2.Cronicl 18 - William Morgan Bible 1588 original edition

PEN. XVIII.Y gyfrathrach rhwng Iehosaphat ac Ahab. 10 Gwirionedd Micheas ei hun yn drech na chelwydd pedwar-cant o’r gau brophwydi.

1Ac 2.Bren.22.3.i Iehosaphat yr ydoedd golud, ac anrhydedd yn helaeth: ac efe a ymgyfathrachodd ag Ahab.

2Ac ym mhen o flynyddoedd efe a ddaeth i wared at Ahab i Samaria, ac Ahab a lladdodd ddefaid, a gwartheg yn aml iddo ef, ac i’r bobl y rhai gyd ag ef, ac ai hannogodd ef i fyned ifynu i Ramoth Gilead.

3Canys Ahab brenin Israel a ddywedodd wrth Iehosaphat brenin Iuda, 1.Bren.22 4.a ei di gyd a mi i Ramoth Gilead? yntef a ddywedodd wrtho, yr ydwyfi fel tithe, a’m pobl maufi fel dy bobl dithe, a gyd a thi yn y rhyfel.

4Iehosaphat hefyd a ddywedodd wrth frenin Israel: ymgynghora attolwg heddyw a gair yr Arglwydd.

5Yna brenin Israel a gasclodd o’r prophwydi bedwar cant o wŷr, ac a ddywedodd wrthynt hwy, a awn ni yn erbyn Ramoth Gilead i ryfel, neu a beidiaf? dywedasant hwythau, dôs i fynu, canys yr Arglwydd ai dyru yn llaw y brenin.

6Ac Iehosaphat a ddywedodd, onid ymma prophwyd i’r Arglwydd mwyach, fel yr ymgynghorem ag ef?

7A brenin Israel a ddywedodd wrth Iehosaphat, etto vn gŵr drwy’r hwn y ymgynghori a’r Arglwydd, ond y mae yn gâs gennifi ef, canys nid yw’n prophwydoi mi ddaioni, onid drygioni er ei oed, efe Michea mab Iimla: a dywedodd Iehosaphat, na ddyweded y brenin felly.

8Yna brenin Israel a alwodd ar vn stafellyddion: ac a ddywedodd, bryssia Michea fab Iimla.

9A brenin Israel ac Iehosaphat brenin Iuda oeddynt yn eistedd bob vn ar ei deyrn-gader wedi eu gwisco mewn wiscoedd, eistedd yr oeddynt mewn llannerch ddrws porth Samaria: a’r holl brophwydi oeddynt yn prophwydo ger eu bron hwynt.

10A Zidecia mab Chanaana a wnaethe iddo ei hun gyrn heirn: 1.Bren.22.11.ac a ddywedodd, fel hyn y dywedodd yr Arglwydd, a’r rhai hyn y corni di y Syriaid nes it eu difa hwynt.

11A’r holl brophwydi oeddynt yn prophwydo fel hyn gan ddywedyd: dos i fynu i Ramoth Gilead, a ffynna, canys yr Arglwydd ai dyru hi yn llaw y brenin.

12A’r gennad yr hwn a aethe i alw Michea a lefarodd wrtho ef gan ddywedyd, 1.Bren.22.13.wele eiriau y prophwydi o vn enau yn dda i’r brenin: bydded gan hynny attolwg dy air dithe fel vn o’r rhai hynny, dywet y goref.

13A Michea a ddywedodd: mai byw’r Arglwydd, mai’r hyn a ddywedo fy Nuw, hynny a lefarafi.

14Felly efe a ddaeth at y brenin, a’r brenin a ddywedodd wrtho ef, Michea, a awn ni i ryfel yn erbyn Ramoth Gilead, neu a beidiafi? dywedodd yntef, ewch i fynu, a ffynnwch, canys rhoddir hwynt yn eich llaw chwi.

15A’r brenin a ddywedodd wrtho ef, hyd ba sawl gwaith yr ydwyfi yn dy dynghedu di, ar na leferech wrthifi onid gwirionedd yn enw’r Arglwydd?

16Yna efe a ddywedodd: gwelais holl Israel yn wascaredic ar y mynyddoedd fel defaid y rhai ni iddynt fugail: a dywedodd yr Arglwydd, nid feistred arnynt hwy, dychweled pob vn iw dŷ ei hun mewn tangneddyf.

17A brenin Israel a ddywedodd wrth Iehosaphat: oni ddywedais i wrthit, na prophwyde efe ddaioni i mi, onid drygioni?

18Yntef a ddywedodd, gan hynny gwrando air yr Arglwydd: gwelais yr Arglwydd yn eistedd ar ei orseddfa, a holl lû y nefoedd yn sefyll ar ei ddeheu-law ef, ac ar ei law asswy ef.

19A dywedodd yr Arglwydd, pwy a dwylla Ahab brenin Israel fel yr elo efe i fynu, ac y syrthio yn Ramoth Gilead? (dywedodd hefyd) vn oedd yn dywedyd fel hyn, ac arall oedd yn dywedyd fel hyn.

20Yna yspryd a aeth allan, ac a safodd ger bron yr Arglwydd, ac a ddywedodd, myfi ai twyllaf ef: a dywedodd yr Arglwydd wrtho ef, pa fodd?

21Dywedodd yntef, myfi a âf allan, 2.Thess.2.10.ac a fyddaf yn yspryd celwyddoc yng-enau ei holl brophwy di ef: yna y dywedodd twylli, a gorchfygi, dos allan, a gwna felly.

22Ac yn awr wele’r Arglwydd a roddodd yspryd celwyddoc yng-enau dy brophwydi hynn: a’r Arglwydd a lefarodd am danat ti ddrygioni.

23Yna Zidecia mab Chanaana a nessaodd, ac a darawodd Michea tan gern, ac a ddywedodd: pa ffordd yr aeth yspryd yr Arglwydd oddi wrthifi i ymddiddan a thi?

24A Michea a ddywedodd, wele ti a gei weled y dwthwn hwnnw: pan elech di o stafell i stafell i ymguddio.

25A brenin Israel a ddywedodd, cymmerwch Michea, a dygwch ef at Amon tywysog y ddinas: ac at Ioas mab y brenin.

26A dywedwch, fel hyn y dywedodd y brenin, gosodwch hwn yn y carchar-dŷ: a bwydwch ef a bar a cystudd, ac a dwfr blinder, nes i mi ddyfod eilwaith mewn heddwch.

27Yna y dywedodd Michea, os gan ddychwelyd y dychweli di mewn heddwch ni lefarodd yr Arglwydd yno fi, efe a ddywedodd hefyd, gwrandewch yr holl bobl.

28Felly y brenin Israel, ac Iehosaphat brenin Iuda a aethant i fynu i Ramoth Gilead.

29A brenin Israel a ddywedodd wrth Iehosaphat, 1.Bren.22.30.mi a newidiaf fy nillad, ac a âf i’r rhyfel, ond gwisc di dy ddillad: felly brenin Israel a newidiodd ei ddillad, a hwy a aethant i’r rhyfel.

30A brenîn Syria a orchymynnodd i dywysogion y cerbydau y rhai ganddo ef gan ddywedyd, nac ymleddwch a bychan, nac a mawr, onid a brenin Israel yn vnic.

31Pan welodd tywysogion y cerbydau Iehosaphat, yna hwy a ddywedasant, brenin Israel efe, a hwy a droasant i ymladd yn ei erbyn ef: ond Iehosophat a waeddodd, a’r Arglwydd ai cynnorthwyodd ef, a Duw ai gyrrodd hwynt oddi wrtho ef.

32A phan welodd tywysogion y cerbydau nad brenin Israel oedd efe: yna hwynt a ddychwelasant oddi ar ei ôl ef.

33Yna ŵr a dynnodd mewn bŵa ar ei amcan, 1.Bren.22.34.ac a darawodd frenin Israel rhwng y cyssylldiadau, sef rhwng y lluric: am hynny efe a ddywedodd wrth ei wastrawd, trô dy law, a dwg fi allan o’r gâd, canys fo’m clwyfwyd i.

34A’r rhyfel a gryfhaodd y dwthwn hwnnw, a brenin Israel oedd yn sefyll mewn cerbyd ar gyfer y Siriaid hyd yr hwyr: ac efe a fu farw ym mhryd machludiad haul.