Psalmau 22 - William Morgan Bible 1588 original edition

Psalm. xxij.Deus, Deus meus.At y pen-cerdd ar Aieleth hashachar. Psalm Dafydd.

1 Fy Matth.27.46.Nuw, fy Nuw, pa ham i’m gadewaist? pell oddi wrth fy iechydwriaeth, a geiriau fy llefain?

2Fy Nuw llefain yr ydwyf y dydd, ac ni attebi: y nôs hefyd, ac nid oysteg i mi.

3A thithe moliant Israel ydwyt yn parhau yn sanctaidd.

4Ein tadau a obeithiâsant ynot: gobeithiasant, a gwaredaist hwynt.

5Arnat ti y llefâsant, ac achubwyd hwynt: ynot yr ymddyriedâsant, ac ni’s gwaradwyddwyd hwynt.

6A minne pryf, ac nid gŵr: gwarthrudd dynnion, a dirmyg y bobl.

7Pawb a’r a’m gwelant a’m gwatwârant: llaesant wefl, escydwant bennau

8Ymddyriedodd yn yr Arglwydd, gwareded ef: achubed ef, gan ei fod yn ddâ ganddo.

9Canys ti a’m tynnaist o’r grôth: gwnaethost i mi obeithio ar fronnau fy mam.

10Arnat ti i’m bwriwyd o’r brû: o groth fy mam fy Nuw ydwyt.

11Nac ymbellhâ di oddi wrthif, o herwydd cyfyngder agos: ac nid gynnorthwy-wr.

12Bustych lawer a’m cylchynâsant: gwrdd deirw Basan, a’m hamgylchâsant.

13Agorâsant arnaf eu gênau: llew rheipus a rhuadwy.

14Fel dwfr i’m tywalltwyd, a’m hescyrn oll a ymwahanâsant: fyng-halon sydd doddedic fel cŵyr: yng-hanol fy mherfedd.

15Fy nerth a ŵywodd fel pridd-lestr: a’m tafod a lŷnodd wrth daflod fyng-enau: ac yn llŵch angeu i’m cyfleaist.

16Canys cŵn a’m cylchynâsant, a chynnulleidfa y drygionus a’m hamgylchynâsant: cloddiâsant fy nwy-law a’m traed.

17Gallaf gyfrif fy holl escyrn: y maent yn tremmio ac yn edrych arnaf fi.

18 Matth.27.25. Y maent yn rhannu fy nillad yn eu mysc: ac ar fyng-wisc y maent yn bwrw coelbren.

19A thithe Arglwydd nac ymbellhâ: fyng-hadernid bryssia i’m cynnorthwyo.

20Gwaret fy enaid rhag y cleddyf: fy vnic o feddiant y cî.

21Achub fi rhag safn y llew: o blith cyrn vnicorniaid atteb fi.

22 Heb.2.12. Mynegaf dy henw i’m brodyr: yng-hanol y gynnulleidfa i’th folaf.

23Y rhai sy yn ofni’r Arglwydd molwch ef, holl hâd Iacob gogoneddwch ef: a holl hâd Israel ofnwch ef.

24Canys ni ddirmygodd, ac ni ffieiddiodd gystudd y tlawd, ac ni chuddiodd ei wyneb rhagddo: ond pan lefodd efe arno y gwrandawodd ef.

25Fy mawl o honot ti yn y gynnulleidfa fawr: fy addunedau a dâlaf ger bron y rhai ai hofnant ef.

26Y tlodion a fwyttânt, ac a ddiwellir, y rhai a geisiant yr Arglwydd ai moliannant ef: eich calon fydd byw yn dragywydd.

27Holl derfynau y ddaiar a gofiant, ac a ddychwêlant at yr Arglwydd: a holl dylwythau y cenhedloedd a addôlant ger dy fron di.

28Canys eiddo’r Arglwydd’r deyrnas: ac efe sydd yn llywodraethu ym mhlith y cenhedloedd.

29Yr holl rai breision ddaiar a fwyttânt, ac a addôlant: y rhai a ddescynnant i’r llŵch a gwympant ger ei fron ef: hyd yn oed ni fywhâ ei enaid.

30[Eu] hâd ai gwasanaetha ef: cyfrifir ef i’r Arglwydd yn genhedlaeth.

31Deuant, ac adroddant ei gyfiawnder ef i’r bobl a enir: gan iddo ef gwneuthur.