Iosuah 10 - William Morgan Bible 1588 original edition

PEN. X.Iosuah yn gorsygu pum brenin. 12 yn cael gan Dduw beri i’r haul sefyll yn ei vn-lle. 26 yn crogi y pum brenin, ac yn dinistrio eu dinasoedd hwynt.

1A Phan glybu Adonizedec brenin Ierusalem i Iosuah ennill ai, ai difrodi hi, (fel y Iosuah.6.15.gwnelse efe i Iericho, ac iw brenin, felly y gwnaethe efe Ios.8.3.i Ai, ac iw brenin) ac heddychu o drigolion Gibeon ag Israel, Pen.9.16.a bod yn eu mysc hwynt,

2Yna’r ofnasant yn ddirfawr o blegit dinas fawr Gibeon fel vn o’r dinasoedd brenhinawl: ac o herwydd mwy hi nac Ai, ei holl wŷr hefyd gedyrn.

3Am hynny Adonizedec brenin Ierusalem a anfonodd at Hoham brenin Hebron: ac at Biram brenin Iarmuth, at Iaphia hefyd brenin Lachis, ac at Dabir brenin Eglon gan ddywedyd:

4Deuwch i fynu attafi, a chynnorthwywch fi fel y tarawom ni Gibeon: canys hi a heddychodd ag Iosuah, ac a meibion Israel.

5Am hynny pum brenin yr Amoriaid a ymgynnullasant, ac a ddaethant i fynu brenin Ierusalem, brenin Hebron, brenin Iarmuth, brenin Lachis, brenin Eglon hwyntwy ai holl fyddinoedd: a gwerssyllasant wrth Gibeon, a rhyfelasant yn ei herbyn hi.

6A gwŷr Gibeon a anfonasant at Iosuah i’r gwerssyll i Gilgal gan ddywedyd, na thynu ymmaith dy ddwylo oddi wrth dy weision: tyret i fynu yn fuan attom ni, achub ni hefyd a chynnorthwya ni, canys holl frenhinoedd yr Amoriaid y rhai ydynt yn trigo yn y mynydd-dir a ymgynnullasant i’n herbyn ni.

7Felly Iosuah a escynnodd o Gilgal, efe a’r holl bobl ryfeloc gyd ag ef, a’r holl gedyrn nerthol.

8A’r Arglwydd a ddywedodd wrth Iosuah, nac ofna rhagddynt hwy canys yn dy law di y rhoddais hwynt: ni saif neb o honynt yn dy wyneb di.

9Iosuah gan hynny a ddaeth yn ddiatrec attynt hwy: ar hŷd y nos yr aeth efe i fynu o Gilgal.

10A’r Arglwydd ai drylliodd hwynt o flaen Israel, ac ai tarawodd hwynt a phla mawr yn Gibeon: ac ai hymlidiodd hwynt ffordd yr eir i fynu i Beth-horon, ac ai tarawodd hwynt hyd Azeca, ac hyd Macceda.

11Pan oeddynt yn ffoi o flaen Israel hwynt yng-oriwared Beth-horon, yna’r Arglwydd a fwriodd arnynt hwy gerric mawrion o’r nefoedd hyd Azeca fel y buont feirw: amlach y rhai a fuant feirw gan y cerric cenllysc, na’r rhai a laddodd meibion Israel a’r cleddyf.

12Yna y llefarodd Iosuah wrth yr Arglwydd, y dydd y rhoddodd yr Arglwydd yr Amoriaid o flaen meibion Israel: ac efe a ddywedodd yng-olwg Israel: ô haul aros yn Gibeon, a’r lleuad yn nyffryn Aialon.

13A’r Esa.28.21. Ecclesia.46.4.haul a arhosodd, a’r lleuad a safodd nes i’r genedl ddial ar ei gelynnion, onid yw hyn yn scrifennedic 2.Sam.1.18.yn llyfr yr iniawn? felly’r haul a safodd yng-hanol y nefoedd, ac ni fryssiodd i fachludo dros ddiwrnod cyfan.

14Ac ni bu y fath ddydd a hwnnw oi flaen ef, nac ar ei ol ef fel y gwrandawe yr Arglwydd ar lef dŷn: canys yr Arglwydd a ymladdodd dros Israel.

15Yna Iosuah a ddychwelodd, a holl Israel gyd ag ef i’r gwerssyll i Gilgal.

16Ond y pum-brenin hynny a ffoasant: ac a ymguddiasant mewn ogof ym Macceda.

17A mynegwyd i Iosuah gan ddywedyd: y pum brenin a gafwyd yng-hudd yn ogof Macceda.

18Yna y dywedodd Iosuah, treiglwch feini mawrion ar safn yr ogof: a gosodwch wrthi wŷr iw cadw hwynt.

19Ac na sefwch chwi, erlidiwch ar ôl eich gelynnion a threwch y rhai olaf o honynt: na adewch iddynt ddyfod iw dinasoedd, canys yr Arglwydd eich Duw ai rhoddodd hwynt yn eich llaw chwi.

20a phan ddarfu i Iosuah, a meibion Israel eu taro hwynt a phla mawr iawn nes eu difa: yna y gweddillion a adawsid o honynt a ddaethant i’r dinasoedd caeroc

21A’r holl bobl a ddychwelasant i’r gwerssyll at Iosuah ym Macceda yn heddychlon, heb symmud o neb ei dafod yn erbyn meibion Israel.

22Ac Iosuah a ddywedodd agorwch enau yr ogof: a dygwch allan y pum brenin hynny attafi o’r ogof.

23A hwynt a wnaethant felly, ac a ddugasant allan y pum brenin atto ef o’r ogof: sef brenin Ierusalem, brenin Hebron, brenin Iarmuth, brenin Lachis, brenin Eglon.

24A phan ddugasant hwy y brenhinoedd hynny at Iosuah, yna Iosuah a alwodd am holl wŷr Israel, ac a ddywedodd wrth dywysogion y rhyfelwŷr y rhai a aethent gyd ag ef, nessewch gosodwch eich traed ar wddfau y brenhinoedd hynn: a hwynt a nessasant, ac a osodasant eu traed ar eu gyddfau hwynt.

25Yna Iosuah a ddywedodd wrthynt nac ofnwch, ac nac arswydwch: ymŵrolwch ac ymegniwch, canys fel hyn y gwna’r Arglwydd i’ch holl elynnion y rhai’r ydych chwi yn ymladd iw herbyn.

26Ac wedi hyn Iosuah ai tarawodd hwynt, ac ai rhoddodd i farwolaeth, crogodd hwynt hefyd ar bum-prenn: a buant yng-hrog ar y prennau hyd yr hwyr.

27Ac ym mhryd machluiad yr haul y Deut.21.23. Iosua.8.29.gorchymynnodd Iosuah iddynt eu descyn hwynt oddi ar y prennau, ai bwrw hwynt i’r ogof yr hon yr ymguddiasent ynddi: a bwriasant gerric mawrion ar enau’r ogof, hyd gorph y dydd hwn.

28Iosuah hefyd a ennillodd Macceda y dwthwn hwnnw, ac ai tarawodd hi a min y cleddyf, ac a ddifrododd ei brenin hi gyd a hwynt, a phob enaid a’r ynddi, ni adawodd efe gweddill: canys efe a wnaeth i frenin Macceda Iosua.6.21.fel y gwnaethe i frenin Iericho.

29Yna yr aeth Iosuah a holl Israel gyd ag ef o Macceda i Libna: ac a ymladdodd yn erbyn Libna.

30A’r Arglwydd ai rhoddodd hi hefyd ai brenin yn llaw Israel, ac yntef ai tarawodd hi a min y cleddyf, a phob enaid a’r ynddi, ni adawodd ynddi yng-weddill: canys efe a wnaeth iw brenin hi fel y gwnelse i frenin Iericho.

31Ac Iosuah a drammwyodd a holl Israel gyd ag ef o Libna i Lachis: ac a werssyllodd wrthi, ac a ymladdodd îw herbyn.

32A’r Arglwydd a roddodd Lachis yn llaw Israel, yr hwn ai ennillodd hi yr ail dydd, ac ai tarawodd hi a min y cleddyf, a phob enaid a’r ynddi: yn ôl yr hyn oll a wnaethe efe i Libna.

33Yna Horam brenin Gezer a ddaeth i fynu i gynnorthwyo Lachis: ond Iosuah ai tarawodd ef, ai bobl fel na adawyd iddo ef yng-weddill.

34Ac Iosuah a drammwyodd ai holl bobl gyd ag ef o Lachis i Eglon: ac a werssyllasant wrthi, ac a ymladdasant iw herbyn.

35A hwynt ai hennillasant hi y diwrnod hwnnw, a tharawsant hi a mîn y cleddyf, ac efe a ddifrododd bob enaid a’r ynddi y dwthwn hwnnw: yn ôl yr hyn oll a wnaethe efe i Lachis.

36Yna’r escynnodd Iosuah a holl Israel gyd ag ef o Eglon i Hebron: a rhyfelaant iw herbyn.

37Pan ennillasant hi, yna hwy ai tarawsant hi a min y cleddyf, ai brenin, ai holl ddinasoedd, a phob enaid a’r ynddi, ni adawodd efe yn weddill, yn ôl yr hyn oll a wnaethe efe i Eglon: canys efe ai difrododd hi, a phob enaid a’r ynddi.

38Yna Iosuah a ddychwelodd, a holl Israel gyd ag ef i Dabir: ac efe a ymladdodd iw herbyn.

39Pan ennillodd efe hi, ei brenin, ai holl ddinasoedd, yna hwynt ai tarawsant a min y cleddyf, ac a ddifrodasant bob enaid a’r ynddi, ni adawodd efe yng-weddill: fel y gwnaethe efe i Hebron, felly y gwnaeth efe i Dabir ac iw brenin, ac megis y gwnelse efe i Libna ac iw brenin.

40Felly y tarawodd Iosuah yr holl fynydd-dir a’r dehau, y gwastadedd hefyd a’r bronnydd, ai holl frenhinoedd, ni adawodd efe yng-weddill: eithr efe a ddifrododd bob perchaên anadl, fel y gorchymynnase Arglwydd Dduw Israel.

41Felly Iosuah ai tarawodd hwynt o Cades Barnea hyd Azza: a holl wlâd Gosen hyd Gibeon.

42Yr holl frenhinoedd hyn hefyd ai gwledydd a ennillodd Iosuah ar vn-waith: canys Arglwydd Dduw Israel oedd yn ymladd tros Israel.

43Yna y dychwelodd Iosuah a holl Israel gyd ag ef i’r gwerssyll yn Gilgal.