1Dyn a aned o wraig fyrr o ddyddiau, a llawn o hebbul.
2Fel bloedun y daw allan, ac y torrir ef ymmaith: ac efe a gilia fel cyscod, ac ni saif.
3A agori di dy lygaid ar y fath ymma? ac a ddygi di fi i gyfraith a thi?
4Pwy a rydd glân o aflan? neb.
5Ond ei ddyddiau ef wedi eu rhacderfynu? rhifedi ei fisoedd ef gyd a thi: gwnaethost ei derfynau fel nad el efe trostynt,
6Trô oddi wrtho ef fel y gorphywyso, oni orphenno efe yn ewyllyscar ei ddydd fel gwâs cyflog.
7Canys y mae gobaith i bren er ei dorri y blagura efe etto: ac na phaid ei frig ef
8Os heneiddia ei wreiddin ef yn y ddaiar: ac marweiddia ei fon-cyff ef yn y pridd,
9Efe a flagura oddi wrth arogl dyfroedd: ac a fwrw ganghennau fel planhigin.
10Ond gŵr a fydd marw, ac a dorrir ymmaith: a dyn a drenga a pha le y efe?
11[Fel] y mae dyfroedd yn myned allan o’r môr: ac afon yn myned yn ddiyspydd, ac yn sychu:
12Felly gŵr a orwedd ac ni chyfyd, ni ddihunant, ac ni ddeffroant oi cwsc hyd oni byddir heb nefoedd.
13O na osodit fi mewn bedd, cuddit fi hyd oni throit dy lid ymmaith: osodit ti derfynniad i mi, a’m cofio.
14Os bydd gŵr marw, a fydd efe byw disgwiliaf holl ddyddiau fy milwriaeth hyd oni ddelo fyng-hyfnewidiad.
15Gelwi, ac myfi a’th attebaf: hiraethi am waith dy ddwylaw.
16Canys yr awr hon y rhifi fyng-hamreu: nid oedi am fy mhechod.
17Fyng-hamwedd a selied mewn côd: a thi a chwanegaist ar fy anwiredd.
18Ac yn wir mynydd yr hwn a syrthio a ddiflanna: a chraig a symmudir oi lle.
19Dyfroedd a dreuliant gerric, ti a godi trwy lifeiriant bridd y ddaiar ei chnwd hi, yr hwn sydd yn tyfu o hono ei hun: felly’r wyt ti yn gwneuthur i obaith dŷn golli.
20Yr wyt ti yn ei orchfygu ef yn dragywydd, fel yr elo efe ymmaith: ac yr wyt ti yn ei ddanfon ef i ffordd gan newidio ei wyneb ef.
21Ei feibion ef a gyfoethogi, ac nis gwybydd efe: a hwy a dlodir, ac ni ŵyr efe oddi wrthynt hwy.
22Ond ei gnawd tra efe arno a ddoluria, ai enaid a alara ynddo ef.
Who We AreWhat We EelieveWhat We Do
2025 by iamachristian.org,Inc All rights reserved.
