Esay 11 - William Morgan Bible 1588 original edition

PEN. XI.Achau, rhinweddau, brenhiniaeth, a hedd Crist. 10 Galwedigaeth y cenhedloedd.

1Yna y daw allan wialen o gyff Isai: a blaguryn a dŷf oi wraidd ef.

2Ac Yspryd yr Arglwydd a orphywys arno ef: Yspryd doethineb a deall, Yspryd cyngor a chadernid, Yspryd gwybodaeth, ac ofn yr Arglwydd.

3Ei ddeall hefyd yn ofn yr Arglwydd, ac nid wrth olwg ei lygaid y barn efe, nac wrth glywediad ei glustiau y cerydda efe.

4Ond efe a farn y tlodion mewn cyfiawnder, ac a argyoedda tros drueniaid y ddaiar mewn iniondeb: ac a deru y ddaiar â gwialen ei enau ef, ac ag anadl ei wefusau y lladd efe yr anwir.

5A chyfiawnder fydd gwregys ei lwynau ef, a ffydd yn wregys ei arennau.

6A’r blaidd a drig gyd a’r oen, a’r llewpard a orwedd gyd a’r mynn: y llô hefyd a chenew y llew a’r anifail brâs fyddant yng-hyd, a bachgen bychan ai harwain.

7Y fuwch hefyd a’r arth a borant yng-hyd, eu llydnod a orweddant: y llew fel yr ŷch a bawr wellt.

8A’r sugno a chweru wrth dwll yr asp: ac ar ffau y wiber yr estyn yr hwn a ddiddyfnwyd ei law.

9Ni ddrygant ac ni lygrant yn holl fynydd fy sancteiddrwydd: canys y ddaiar a gyflawnwyd o ŵybodaeth yr Arglwydd, megis y dyfroedd y rhoi sydd yn toi y môr.

10Yn y dydd hwnnw gwreiddyn Isai fydd yr hwn a saif yn arwydd i’r bobloedd, ag ef yr ymgais y cenhedloedd: ai orphywysfa ef yn ogoniant.

11Bydd hefyd yn y dydd hwnnw i’r Arglwydd fwrw eilwaith ei law i feddiannu gweddill ei bobl, y rhai a weddillir gan Assyria, a chan yr Aipht a chan Pathros, a chan Ethiopia a chan Helam, gan Sinear hefyd, a chan Hamath, a chan ynysoedd y môr.

12Ac efe a gyfyd faner i’r cenhedloedd, ac a gynnull gyrwydriaid Israel: ac a gascl wascaredigion Iuda o bedair man byd.

13Cenfigen Ephraim a ymedu hefyd, a gwrthwynebwŷr Iuda a dorrir ymmaith: ni chenfigenna Ephraim wrth Iuda, ac ni chyfynga Iuda ar Ephraim.

14Ond hwy a ehedant ar yscwyddau y Philistiaid tua’r gorllewyn, yng-hyd yr yspeiliant feibion y dwyrain: Edom a Moab estynniad eu llaw hwynt, a meibion Ammon vfudd-dod iddynt.

15Yr Arglwydd hefyd a ddifroda dafod môr yr Aipht, ac ai wynt nerthol efe a gyfyd ei law ar yr afon: ac ai teru hi yn saith o ffrydau, ac a wna rodio yn droed-sych.

16A bydd yn briffordd i weddill ei bobl ef, y rhai a adewir o’r Assyriaid, megis ag y bu i Israel yn y dydd y daeth efe i fynu o dir yr Aipht.