Exodus 20 - William Morgan Bible 1588 original edition

PEN. XX.Dec gorchymyn Duw. 18 Duw yn ymddangos mewn mellt i beri ei ofni. 23 Duw yn gwahardd delwau. 24 portreiad yr allor.

1A Duw a lefarodd yr holl eiriau hyn gan ddywedyd.

2Myfi yr Arglwydd dy Dduw: yr hwn a’th ddygais di allan o wlad yr Aipht, o dŷ y caethiwed.

3Na fydded it dduwiau eraill ger fy mrō i.

4Na wna it ddelw gerfiedic, na llun dim a’r yn y nefoedd oddi vchod, nac a’r y yn y ddaiar oddi isod: nac a’r yn y dwfr oddi tann y ddaiar.

5Nac ymgrymma iddynt, ac na wasanaetha hwynt: o blegit myfi yr Arglwydd dy Dduw[ydwyf] Dduw eiddigus, yn ymweled ag anwiredd y tadau ar y plant, hyd y drydedd a’r bedwaredd o’r rhai a’m casânt.

6Ac yn gwneuthur trugaredd i filoedd: o’r rhai a’m carant, ac a gadwant fyng-orchymynnion.

7Na chymmer enw yr Arglwydd dy Dduw yn ofer: canys nid dieuog gan yr Arglwydd yr hwn a gymmero ei enw ef yn ofer.

8Cofia y dydd Sabboth iw sancteiddio ef.

9Chwe diwrnod y gweithi, ac y gwnei dy holl waith.

10Onid y seithfed dydd Sabboth yr Arglwydd dy Dduw: na wna ddim gwaith, tydi na’th fab, na’th ferch, na’th wâsanaethwr nath wasanaeth-ferch, na’th anifail, na’th ddieithr-ddyn a fyddo o fewn dy byrth.

11O herwydd chwe diwrnod y gwnaeth yr Arglwydd y nefoedd, ar ddaiar, y môr, a’r hyn oll ynddynt, ac a orphwysodd y seithfed dydd: am hynny y bendithiodd yr Arglwydd y dydd Sabboth, ac ai sancteiddiodd ef.

12Anrhydedda dy dad a’th fam: fel yr estynno dy ddyddiau ar y ddaiar yr hon y mae yr Arglwydd dy Dduw yn ei rhoddi i ti.

13Na ladd.

14Na wna odineb.

15Na ledratta.

16Na ddwg gamm destiolaeth yn erbyn dy gymmydog.

17Na chwennych dŷ dy gymydog: na chwennych wraig dy gymydog, nai wasanaethwr, nai wasanaeth ferch, na’i ŷch, nai assyn, na dim ar eiddo dy gymydog.

18A’r holl bobl a welsant y taranau, a’r mellt, a sain yr udcorn, a’r mynydd yn mygu: a phan welodd y bobl yna y ciliasant, a safasant o hîr-bell.

19A dywedasant wrth Moses, llefara di wrthym ni, a nyni a wrandawn: ond na lefared Duw wrthym, rhac i ni farw.

20Yna y dywedodd Moses wrth y bobl, nac ofnwch o herwydd ich profi chwi y daeth Duw: ac i fod ei ofn ef ger eich bronnau, fel na phechech.

21A safodd y bobl o hirbell: a nessaodd Moses i’r cwmmwl lle Duw.

22A’r Arglwydd a ddywedodd wrth Moses, fel hyn y dywedi wrth feibion Israel: chwi a welsoch mai o’r nefoedd y lleferais wrthich.

23Na wnewch gyd a mi na wnewch i chwi dduwiau arian, na duwiau aur.

24Gwna di i mi Exod.27.8.allor bridd, ac abertha arni dy boeth offrymmau, a’th ebyrth hedd, dy ddefaid, a’th eidionnau: ym mhob man lle y rhoddwyf goffadwriaeth o’m henw, y deuaf attat, ac i’th fendithiaf.

25Ond os gwnei i mi allor gerric Deut.27.5. Iosu.8.31.na nâdd y rhai hynny: pan gottech dy forthwyl arni ti ai halogaist.

26Ac na ddos i fynu ar hyd grissiau i’m hallor: fel nad amlyger dy noethni wrthi hi.