Amos 2 - William Morgan Bible 1588 original edition

PEN. II.Prophwydoliaeth yn erbyn Moab, Iuda, ac Israel.

1Fel hyn y dywed yr Arglwydd, am dair o anwireddau Moab, ac am bedair ni throaf hynn yn ei ôl: am iddo losci escyrn brenin Edom yn lludw.

2Am hynny anfonof dân i Moab, yr hwn a ddifa balasau Cerioth: a Moab fydd marw mewn terfysc, gweiddi, a llais vdcorn.

3Mi a ddorraf ymmaith ei barn-wr oi mysc: ai holl bendifigion a laddaf gyd ag ef, medd yr Arglwydd.

4Fel hyn y dywed yr Arglwydd, am dair o anwireddau Iuda, ac am bedair ni throaf hyn yn ei ôl: am iddynt ddirmygu cyfraith yr Arglwydd, ac na’s cadwasant eiddeddfau ef: onid eu celwyddau ai cyfeiliornodd hwynt, y rhai’r aeth eich tadau ar eu hôl.

5Am hynny’r anfonaf dân i Iuda, ac efe a ddifa balasoedd Ierusalem.

6Fel hyn y dywed yr Arglwydd, am dair o anwireddau Israel, ac am bedair ni throaf hyn yn ei ôl, am i chwi werthu y cyfiawn am arian, a’r tlawd er pâr o escidiau.

7Dyheuadasant vwch ben y tlodion yn llwch y ddaiar, a gŵyrasant ffordd y trueniaid: gŵr, ai dad a ânt at yr vn llangces, i halogi fy enw sanctaidd.

8Ac ar ddillad wedi eu rhoi yng-ŵystl y gorweddant wrth bob allor: a gwin y dirwyus a yfant nhŷ eu Duw.

9A myfi a ddinistriais yr Amoriaid oi blaen hwynt, yr hwn oedd fel vchter y cedr-wydd ei hyd, ac efe oedd gryf fel derw: etto mi a ddinistriais ei ffrwythau oddi arnodd, ai wraidd oddi tanodd.

10Myfi hefyd a’ch dugym chwi i fynu o wlad yr Aipht, ac a’ch arweiniais chwi ddeugain mhlynedd trwy’r anialwch i orescyn gwlad yr Amoriaid.

11A mi a gyfodais o’ch meibion chwi yn brophwydi, ac o’ch gwŷr ieuaingc rai yn Nazareaid: oni hyn ô meibion Israel, medd yr Arglwydd?

12Ond chwi a roesoch i’ch Nazareaid wîn iw yfed, ac a orchymynnasoch i’ch prophwydi, gan ddywedyd: na prophwydwch.

13 Esay.4.14.(sic.) Wele fi wedi fy llethu tanoch, fel y llethir y fenn lawn o yscubau.

14Methodd gan y buan ddiangc, a’r crŷf ni chadarnhaodd ei rym, a’r cadarn ni waredodd ei enaid ei hun.

15Ni saif a ddalio y bŵa, ni ddiangc y buan o draed, nid achub marchog y march ei enioes ei hun.

16A’r cryfaf ei galon o’r cedyrn a ffŷ y dwthwn hwnnw yn noeth-lymmun, medd yr Arglwydd.