Numeri 2 - William Morgan Bible 1588 original edition

PEN. II.Lle gwerssyll pob vn o’r deuddec llwyth: eu capteniaid ai rhifedi, a pha wedd y symmudent.

1A’r Arglwydd a lefarodd wrth Moses, ac wrth Aaron gan ddywedyd.

2Meibion Israel a werssyllant bob vn wrth ei luman ei hun, dan arwyddion tŷ ei tadau, o amgylch pabell y cyfarfod y gwerssyllant o hir-bell.

3A’r rhai a werssyllant tu ar dwyrain, oddi wrth godiad haul, lluman gwerssyll Iuda yn ol eu lluoedd: a chapten meibion Iuda Nahesson mab Aminadab.

4Ai lu ef, ai rhai rhifedic hwynt bedair mil ar ddec a thrugain, a chwe chant.

5A llwyth Issachar a werssyllant yn nessaf atto ef: a chapten meibion Issachar, Nathaniel mab Zuar.

6Ai lu, ai rifedigion bedair mil ar ddec a deugain, a phedwar cant.

7[Yna] llwyth Zabulon, ac Eliab mab Helon capten meibion Zabulon.

8Ai lu, ai rifedigion ddwy fil ar bymthec a deugain, a phedwar cant.

9Holl rifedigion gwerssyll Iuda yn ol eu lluoedd yn gan mil a phedwar vgain mil, a chwe mil, a phedwar cant: yn flaenaf y symmudant.

10Lluman gwerssyll Ruben tua’r dehau yn ol eu lloedd: a chapten meibion Ruben Elizur mab Sedeur.

11Ai lu ef, ai rifedigion chwe mil a deugain, a phum cant.

12A’r rhai a werssyllant yn nessaf atto ef llwyth Simeon, a chapten meibion Simeon Selumiel mab Suri Sadai.

13Ai lu ef, ai rhifedigion onid vn mil trugain a thry-chant.

14Yna llwyth Gad: a chpaten meibion Gad Eliasaph mab Reuel.

15Ai lu ef, ai rhifedigion hwynt bum mil a deugain a chwe-chant, a dec a deugain.

16Holl rifedigion gwerssyll Ruben gan mîl, ac vn ar ddec a deugain o filoedd, a phedwar cant, a dec a deugain yn ol eu lluoedd ac yn ail y symmudant.

17A phabell y cyfarfod a symmud yng-hanol y gwerssylloedd, gwerssyll y Lefiaid: fel y gwerssyllant, felly y symmudant, pôb vn yn ei le, wrth eu llumannau.

18Lluman gwerssyll Ephraim tua’r gorllewyn, yn ol eu lluoedd, a chapten meibion Ephraim Elisama mab Ammihud.

19Ai lu ef, ai rhifedigion ddeugain mil, a phump cant.

20Ac yn nessaf atto ef llwyth Manasses, a chapten meibion Manasses fydd Gamaliel mab Pedazur.

21Ai lu ef, ai rhifedigion ddeuddeng-mil ar hugain, a dau cant.

22Yna llwyth Beniamin: a chapten meibion Beniamin Abidan mab Gedeon.

23Ai lu ef, ai rhifedigion bymtheng-mil ar hûgain, a phedwar cant.

24Holl rifedigion gwerssyll Ephraim yn ol eu lluoedd gan mil, ac wyth mil, a chant: ac a symmudant yn drydydd.

25Lluman gwerssyll Dan tua’r gogledd yn ol eu lluoedd, a chapten meibion Dan Ahieser mab Ammi Sadai.

26Ai lu ef, ai rhifedigion ddwy fil a thrugain, a saith gant.

27A’r rhai a werssyllant yn nessaf atto ef llwyth Aser: a chapten meibion Aser Pagiel mab Ocran.

28Ai lu ef, ai rhifedigion vn mil a deugain, a phum cant.

29Yna llwyth Nephthali: a chapten meibion Nephthali Ahira mab Enan.

30Ai lu ef, ai rhifedigion dair mil ar ddec a deugain, a phedwar cant.

31Holl rifedigion gwerssyll Dan gan mil, ac onid tair mil tri vgain mil, a chwe chant, yn olaf y symmudant, wrth eu llumannau.

32Dymma rifedigion meibion Israel, wrth dy eu tadau: holl rifedigion y gwerssylloedd yn ôl eu lluoedd chwe chan mil, a thair mil, a phum cant, a dec a deugain.

33Ond y Lefiaid ni chyfrifwyd ym mysc meibion Israel, megis y gorchymynnase yr Arglwydd wrth Moses.

34A meibion Israel a wnaethant, yn ol yr hyn oll a orchymynnase’r Arglwydd wrth Moses: felly y gwerssyllasant wrth eu llumannau, ac felly y symmudasant, pob vn yn ei deuluoedd, yn ol tŷ eu tadau.