1Y bobl a rodiasant mewn tywyllwch, a welsant oleuni mawr: y rhai oeddynt yn aros yn nhir cyscod angeu Mat.4.15y llewyrchodd goleuni arnynt.
2Amlheaist y genhedlaeth, ni fawrheaist lawenydd, llawenychasant ger dy fron, megis y llawenydd yr hwn sydd amser cynhaiaf, megis y llawenychant wrth rannu yspail.
3*Canys iau ei faich ef, a ffon ei yscwydd ef, gwialen ei orthrymder ef a ddrylliant megis yn nydd Madian.
4 Barn.7.22. Diau pob rhyfel-wr a ryfela mewn trwst, a dillad wedi trybaeddu mewn gwaed: ond bydd efe yssiad tân.
5Canys bachgen a aned i ni, mab a roddwyd i ni, a bydd y llywodraeth ar ei yscwydd ef: a gelwir ei enw ef Rhyfeddol, Cynghor-wr, Duw cadarn, Tad tragywyddoldeb, Tywysog tangneddyf.
6A’r amlder ei lywodraeth, a thangneddyf ni diwedd: a’r orseddfa Dafydd, ac ar ei frenhiniaeth ef iw threfnu hi, ac iw chadarnhau mewn barn, ac mewn cyfiawnder, o’r pryd hyn, a hyd byth: zêl Arglwydd y lluoedd a wna hyn.
7Yr Arglwydd a anfonodd air i Iacob: ac a syrthiodd ar Israel.
8Holl bobl Ephraim hefyd, a thrigiannudd Samaria a fedrant ddywedyd mewn balchder, ac mewn mawredd calon,
9Y priddfeini a syrthiasant, ond â cherric nadd yr adailadwn: y Sycamor-wŷdd a dorrwyd, ond ni ai cyweiriwn â chedr-wydd.
10Er hynny’r Arglwydd a dderchafa wrthwyneb-wŷr Rezin yn ei erbyn, ac a gymmysc ei elynnion.
11Y Syriaid o’r blaen, a’r Philistiaid hefyd o’r ôl, fel yr yssant Israel yn safn-rhwth: er hyn ei gyd ni ddychwelodd ei lid ef, onid etto ei law ef yn estynnedic.
12A’r bobl ni ddychwelant at yr hwn ai tarawodd: ac ni cheisiasant Arglwydd y lluoedd.
13Am hynny y tyrrodd yr Arglwydd o Israel y pen a’r gynffon, y gangen a’r gorsen yn yr vn dydd.
14Yr hen-wr a’r anrhydeddus yw’r pen: y prophwyd yr hwn sydd yn dyscu celwydd yw’r gynffon.
15Canys cyfarwydd-wŷr y bobl hyn ydynt yn yn cyfeiliorni: a llyngcwyd y rhai a gyfarwyddasant.
16Am hynny ni lawenhâ’r Arglwydd wrth ei wŷr ieuaingc ef, ac wrth ei ymddifaid ef ai weddwon ni thosturia: canys pob vn o honynt ragrithi-wr, a drygionus, a phob genau yn traethu ynfydrwydd: er hyn oll ni ddychwelodd ei lid ef, onid etto ei law ef yn estynnedic.
17O herwydd anwiredd a lysc fel tân, drain, a mieri a yssa efe: ac a gynne yn nrysni y coed: ac hwynt a dderchafant ymdderchafiad mŵg.
18Gan ddigofaint Arglwydd y lluoedd y tywylla’r ddaiar, a bydd y bobl fel ymborth tân: nid eiriach neb ei gilydd.
19Ond efe a rwyga ar y llaw ddehau, ac a newyna, bwyttu hefyd ar y llaw asswy, ac ni’s digonir: pawn a fwyttu gig ei fraich ei hun.
20Manasses Ephraim, ac Ephraim Manasses, hwythau yng-hyd yn erbyn Iuda: er hyn oll ni ddychwelodd ei lid ef, ond etto y mae ei law ef yn estynnedic.
Who We AreWhat We EelieveWhat We Do
2025 by iamachristian.org,Inc All rights reserved.
