Caniadau Salomon 2 - William Morgan Bible 1588 original edition

PEN. II.Yr eglwys yn dymuno cael aros yng-hyscod Crist. 8 Ac yn hyfryd ganddi ei glywed ai weled. 14 Cyffelybir hi i golomen, ai gelynnion i lwynogod, ai hannwylyd i lwdn hydd.

1Rhosyn y maes, a lili y dyffryn fi.

2Megis lili ym mysc y drain: felly fyng-hyfeilles ym mysc y merched.

3Megis afallen ym mysc prennau’r coed, felly fy annwylyd ym mhlith y meibion: chwennychais eistedd o honof dan ei gyscod ef, canys ei ffrwyth felus i’m genau,

4Efe a’m dug i’r gwin-dŷ, ai fâner arnaf cariad.

5Cynheliwch fi â gwîn, cryfhewch fi ag afalau, canys claf o gariad.

6Ei law asswy tann fy mhen, ai ddeheu-law sydd yn fyng-hofleidio.

7Merched Ierusalem tynghedais chwi trwy iwrchod a hyddod y maes, na chyffrôch, ac na ddeffrôch fyng-hariad ymma hyd oni fynno hi ei hun.

8[Dymma] lais fy annwylyd, wele ef yn dyfod, yn neidio ar y mynyddoedd, yn llammu ar y brynnau.

9Tebyg yw fy annwylyd i iwrch neu lwdn hydd, wele ef yn sefyll dan ein pared yn edrych trwy’r ffenestri, yn ymddangos trwy’r pilêrau.

10Fy annwylyd a attebodd, ac a ddywedodd wrthif, cyfot ti fyng-hyfeilles, a thyret ti fy mhrydferth.

11Canys wele y gaiaf a aeth heibio, y glaw a bassiodd, aeth ymmaith.

12Gwelwyd y blodau ar y ddaiar, daeth amser pwngc-leisio, clywyd llais y durtur yn ein gwlâd.

13Y ffigus-bren a fwriodd allan ei ffigus irion, a’r gwin-wŷdd hegin grawn, a roddâsant arogl cyfot ti fyng-hyfeilles, a thyret ti fy mhrydferch.

14Fyng-holomen o holltau y graig, o loches y grisiau, gad ti i mi weled dy wyneb, gad i mi glywed dy lais: canys dy lais beraidd, a’th olwg yn hawddgar.

15Deliwch i ni y llwynogod,’r llwynogod bychain y rhai a ddifwynant y gwinllannoedd, tra ein gwinllannoedd yn egin grawn-wîn.

16Fy annwylyd eiddo fi, a minne yn eiddo yntef: yr hwn a ymborth ym mysc y lili.

17Hyd oni wawrio’r dydd, a chilio o’r cyscodau: tro, bydd debyg fy annwylyd i iwrch, neu lwdn hydd ym mynyddoedd Bather.