2.Samuel 6 - William Morgan Bible 1588 original edition

PEN. VI.Lladdiad vzza wrth fyned o’r Arch o dy Abinadab. 14 Dafydd yn dawnsio o flaen yr Arch. 16 A Michol am hynny yn ei gasâu ef.

1A Chasclodd Dafydd etto’r holl etholedigion yn Israel deng-mîl ar hugain,

2 1.Cron.13.5. Dafydd a gyfododd, ac a aeth, a’r holl bobl y rhai gyd ag ef o Baal Iuda i ddwyn i fynu oddi yno Arch Dduw, enw’r hon a elwir enw Arglwydd y lluoedd yr hwn sydd yn aros arni y Cerubiaid.

3A hwy a osodasant Arch Dduw ar fenn newydd, ac ai dugasāt hi o dŷ Abinadab yr hwn yn Gibeah: Uzza hefyd, ac Ahio meibion Abinadab oeddynt yn gyrru y fenn newydd.

4A hwy ai dugasant hi 1.Sam.7.2.o dŷ Abinadab yr hwn yn Gibeah, gyd ag Arch Dduw: ac Ahio oedd yn myned o flaen yr Arch.

5Dafydd hefyd a holl dŷ Israel oeddynt yn chware ger bron yr Arglwydd a phob o goed ffynnidwydd: sef a thelynau, ac a Nablau, ac a thympanau, ac ag vdcyrn, ac a cymbalau.

6Pan ddaethant hyd lawr dyrnu 1.Cron.13.9.Nachon: yna Uzza a estynnodd ei law at Arch Dduw, ac a ymaflodd ynddi hi, canys ’r ŷchen a ledpeiasent.

7A digofaint yr Arglwydd a lidiodd wrth Uzza, a Duw’ai tarawodd ef yno am yr amryfusedd hyn: ac efe a fu farw yno wrth Arch Dduw

8A bu ddrwg gan Ddafydd am i’r Arglwydd rwygo rhwygiad yn Uzza: ac efe a alwodd y lle hwnnw Perets Uzza hyd y dydd hwn.

9A Dafydd a ofnodd yr Arglwydd y dydd hwnnw, ac a ddywedodd, pa fodd y daw Arch yr Arglwydd attafi i mewn?

10Ac ni fynne Dafydd droi Arch yr Arglwydd atto ef i ddinas Dafydd: ond Dafydd a barodd eithroi hi i dŷ Obed Edom y Gethiad.

11Ac Arch yr Arglwydd a arhosodd yn nhŷ Obed Edom y Gethiad dri mis: a’r Arglwydd a fendithiodd Obed Edom, ai holl dŷ.

12A mynegwyd i’r brenin Dafydd gan ddywedyd, yr Arglwydd a fendithiodd dŷ Obed Edom, a’r hyn oll ganddo 1.Cron.15.25.er mwyn Arch Dduw: yna Dafydd a aeth, ac a ddûg i fynu Arch Dduw o dŷ Obed Edom, i ddinas Dafydd mewn llawenydd.

13A phan gychwynnodd y rhai oeddynt yn dwyn Arch yr Arglwydd chwech o gammau: yna efe a offrymmodd ŷch, ac brâs.

14A Dafydd a ddawnsiodd ai holl egni ger bron yr Arglwydd: a Dafydd a ymwregysodd hefyd ag Ephod liain.

15Felly Dafydd, a holl dŷ Israel a ddugasant i fynu Arch yr Arglwydd, drwy floddest, a sain vdcorn.

16Pan oedd Arch yr Arglwydd yn dyfod o mewn i ddinas Dafydd: yna Michol merch Saul a edrychodd drwy yr ffenestr, ac a ganfu y brenin Dafydd yn ymwrôli, ac yn llemmen o flaen yr Arglwydd, a hi ai dirmygodd ef yn ei chalon.

17A phan ddugasant hwy Arch yr Arglwydd, hwy ai gosodasant hi yn ei lle yng-hanol y babell, yr hon a estynnase Dafydd iddi: yna Dafydd a offrymmodd boeth offrymmau, ac offrymmau hedd ger bron yr Arglwydd.

18Pan orphennodd Dafydd offrymmu poeth offrwm ac offrymmau hedd: 1.Cron.18.2.yn a efe a fendithiodd y bobl yn enw Arglwydd y lluoedd.

19Ac efe a rannodd i’r holl bobl, i holl dyrfa Israel, yn ŵr, ac yn wraig i bob vn, vn deisen o fara, ac vn dryll o gîg, ac vn gostêled felly’r aeth yr holl bobl bawb iw dy ei hun.

20Yna y dychwelodd Dafydd i fendîgo ei dŷ: a Michol merch Saul a ddaeth i gyfarfod Dafydd, a hi a ddywedodd, oh mor ogoneddus oedd brenin Israel heddyw yr hwn a ymddioscodd heddyw yng-ŵydd llawforwynion ei weision fel yr ymddiosce vn o’r ynfydion.

21Yna y dywedodd Dafydd wrth Michol, ger bron yr Arglwydd yr hwn a’m dewisodd i o flaen dy dad ti, ac o flaen ei holl dŷ ef gan fyngorchymyn i yn flaenor ar bobl yr Arglwydd ar Israel a mi a chwarâf ger bron yr Arglwydd.

22Byddaf etto waelach na hyn, a byddaf ostyngeiddic yn fyng-olwg fy hun: a chyd a’r llawforwynion ([am] y rhai y dywedaist wrthif) i’m gogoneddir.

23Am hynny i Micholmerch Saul ni bu etifedd hyd ddydd ei marwolaeth. Dafydd yn chwennychu ac heb gael adailadu teml yr Arglwydd.