Numeri 28 - William Morgan Bible 1588 original edition

PEN. XXVIII.Amryw offrymmau, ac aberthau, ac amryw amseroedd.

1A llefarodd yr Arglwydd wrth Moses gan ddywedyd:

2Gorchymyn i feibion Israel, a dywet wrthynt, gwiliwch am offrymmu i mi fy offrwm, a’m bara i’m hebyrth tanllyd o arogl esmwyth yn ei dymmor.

3A dywet wrthynt Exod.29 38.dymma’r aberth tanllyd yr hwn a offrymmwch i’r Arglwydd: dau oen flwyddiaid berffaith-gwbl yn y dydd, yn boeth offrwm gwastadol.

4Un oen a offrymmi di y boreu, a’r ail oen a offrymmi di yn y cyfnos.

5A decfed ran Epha o beillied yn Exod.29.40. Lefit.2.1.fwyd offrwm wedi ei gymmyscu trwy bedwaredd ran Hin o olew coethedic.

6[Dymma] y poeth offrwm gwastadol a wnaed ym mynydd Sinai, yn arogl esmwyth o aberth tanllyd i’r Arglwydd.

7Ai ddiod offrwm bedwaredd ran Hin gyd a phob oen: tywallt dywalltiad diod gref i’r Arglwydd yn y cyssegr.

8Yr ail oen a offrymmi yn y cyfnos: megis bwyd offrwm y boreu, ai ddiod offrwm, yr offrymmi aberth tanllyd o arogl esmwyth i’r Arglwydd.

9Ac ar y dydd Sabboth, dau oen blwyddiaid perffaith-gwbl, a dwy ddecfed ran o beillied yn fwyd offrwm wedi ei gymmyscu trwy olew, ai ddiod offrwm.

10Poeth offrwm y Sabboth ar ei Sabboth, heb law y poeth offrwm gwastadol ai ddiod offrwm.

11Ac ar ddechreu eich missoedd yr offrymmwch yn boeth offrwm i’r Arglwydd ddau o fustych ieuaingc, ac vn hwrdd, saith oen blwyddiaid perffaith-gwbl.

12A thair decfed ran o beillied yn fwyd offrwm wedi ei gymmyscu drwy olew gyd a phob bustach, a dwy ddecfed ran o beillied yn fwyd offrwm wedi ei gymmyscu trwy olew gyd a phob hwrdd.

13A phob yn ddecfed ran o beillied yn fwyd offrwm wedi ei gymmyscu drwy olew gyd a phob oen: yn offrwm poeth o arogl esmwyth yn aberth tanllyd i’r Arglwydd.

14Ai diod offrwm fydd hanner Hin gyd a bustach, a thrydedd ran Hin gyd a hwrdd, a phedwaredd ran Hin gyd ag oen, dymma wîn poeth offrwm, mis yn ei fis, trwy fisoedd y flwyddyn.

15Ac vn bwch geifr yn bech aberth i’r Arglwydd, heb law y gwastadol boeth offrwm, yr offrymmir ef ai ddiod offrwm.

16Ac yn y mis cyntaf Exod.12.18. Exod.23.15. Lefit.23.5.ar y pedwerydd dydd ar ddec o’r mîs Pasc yr Arglwydd.

17Ac ar y pymthecfed dydd or mîs hwn yr ŵyl: saith niwrnod y bwytteir bara croiw.

18Ar Lefit.23.7.y dydd cyntaf cymanfa sanctaidd, na wnewch ddim caeth-waith.

19Ond offrymmwch yn aberth tanllyd yn boeth offrwm i’r Arglwydd ddau o fustych ieuaingc, ac vn hwrdd, a saith oen blwyddiaid: byddant gennych yn berffaith-gwbl.

20Eu bwyd offrwm hefyd o beillied wedi ei gymmyscu drwy olew, tair decfed ran gyd a bustach, a dwy ddecfed ran gyd a hwrdd a offrymmwch chwi.

21Bob yn ddecfed ran yr offrymmwch gyd a phob oen, o’r saith oen.

22Ac vn bwch yn bech aberth, i wneuthur iawn drosoch.

23Heb law poeth offrwm y boreu, yr hwn boeth offrwm gwastadol, yr offrymmwch hyn.

24Fel hyn yr offrymmwch ar dydd o’r saith niwrnod fwyd aberth tanllyd o arogl esmwyth i’r Arglwydd: heb law y poeth offrwm gwastadol yr offrymmir ef ai ddiod offrwm.

25Ac ar y saithfed dydd, cymanfa sanctaidd fydd i chwi, dim caeth-waith nis gwnewch.

26Ac ar ddydd eich blaen-ffrwythau, pan offrymmoch fwyd offrwm newydd i’r Arglwydd, wedi eich wythnosau, cymanfa sanctaidd fydd i chwi, dim caeth-waith nis gwnewch.

27Ond offrymmwch ddau fustach ieuaingc vn hwrdd, a saith oen blwyddiaid, yn boeth offrwm, o arogl esmwyth i’r Arglwydd.

28A eu bwyd offrwm o beillied wedi ei gymmyscu drwy olew: tair decfed ran gyd a phob bustach, dwy ddecfed ran gyd a phob hwrdd.

29Bob yn ddecfed ran gyd a phob oen, o’r saith oen.

30Un bwch geifr i wneuthur iawn trosoch.

31Heb law y poeth offrwm gwastadol, ai fwyd offrwm, yr offrymmwch byddant gennych yn berffaith-gwbl yng-hyd ai diod offrwm.