Esay 14 - William Morgan Bible 1588 original edition

PEN. XIIII.Dychweliad y bobl o gaethiwed. Dinistr y Babiloniaid, a’r Philistiaid.

1Canys yr Arglwydd a dosturia wrth Iacob, ac a ddethol Israel etto, ac a bar iddynt orphywys yn eu tîr eu hunain: a’r dieithr a ymgysyllta â hwynt, ac hwy a lynant wrth dŷ Iacob.

2Y bobl hefyd ai cymmer hwynt, ac ai dygant iw llê eu hun, a thŷ Israel ai meddianna hwynt yn 2.Cor.10.5.nhŷ yr Arglwydd yn weision, ac yn forwynion: a hwynt a gaethiwant y rhai ai caethiwodd hwythau, ac a lywodraethant ar eu gorthrym-wŷr.

3A bydd yn y dydd y rhoddo’r Arglwydd lonyddwch i ti oddi wrth dy flinder, ac oddi wrth dy ddychryn, ac oddi wrth y caethiwed caled yr hon a wasanaethaist,

4Yna y cymmeri y ddameg hon yn erbyn brenin Babilon, ac y dywedi: pa wedd y peidiodd y gorthrymmwr? ac y peidiodd y dreth aur?

5Yr Arglwydd a ddrylliodd ffonn yr anwiriaid theyrn-wialen y llywawd-wŷr.

6Yr hon sydd yn taro y bobloedd mewn digllonedd a phlâ gwastadol, yr hon sydd yn llywodraethu y cenhedloedd mewn llidiawgrwydd, heb luddio erllid

7Gorphywysodd llonyddodd yr holl dîr, canasant o lawenydd.

8Y ffynid-wŷdd hefyd chedr-wŷdd Libanus a lawenhasant yn dy erbyn er pan orweddaist ni ddringodd cymmynydd arnom.

9Uffern oddi tanodd a grynodd i’th erbyn wrth gyfarfod a’th ddyfodiad, cyfododd rhai meirw holl dywysogion y tîr: cyfododd holl frenhinoedd y cenhedloedd oi gorseddfaon.

10Y rhai hynny oll a attebant, ac a ddywedant wrthit: a wanhauwyd tithe fel ninnau? a aethost ti yn gyffelyb i ni?

11Discynnwyd dy falchder i vffern, trwst dy nablau: tannat y tênir pryf, pryfed hefyd a’th doant.

12Pa fodd y syrthiaist o’r nefoedd Lusiffer mab y wawr ddydd? i’th dorrwyd ti i lawr yr hwn a wanheaist y cenhedloedd?

13Canys ti a ddywedasyd yn dy galon, mi a ddringaf Psal.48.2.i’r nefoedd, oddi ar sêr Duw y derchafaf fyng-orseddfa, ac mi a eisteddaf ym mynydd y gynnulleidfa ar ystlyssau y gogledd.

14Dringaf yn vwch na’r cwmylau, tebyg fyddaf i’r Goruchaf.

15Er hynny i vffern i’th ddescynnir i ystlysau yr ffôs.

16Y rhai a’th welant a edrychant arnat, a feddyliant am danat: ai dymma y gŵr a ddychrynnodd y tîr, gan gynhyrfu teyrnasoedd?

17A osododd y byd fel anialwch, ac a ddinistriodd ei ddinasoedd, heb ollwng ei garcharorion adref?

18Holl frenhinoedd y cenhedloedd a orweddasant mewn gogoniāt bob vn yn ei dŷ ei hun.

19Eithr ty di a fwriwyd allan o’th fedd fel cangen ffiaidd wîsc y lladdedigion y rhai a drywanwyd â chleddyf: y rhai a ddescynnent ym mysc cerrig y ffôs, fel celen sathredic

20Ni byddi mewn vn bedd â hwynt, o herwydd dy dîr dy hun a ddifethaist, a’th bobl a lleddaist: ni bydd hâd yr annuwiol enwog bŷth.

21Darperwch laddfa iw feibion ef, am anwiredd eu tadau, rhac codi o honynt a gorescyn y tîr, a llenwi wyneb y byd â gelynnion.

22Minne a gyfodaf yn eu herbyn hwynt medd Arglwydd y lluoedd, ac a dorraf allan o Babilon henw a hiliogaeth, sef mab ac ŵyr medd yr Arglwydd.

23Ac ai gosodaf hi yn feddiant draenogiaid, ac yn byllau dyfroedd: yscubaf hi hefyd, ag yscubau destruw medd Arglwydd y lluoedd.

24Tyngodd Arglwydd y lluoedd gan ddywedyd: onid megis yr amcenais, felly y bydd: ac fel yr ymgynghorais, hynny a saif,

25Am ddryllio Assur yn fy nhîr, canys sathraf ef ar fy mynyddoedd, fel y cilio ei iau ef oddi arnynt, ac y symmuder ei faich ef oddi ar eu hyscwyddau hwynt.

26Dymma y cyngor a gymmerwyd am yr holl ddaiar, ac dymma y llaw a estynnwyd ar yr holl genhedloedd.

27O herwydd Arglwydd y lluoedd a ymgynghorodd, a phwy ai diddymma? ei law ef hefyd a estynnwyd, a phwy ai detry.

28Yn y flwyddyn y bu farw y brenin Ahaz, y bu Esa.13.1.y bygwth hwn.

29Palestina na lawenycha di yn hollawl er torri gwialen dy darawydd: o herwydd o wreiddyn y sarph y daw gwiber allan, ai ffrwyth hi fydd sarph danllyd hedegoc.

30Yna y porthir cyn-blant y tlodion, a’r rhai anghenus a orweddant mewn diogelwch: eithr lladdaf dy wreiddyn di â newyn, yntef a ladd dy weddill.

31Uda borth, gwaedda ddinas, Palestina ti oll a doddwyd: canys mwg sydd yn dyfod o’r gogledd, ac ni neulltuol yn ei amseroedd nodedic ef.

32A pha beth a attebir i gennadau y cenhedloedd? eithr seilio o’r Arglwydd Sion, ac y gobeithia trueniaid ei bobl ef ynddi.