Ezeciel 27 - William Morgan Bible 1588 original edition

PEN. XXVII.Pa ddinistr fydde i Tyrus, a pha ogonniant oedd iddi o’r blaen.

1Gair yr Arglwydd a ddaeth attaf trachefn gan ddywedyd:

2Tithe fab dŷn cyfot alar-nad am Tyrus,

3A dywet wrth Tyrus yr hon sydd yn trigo wrth borthfeudd y môr, marchnadyddes y bobloedd mewn ynysoedd lawer, fel hyn y dywed yr Arglwydd Dduw: Tyrus ti a ddywedaist, myfi ydwyf berffaith o degwch,

4Dy derfynau yng-halon y môr, dy adailadwŷr a berffeithiasant dy degwch.

5A dailadâsant dy holl ystyllod o ffynnidwŷdd allan o Senir, cymmerasant cedr-wŷdd o Libanus i wneuthur hwyl-bren ynot.

6Gweithiâsant rwyfau o dderw o Basan: gwnaethant dy feingciau Ifori pûr o ynysoedd Cittim.

7Lliain main o’r Aipht o symmud-liw oedd dy danfa i fod yn hwyl it: sidan glâs, a phorphor o ynysoedd Elisah oedd dy dô.

8Trigolion Sidon, ac Arfad oeddynt dy rwyf-wŷr: dy ddoethion di Tyrus oeddynt o’th fewn, hwynt dy lywodraeth-wŷr.

9Henuriaid Gebal, ai doethion deddynt ynot yn cadarnhau dy 1.Bren.5.18.rwygiadau, holl longau y môr, ai llong-wŷr oeddynt ynot ti yn marchnatta dy farchnad.

10Y Persiaid, a’r Lydiaid, a’r Phutiaid oeddynt dy ryfelwŷr yn dy luoedd: tarian â helm a grogâsant ynot, hwynt a roddasant it harddwch.

11Meibion Arfad oeddynt gyd âth luoedd ar dy gaerau oddi amgylch, a’r Gammadiaid, ar dy dŷrau: crogasant eu tariannau ar dy garrau oddi amgylch, hwynt a berffeithiasant dy degwch.

12Tharsis dy farchnadyddes o amldra pob golud, am arian, haiarn, alcam, a phlwm y marchnattasant dy ffeiriau.

13Iafan, Tubal, a Mesech hwyntau dy farchnadyddion, marchnattasant dy farchnad am ddynion, a llestri prês.

14[Y rhai] o dŷ Togarma, a farchnattasant dy ffeiriau feirch a malchogion a mûlod.

15Meibion Dedan dy farchnadwŷr ynysoedd lawer farchnadoedd dy law a dalasant gynt, Ifori, ac Hebenus yn werth it.

16Aram dy farchnadudd, o amlder dy weithredoedd, am Garbuncul, porphor, a gwaith, edef a nodwydd, a lliam mein-llin, a chwrel, a gemmau y marchanattasant dy ffeiriau.

17Iuda, a thir Israel, hwythau dy farchnadyddion: marchnattasant dy farchnat, am wenith Minith, a Phanag, a mel, ac olew, a thriacl.

18Damascus oedd dy farchnadudd, am amlder dy waith o liaws pob golud, am wîn Helbon, a gwlân gwynn.

19Dan hefyd, ac Iafan yn cyrwydro yn dy farchnadoedd, a farchnatasant am haiarn wedi ei weithio: yr oedd yn dy farchnad y Cassia, a’r Calamus.

20Dedan oedd dy farchnadudd mewn gwiscoedd gwerth-fawr am gerbydau.

21Yr Arabiaid, a holl dywysogion Cedar hwythau farchnadyddion dy law, am ŵyn, hyrddod, a bŷchod, o’r rhai hynny dy farchnadyddion.

22Marchnadyddion Seba, a Rama, hwythau dy farchnadyddion: marchnattasant dy ffeiriau, am bod pryf bêr-aroglau, ac am bob maen gwerth-fawr, ac aur.

23Haran, a Channe, at Eden, marchnadyddion Seba, a Syria, a Chelmad yn marchnatta thi.

24Dymma dy farchnadyddion, am bethau perffaith, am wiscoedd o sidan glâs, a gwaith edef a nodwydd, ac am gistiau gwiscoedd gwerth-fawr, wedi eu rhwymo â rhaffau: ai gweithio â chedr-wŷdd yng-hylch dy farchnadaeth.

25Llongau Tharsis oeddynt bennaf yn dy farchnad, felly i’th lannwyd, ac y crwnheaist yn odieth yng-hanol y môr.

26Y rhai a’th rwyfâsant, a’th ddugasant i ddyfroedd lawer: gwynt y dwyrain a’th ddrylliodd yng-hanol y môr.

27Dy olud, a’th ffeiriau, dy farchnadaeth, dy for-wŷr, a’th feistred llongau, cadarnhauwyr dy rwygiadau, a marchnadwyr dy farchnad, a’th ryfel-wyr oll, y rhai ynot, a’th holl gynnulleidfa, yr hon yn dy ganol di, a syrthiant yng-hanol y môr ar ddydd dy gwymp di.

28Wrth lêf gwaedd dy feistred llongau, y tonnau a gyffroant.

29Yna pob rhwyf-wr, y mor-wŷr, holl lywyddion y moroedd a ddescynnant oi llongau, ar y tîr y safant.

30Llefant hefyd am danat, a gwaeddant yn chwerw, a chodant lŵch ar eu pennau, ac ymlutrodant mewn lludw.

31Moelant hefyd foelni am danat, ac ymwregysant â sach-liain, ŵylant hefyd am danat chwerw alar mewn chwerw feddwl.

32A chodant am danat ti alar-nad yn eu cwynfan, a galarant am danat pwy fel Tyrus, fel yr hon a dorrwyd yng-hanol y môr?

33Pan ddele dy ffeiriau o’r moroedd, diwallaist bobloedd lawer: ag amlder dy olud, a’th farchnadoedd y cyfoethogaist frenhinoedd y ddaiar.

34Y pryd i’th dorrwyd gan y môr i ddyfnderau y dyfroedd, dy farchnad, a’th holl gynnulleidfa a syrthiasant yn dy ganol.

35Holl bresswyl-wŷr yr ynysoedd, a ryfeddasant am danat, ai brenhinoedd a ddychrynasant ddychryn: a grynasant wynebau.

36Y marchnadyddion ym mysc y bobloedd a chwibanasant am danat, dychryn ydwyt: canys ni bŷth.