Esther 4 - William Morgan Bible 1588 original edition

PEN. IIII.Mordocêus yn mynegu i Esther beth a ddychymygasid yn erbyn yr Iddewon gan ei hannog hi i geisio ymwared iddynt hwy. 16 Hithe yn erchi iddynt hwy ymprydio, a gweddio trosti hi.

1Pan ŵybu Mordocêus yr hyn oll a wnelsid, yna Mordocêus a rwygodd ei ddillad, ac a wiscodd sach-liain a lludw: ac a aeth allan i ganol y ddinas, ac a waeddodd a chwerw lefvchel.

2Ac efe a ddaeth hyd o flaen porth y brenin: ond ni dyfod i borth y brenin mewn gwisc o sach.

3Ac ym mhob talaith, lle, a’r y daeth gair y brenin ai orchymyn galar mawr gan yr Iddewon, ac ympryd, wylofain hefyd, ac oer-nad: sach-liain, a lludw a danâsid ar laweroedd.

4Yna llangcesau Esther, ai stafellyddion hi a ddaethant, ac a fynegasant iddi hi, a’r frenhines a dristaodd yn ddirfawr: a hi a ddanfonodd wiscoedd i ddilladu Mordocêus, ac i dynnu ymmaith ei sach-liain ef oddi am dano, ond ni chymmere efe

5Am hynny Esther a alwodd ar Hathaco stafellyddion y brenin, yr hwn a osodase efe oi blaen hi, a hi a orchymynnodd iddo am Mordocêus, fynnu gwybod pa beth hyn, ac am ba beth hyn.

6Yna Hathac a aeth at Mordocêus i heol y ddinas, yr hon o flaen porth y brenin.

7A Mordocêus a fynegodd iddo’r hyn oll a ddigwyddase iddo ei hun: ac hysvysrwydd am yr arian y rhai a ddywedase Haman y tale efe i dryssorau y brenin yn erbyn yr Iddewon iw difetha hwynt.

8Ac efe a roddodd iddo destynn scrifen y gorchymyn yr hwn a osodasid yn Susan (am beri eu dinistrio hwynt) iw ddangos i Esther, ac i fynegu iddi: ac i orchymyn iddi fyned i mewn at y brenin i ymbil ag ef, ac i ymnhedd oi flaen ef dros ei phobl.

9Yna Hathac a ddaeth, ac a fynegodd i Esther eiriau Mordocêus.

10Ac Esther a ddywedodd wrth Hathac, ac a orchymynnodd iddo wrth Mordocêus.

11Holl weision y brenin, a phobl talaithau y brenin ydynt yn gŵybod mai pa ŵr bynnac, neu wraig a’r a ddelo i mewn at y brenin i’r cyntedd nesaf i mewn heb ei alw, ei vnic gyfraith ef ei farwolaethu oddieithr yr hwn yr estynno’r brenin y deyrn-wialen aur iddo, fel y byddo byw: ac ni’m galwyd i ddyfod i mewn at y brenin bellach ys deng-nhiwrnod ar hugain.

12Pan fynegasant hwy i Mordocêus eiriau Esther.

13Yna Mordocêus a ddywedodd am iddynt atteb Esther: na feddwl yn dy galon y dîengi di nhŷ’r brenin rhagor yr holl Iddewon.

14O herwydd os tewi a sôn a wnei di y pryd hyn, cyssur ac ymwared a gyfyd i’r Iddewon o le arall, tithe hefyd a thŷ dy dâd a gyfrgollir: a phwy sydd yn gwybod ai o herwydd y fath amser a hwn y daethost ti i’r frenhiniaeth?

15Yna Esther a ddywedodd am atteb Mordocêus

16Dos di, chascl yr holl Iddewon y rhai a geffir yn Susan, ac ymprydiwch drosofi, na fwytewch hefyd, ac nac yfwch dri-diau nôs na dydd, minne hefyd a’m llancesau a ymprydiaf felly: ac yna’r âfi mewn at y brenin yr hwn nid yw gyfraithlon, ac o derfydd am danaf, darfydded am danaf.

17Felly Mordocêus a aeth ymmaith: ac a wnaeth yn ôl yr hyn oll a orchymynnase Esther iddo ef.