2.Timotheus 3 - William Morgan Bible 1588 original edition

PEN. III.Y mae yn prophwydo o’r amserau peryglus, 2 yn amlygu ’r annuwiolion tann eu lliw a’u harwydd, 12 yn dangos cyflwr y Cristianogion, 14 a pha wedd yr ymogelir peryglon, 16 hefyd pa fudd a ddaw oddi wrth yr scrythyrau.

1 1.Tim.4.1.|1TI 4:1. 2.pet.3.3.|2PE 3:3. iud.18. Gwybydd hyn hefyd y daw amserau enbyd yn y dyddiau diweddaf.

2Canys bydd dynion a’u serch arnynt eu hunain gubyddion ymffrost-wyr, feilchion, yn gabl-wyr, yn anufyddion iw rhieni, yn anniolchgar, yn annuwiol,

3Yn angharedic, yn torri cyfammod yn hortwyr yn anghymhesur, yn anfwyn, heb serch ganddynt i’r rhai da.

4Yn frad-wyr, yn waed-wyllt, yn ymchwyddic, yn caru melus-chwant yn fwy nag yn caru Duw,

5A chanddynt rith duwioldeb, eithr wedi gwadu ei grym: a’r cyfryw gochel di.

6Canys o’r rhai hynny y mae y sawl sydd yn ymlusco i deiau, ac yn dwyn yn gaeth wrageddos llwythog o bechodau, y rhai a arweinir gan amrafael chwantau,

7Yn dyscu bob amser ac heb allu vn amser ddyfod i ŵybodaeth y gwirionedd.

8Eithr megis y gwrth-safodd Exod.7.11.12.Iames ac Iambres Moses, felly y mae y rhai hyn yn gwrthwynebu y gwirionedd, dynion o feddwl llygredig yn anghymmeradwy o herwydd y ffydd.

9Eithr ni ffynna ganddynt mwyach: canys eu hynfydrwydd fydd amlwg i bawb, megis y bu i’r eiddynt hwythau.

10Eithr ti a lwyr adwaenost fy-nysceidiaeth i, helynt fy-muchedd, fy arfaeth, ffydd, ammynedd, cariad, dioddefgarwch.

11Yr erlid, a’r cystudd, y rhai a ddaethant i mi yn Gweith.13.14.Antiochia yn Iconium, ac yn Lystri, pa erlid a ddioddefais: eithr oddi wrthynt oll i’m gwaredod yr Arglwydd.

12Pawb hefyd a’r a ewyllysiant fyw yn dduwiol yng-Hrist Iesu, a erlidir.

13Eithr y drwg ddynion a’r twyll-wyr a ffynnant waeth-waeth, gan dwyllo, a chael eu twyllo.

14Eithr aros di yn y pethau a ddyscaist, ac a ymddyriedwyd i ti, gan ŵybod gan bwy y dyscaist.

15Ac i ti er yn fachgen wybod yr scrythur lan yr hon sydd abl i’th wneuthur yn ddoeth i iechydwriaeth, trwy ’r ffydd yr hon sydd yng-Hrist Iesu.

16Canys 2.Petr.1.20.yr hôll scrythur wedi ei rhoddi gan ysprydoliaeth Dduw, ac fuddiol i athrawiaethu, i argyoeddu, i gospi ac i addyscu mewn cyfiawnder,

17Fel y byddo dyn Duw yn berffaith, wedi ei berffeithio i bob gweithred dda.