1.Samuel 7 - William Morgan Bible 1588 original edition

PEN. VII.Dyfodiad yr Arch i Giriath-Iearim. 3 Israel wrth gyngor Samuel yn cymmeryd edifeirwch. 11 ac yn gorchfygu y Philistiaid, 15 llywodraeth Samuel ar Israel.

1Yna gwŷr Iosua 15.60.Ciriathiearim a ddaethant, ac a gymmerasant i fynu Arch yr Arglwydd, ac ai dugasant hi i dŷ Abinadab yn y brynn: ac a sancteiddiasant Eleazar ei fab ef i gadw Arch yr Arglwydd.

2Ac o’r dydd y trigodd yr Arch yn Ciriathiear im y bu ddyddiau lawer, nid amgen vgain mhlynedd a ddarfuant, a holl dŷ Israel a alarasant ar ôl yr Arglwydd.

3Yna Samuel a lefarodd wrth holl dŷ Israel gan ddywedyd: os dychwelwch chwi at yr Arglwydd a’ch holl galon, bwriwch ymmaith dduwiau dieithr o’ch mysc, ac Iosua 24.15,23.|JOS 24:15,23. Barnwyr 2.13.Astaroth: a pharatoiwch eich calon at yr Arglwydd, a Deut.6.4. Math.4.10.gwasanaethwch ef yn vnic, ac efe a’ch gwared chwi o law y Philistiaid.

4Am hynny meibion Israel a fwriasant ymmaith Barnwyr 2.12.Baalim, ac Astaroth: a’r Arglwydd yn vnic a wasanaethasant hwy.

5Yna y dywedodd Samuel, ymgesclwch holl Israel i Mispah: ac mi a weddiaf trosoch chwi at yr Arglwydd.

6A hwy a ymgasclasant i Mispah, ac a dynnasant ddwfr, ac tywalltasant ger bron yr Arglwydd, ac a ymprydiasant y diwrnod hwnnw, ac a ddywedasant hefyd yno, pechasom yn erbyn yr Arglwydd: a Samuel a farnodd feibion Israel ym Mispah.

7Pan glybu y Philistiaid fod meibion Israel wedi ymgasclu i Mispah, yna pendefigion y Philistiaid a aethant i fynu yn erbyn Israel: a meibion Israel a glywsant, ac a ofnasant rhac y Philistiaid.

8A meibion Israel a ddywedasant wrth Samuel, na thaw di a gweiddi trosom ni ac yr Arglwydd ein Duw, ar iddo ef ein gwared ni o law y Philistiaid.

9Yna y cymmerth Samuel vn llaeth-oen, ac ai hoffrymmodd ef ei gyd yn boeth offrwm i’r Arglwydd, a Samuel a waeddodd ar yr Arglwydd dros Israel, a’r Arglwydd ai gwrandawodd ef.

10Pan oedd Samuel yn offrymmu y poeth offrwm, yna y Philistiaid a nessasant i ryfel yn erbyn Israel, a’r Arglwydd a daranodd a thwrwf mawr yn erbyn y Philistiaid y diwrnod hwnnw, ac ai drylliodd hwynt, fel y lladdwyd hwynt o flaen Israel.

11Yna gwŷr Israel a aethant o Mispah, ac a erlidiasant y Philistiaid: ac ai tarawsant hyd oni tann Bethcar.

12A chymmerodd Samuel ryw faen, ac ai gosododd rhwng Mispah a Sen, ac a alwodd ei enw ef Eben-ezer, ac a ddywedodd: hyd yn hyn yr Arglwydd a’n cynnorthwyodd ni.

13Felly y darostyngwyd y Philistiaid, ac ni chwanegasant mwyach ddyfod i derfyn Israel: a llaw’r Arglwydd a fu yn erbyn y Philistiaid holl ddyddiau Samuel.

14A’r dinasoedd y rhai a gymmerase y Philistiaid oddi ar Israel a roddwyd adref i Israel, o Acaron hyd Gath: ac Israel a ryddhaodd eu terfynau o law y Philistiaid: ac yr oedd heddwch rhwng Israel a’r Amoriaid.

15A Samuel a farnodd Israel holl ddyddiau ei fywyd.

16Aeth hefyd o flwyddyn i flwyddyn, ac a amgylchodd, Bethel, a Gilgal, a Mispah: ac efe a farnodd Israel yn yr holl leoedd hynny.

17Ai ddychwelfa i Ramah, canys yno, ei dy ef, yno hefyd y barnodd efe Israel: ac yno’r adailadodd efe allor i’r Arglwydd.