1Mab doeth ar athrawiaeth ei dad: ond gwatwar-wr ni wrendu ar gerydd.
2Gŵr da a fwynhâ ffrwyth ei enau ei hun: ac enaid yr anghyfiawn ffrwyth trawsedd.
3Y neb a geidw ei enau a geidw ei enaid: ond y neb a estynno ei wefusau a ddinistrir.
4Enaid y diog a ddeisyf, ac ni chaiff ddim: ond enaid y diysceulus a ddigonir.
5Câs gan y cyfiawn eiriau celwyddog: ond a wna’r drygionus yn ffiaidd, ac a’i cywilyddia ef.
6Cyfiawnder a geidw y perffaith yn ei ffordd: ond annuwioldeb a ddymchwel y pechadur.
7Rhyw vn a ymffrostia ei fod yn gyfoethog, ac heb ddim ganddo: ac arall ei fod yn dlawd a chyfoeth lawer iddo.
8Iawn am enioes gŵr yw ei ddâ: ond y tlawd ni chlyw gerydd.
9Goleuni y cyfiawn a fydd disclaer: ond cannwyll y drygionus a ddiffoddir.
10Drwy falchedd yn vnic y cyffru cynnen: ond gyd a’r pwyllog y mae doethineb.
11Golud yr hwn a gesclir drwy anwiredd a ddiflanna: ond y neb a gasclo â llaw a chwanega ei
12Gobaith diweddar a wanhâ’r galon: ond prenn y bywyd yw’r deisyfiad pan ddel i ben.
13Yr hwn a ddirmygo’r gair, a ddifethir oi blegit: ond yr hwn sydd yn ofni y gorchymyn a obrwyir.
14Cyfraith y doeth ffynnon y bywyd, i gilio oddi wrth faglau angeu.
15Deall dâ a ddyry ras: ond ffordd y dirmyg-wŷr galed.
16Pob call a wnâ trwy ŵybodaeth: ond yr ynfyd a draetha ynfydrwydd,
17Cennad annuwiol a syrth i ddrygioni: ond cennad-wr ffyddlon iechyd.
18Tlodi a gwradwydd i’r hwn a wrthodo addysc: ond yr hwn a gadwo gerydd a anrhydeddir.
19Dymuniad wedi ei gyflawni sydd hyfryd gan yr enaid: ond ffiaidd gan ynfydion gilio oddi wrth ddrygioni.
20Yr hwn a rodia gyd â doethion fydd doeth: ond yr hwn sydd gyfaill i ynfydion, a gystuddir.
21Drygfyd a ganlyn bechaduriaid: ond a dâl ddaioni i’r rhai cyfiawn.
22Y daîonus a ranna etifeddiaeth i feibion feibion: a golud y pechadur a roddwyd i gadw’r cyfiawn.
23Llawer o ymborth ym maes y tlodion: ond heb iawn drefn anffrwythlon.
24Yr hwn a arbedo y wialen, sydd yn casâu ei fab: ond yr hwn ai câr ef ai cerydda ef mewn amser.
25Y cyfiawn a fwytu hyd oni ddigonir ef: ond bol yr annuwiolion fydd mewn eisieu.
Who We AreWhat We EelieveWhat We Do
2025 by iamachristian.org,Inc All rights reserved.
