eu hunan (canys mynegasent iddo bobl Mordocêus) am hynny Haman a geisiodd ddifetha’r holl Iddewon y rhai drwy holl frenhiniaeth Ahasferus, pobl Mordocêus.

7Yn y mîs cyntaf (hwnnw * Nisan) yn y ddeuddecfed flwyddyn i’r brenin Ahasferus: efe a barodd fwrw Pyr (hwnnw y coelbren) ger bron Haman o ddydd i ddydd, ac a fîs i fîs y deuddecfed hwnnw mis Adar.

8Yna Haman a ddywedodd wrth y brenin Ahasferus, y mae rhyw bobl wascaredic, a gwahanedic ym mhlith y bobloedd, drwy holl dalaithau dy frenhiniaeth: ai cyfreithiau hwynt sy yn ymrafaelio oddi wrth yr holl bobl, ac nid ydynt yn gwneuthur cyfreithiau y brenin, am hynny nid buddiol i’r brenin eu dioddef hwynt.

9O bydd bodlon gan y brenin, scrifenner am eu difetha hwynt: a deng mil o dalentau arian a dalaf ar ddwylo y rhai a wnânt y weithred hon, iw dwyn i dryssorau y brenin.

10Yna y tynnodd y brenin ei fordrwy oddi am ei law: ac ai rhoddes i Haman fab Hammedatha yr Agagiad gwrthwyneb-wr yr Iddewon.

11A’r brenin a ddywedodd wrth Haman, rhodder yr arian i ti: a’r bobl i wneuthur a hwynt fel y byddo dâ yn dy olwg.

12Yna y galwyd scrifennyddion y brenin yn y mîs cyntaf, ar y trydydd dydd ar ddêc o’r hwnnw, ac yr scrifennwyd yn ôl yr hyn oll a orchymynnase Haman at bendefigion y brenin, ac at y dugiaid y rhai ar bob talaith, ac at dywysogion pob pobl, i bob talaith, yn ôl ei scrifen, ac bob pobl yn ôl eu tafod-iaith: yn enw y brenin Ahasferus yr scrifennasid, ac a modrwy y brenin y seliasid

13A’r llythŷrau a anfonwyd gyd a’r rhedeg-wŷr i holl dalaithau y brenin: i ddinistrio, i ladd, ac i ddifetha’r holl Iddewon yn ieuangc, ac yn hên, yn blant, ac yn wragedd mewn vn dydd, ar y trydydd ar ddêc o’r deuddecfed mis (hwnnw mîs Adar: ) ac i sclyfaethu eu hyspail hwynt.

14Testyn yr scrifen gosod cyfraith ym mhob talaith yn eglur i’r holl bobloedd: i fod yn barod erbyn y diwrnod hwnnw.

15Y rhedeg-wŷr a aethant wedi eu cymmell drwy air y brenin, a’r gorchymyn a roddasid yn Susan y brenhin-lys: y brenin hefyd, a Haman a eisteddasant i yfed, a dinasyddion Susan oeddynt yn athrist.