Ieremi 10 - William Morgan Bible 1588 original edition

PEN. X.Gwendid gau-dduwiau y cenhedloedd, a chadernid y gwir Dduw. 21 Eglwys-wyr angall.

1Gwrandewch y gair yr hwn a ddywedodd yr Arglwydd wrthych chwi tŷ Israel,

2Fel hyn y dywedodd yr Arglwydd, na ddyscwch ffordd y cenhedloedd, ac Deut.18.10.nac ofnwch arwyddion y nefoedd, er ofni o’r cenhedloedd hwynt.

3Canys Deut.12.30.deddfau’r bobloedd ynt oferedd: o herwydd cymmynwyd pren o’r coed, (gwaith llaw’r saer) â bwyall.

4Ag Esa.44.12.arian, ac ag aur yr harddwyd hwynt, â hoelion, ac â morthoelion y siccrhauwyd hwynt rhag cwympo.

5Megis palm-wydden syth hwy, ac ni lefarant: gan ddwyn y dygir hwy am na allant gerdded: nac ofnwch hwynt canys ni allant wneuthur drwg, a gwneuthur da nid ynddynt.

6Nid fel ti Arglwydd, mawr wyt, a mawr dy enw mewn cadernid.

7 Gweled.15.4. Pwy ni’th ofna di Brenin y cenhedloedd? canys i ti y gwedde o herwydd ym mysc holl ddoethion y cenhedloedd ac ym mysc eu holl deyrnasoedd hwy nid fel ti.

8Eithr cyd-ynfydasant, ac amhwyllasant athrawiaeth Habac.2.18.oferedd yw cyff.

9Arian gyrredic a ddygir o Tharsis, ac aur o Uphas waith celfydd, a dwylaw’r toddudd: sidan glas a phorphor eu gwisc hwy, gwaith y celfyddion oll.

10Eithr yr Arglwydd sydd wîr Dduw, efe yw’r Duw byw a’r Brenin tragywyddol, rhag ei lîd ef y cryna’r ddaiar, a’r cenhedloedd ni allant ddioddef ei sorriant ef.

11Fel hyn y dywedwch wrthynt, difether o’r ddaiar, ac oddi tann y nefoedd y duwiau y rhai ni wnaethant nefoedd a daiar.

12[Duw] Iere.51.15.a wnaeth y ddaiar trwy ei nerth, ac a siccrhaodd y byd trwy ei ddoethineb, ac a estynnodd y nefoedd trwy ei synnwyr.

13Pan roddo efe ei lais twrwf dyfroedd yn y nefoedd, efe a wna i’r cwmylau dderchafu o eithafoedd y ddaiar: efe a wna fellt gyd a’r glaw, ac a ddŵg allan y gwynt oi dryssorau.

14 Iere.51.17. Ynfyd yw pôb dyn yn ei ŵybodaeth, gwradwyddwyd pôb toddudd am y ddelw: canys gwagedd ei doddiad, ac nid oes anadl ynddynt.

15Oferedd ynt gwaith cyfeiliorni: yn amser eu gofwy y difethir hwynt.

16Nid fel y rhai hyn, eithr lluni-wr y cwbl oll yw Deut.32.9. psal.16.5.rhan Iacob: ac Israel yw gwialen ei etifeddiaeth ef: Arglwydd y lluoedd ei enw.

17Cascl o’r tîr dy farchnadaeth yr hon wyt yn trigo mewn cadernid.

18Canys fel hyn y dywed yr Arglwydd, wele fi yn taflu trigolion y tîr ar y waith hon, a chyfyngaf arnynt, fel y caffant

19Gwae fi am fy mriw, dolurus fy mhlâ, mi a ddywedais yn ddiau, dymma ofid, a mi ai dygaf.

20Fy mhabell i a anrheithiwyd, a’m rhaffau oll a ddrylliwyd, fy mhlant a aethant oddi wrthif, ac nid ydynt: nid mwy a lêdo fy mhabell, nac a gyfyd fy llennau.

21Canys y bugeiliaid a ynfydâsant, a’r Arglwydd ni cheisiâsant, am hynny ni ddeallhâsant, a eu porfa hwy oll a wascarwyd.

22Wele lêf vchel a ddaeth, a chynnwrf mawr Iere.4.15.o dir y gogledd, i osod dinasoedd Iuda yn ddiffaethwch yn drigfan dreigiau.

23Gwn Arglwydd nad eiddo dyn ei ffordd, ac nad eiddo gŵr a rodio lywodraeth ei gerddediad.

24Cospa fi Arglwydd, etto mewn barn, ac nid yn dy lid, rhag it fy nifetha.

25Tywallt dy lid ar y cenhedloedd y rhai ni’th adnabuant, ac ar y teuluoedd ni alwasant ar dy enw di, canys bwyttasant Iacob, îe bwyttasant ef, difasant ef hefyd, ac anrheithiasant ei gyfannedd.