Iosuah 6 - William Morgan Bible 1588 original edition

PEN. VI.Duw yn rhoddi Iericho yn llaw Iosuah. 22 yntef yn peri cadw yr addewid a wnelsid i Rahab. 26 Dialedd Duw ar yr hwn a adailade Iericho trachefn.

1Ac Iericho oedd yn gaeedic, ac yn argaeedic rhac ofn meibion Israel: nid oedd yn myned allan, nac yn dyfod i mewn.

2A’r Arglwydd a ddywedodd wrth Iosuah, gwêl rhoddais yn dy law di Iericho ai brenin: chedyrn y llu.

3Gan hynny amgylchwch y ddinas ryfel-wŷr oll, gan amgylchynu y ddinas vn waith: gwnewch felly chwe diwrnod.

4A dyged saith o offeiriaid saith o vdcyrn o gyrn hyrddod o flaen yr Arch, a’r seithfed dydd yr amgylchwch y ddinas saith waith: alleisied yr offeiriaid a’r vdcyrn.

5A phan gênir yn hirllaes a chorn yr hwrdd, phan glywoch chwithau sain yr vdcorn bloeddied yr holl bobl a bloedd vchel: yna y syrth mûr y ddinas tani hi, ac eled y bobl i fynu bawb ar ei gyfer.

6Yna Iosuah mab Nun a alwodd ar yr offeiriaid, ac a ddywedodd wrthynt dygwch Arch y cyfammod: a dyged saith o offeiriaid saith o vdcyrn o gyrn hyrddod o flaen Arch yr Arglwydd.

7Ac efe a ddywedodd wrth y bobl cerddwch, ac amgylchwch y ddinas: a’r hwn sydd arfog eled o flaen Arch yr Arglwydd.

8A phan ddywedodd Iosuah wrth y bobl, yna y saith offeiriaid a ddugasant saith o vdcyrn o gyrn hyrddod, ac a gerddasant o flaen yr Arglwydd, ac a leisiasant mewn vdcyrn: ac Arch cyfammod yr Arglwydd oedd yn myned ar eu hol hwynt.

9A’r rhai arfogion oeddynt yn myned o flaen yr offeiriaid y rhai oeddynt yn lleisio mewn vdcyrn: yna y fyddin olaf oedd yn myned ar ôl yr Arch dān gerdded, a thān leisio mewn vdcyrn.

10Ac Iosuah a orchymynnase i’r bobl gan ddywedyd, na waeddwch, ac na edwch glywed eich llais, ac nac eled gair allan o’ch genau, hyd y dydd y dywedwyf wrthych, gwaeddwch, a bloeddiwch.

11Felly Arch yr Arglwydd a amgylchodd y ddinas gan hamgylchynu vnwaith: yna y daethant i’r gwerssyll, ac y lleteuasant yn y gwerssyll.

12Ac Iosuah a gyfododd yn forau: a’r offeiriaid a ddugasant Arch yr Arglwydd.

13A’r saith offeiraid oeddynt yn dwyn saith o vdcyrn o gyrn hyrddod o flaen Arch yr Arglwydd yn myned dann gerdded, ac yn lleisio mewn vdcyrn: a’r rhai arfogion oeddynt yn myned oi blaen hwynt a’r fyddin olaf oedd yn myned ar ol Arch yr Arglwydd dann gerdded, a lleisio mewn vdcyrn.

14Felly’r amgylchynasant y ddinas vn waith yr ail dydd, a dychwelasant i r gwerssyll: fel hyn y gwnaethant chwe diwrnod.

15Ac ar y seithfed dydd y cyfodasant yn forau ar godiad y wawr, ac yr amgylchasant y ddinas y modd hwnnw, saith waith: yn vnic y dwthwn hwnnw’r amgylchasant y ddinas seith-waith.

16A phan leisiodd yr offeiriaid yn eu hudcyrn y seithfed waith, yna Iosuah a ddywedodd wrth y bobl: gwaeddwch canys rhoddodd yr Arglwydd y ddinas i chwi.

17A’r ddinas fydd yn ddiofryd-beth, hi a’r hyn oll ynddi i’r Arglwydd: yn vnic Rahab y buttein-wraig fydd byw, hi a chwbl ar y gyd a hi yn tŷ, canys Iosuah.2.4.hi a guddiodd y cennadau y rhai a anfonasom ni.

18Er hynny ymgedwch chwi oddi wrth y diofryd-beth rhac eich gwneuthur eich hun yn ddiofryd-beth os cymmerwch o’r diofryd-beth: Leuit.27.21.|LEV 27:21. Num.21.2. Deut.13.15.felly y gosodech werssyll Israel yn ddiofrydbeth, ac y difwynech-ef.

19Ond yr holl arian, a’r aur, a’r llestri prês, ar haiarn fyddant gyssegredic i’r Arglwydd: deled i mewn i dryssor yr Arglwydd.

20Yna y gwaeddodd y bobl, ac y lleisiasant mewn vdcyrn: a phan glybu y bobl lef yr vdcyrn, yna y bobl a waeddasant a llef vchel, Hebreaid.11.30.a’r mûr a syrthiodd i lawr oddi tanodd, felly y bobl a aethant i fynu i’r ddinas, pob vn ar ei gyfer, 2.Mac.12.15.ac a ennillasant y ddinas.

21A hwynt a ddifrodasant yr hyn oll yn y ddinas yn ŵr ac yn wraig, yn fachgen, ac yn henafgwr: yn eidion ac yn ddafad, ac yn assyn a mîn y cleddyf.

22Ac Iosuah a ddywedodd wrth y ddau ŵr y rhai a fuasent yn edrych ansodd y wlad, ewch i dŷ y buttein-wraig: a dygwch allan oddi yno y wraig a’r hyn oll iddi, Pen.2.14.fel y tyngasoch wrthi.

23Felly y llangciau y rhai fuasent yn edrych ansodd a ddaethant i mewn, ac a ddugasant allan Rahab, ai thad, ai mam, ai brodyr, a chwbl ar a fedde hi, dugasant allan hefyd ei holl dylwyth: a chyfleuasant hwynt o’r tu allan i werssyll Israel.

24A lloscasant y ddinas a thân, a’r hyn oll ynddi: yn vnic yr arian, a’r aur, a’r llestri prês, a’r haiarn a roddasant hwy yn nhryssor dŷ’r Arglwydd.

25Felly y cadwodd Iosuah yn fyw Rahab y buttein-wraig, a thylwyth ei thad, a’r hyn oll genddi, a hi a drigodd ym mysc Israel hyd y dydd hwn: am iddi guddio y cennadau y rhai a anfonase Iosuah i chwilio Iericho.

26Ac Iosuah a dyngodd y pryd hynny gan ddywedyd: melldigedic ger bron yr Arglwydd’r gŵr yr hwn a gyfyd, 1.Bren.16.34.ac a adailada y ddinas hon sef Iericho: yn ei gyntaf-anedic y seilia efe hi, ac yn ei ieuangaf y sefylla efe ei phyrth hi.

27Felly yr Arglwydd oedd gyd ag Iosuah: fel y bu ei glod ef drwy’r holl ddaiar.