Psalmau 18 - William Morgan Bible 1588 original edition

Psalm. xviij.Diligam te Domine.At y pen-cerdd Psalm Dafydd gwâs yr Arglwydd, yr hwn a lefarodd wrth yr Arglwydd eiriau y gân hon yn y dydd y gwaredodd yr Arglwydd ef o law ei holl elynnion, ac o law Saul: ac efe a ddywedodd,

1 Caraf di, Arglwydd fyng-hadernid.

2 2.Sam.22.2. Yr Arglwydd yw fyng-hraig, a’m hamddeffynfa, a’m gwaredudd, fy Nuw fyng-hadernid, ynddo ef Hebr.2.13.yr ymddyriedaf: fy nharian, a chorn fy iechydwriaeth, a’m noddfa.

3Galwaf ar yr Arglwydd canmoladwy: felly i’m cedwir rhag fyng-elynnion.

4Gofidion angau a’m cylchynâsant: ac afonydd y fall a’m dychrynnâsant i.

5Gofidion vffern a’m gogylchynâsant: maglau angeu a achubasant fy mlaen.

6Yn fyng-hyfyngder y gelwais ar yr Arglwydd, ac y gwaeddais ar fy Nuw: efe a glybu fy llef oi Deml, a’m gwaedd ger ei fron ef a ddaeth iw glustiau ef.

7Yna y cynhyrfodd, ac y crynodd y ddaiar, a seiliau y mynyddoedd a gyffroâsant: ac a ymsiglâsant, am iddo ef ddigio.

8Derchafodd mŵg oi ffroenau, a thân a yssodd oi enau ef: glô a enynnâsant ganddo ef.

9Efe hefyd a ostyngodd y nefoedd, ac a ddescynnodd: a thywyllwch tann ei draed ef.

10Marchogodd efe hefyd ar y Cerub, ac a ehedodd: îe efe a ehedodd ar adenydd y gwynt.

11Efe a osododd y tywyllwch yn ddirgelfa iddo ef, babell oi amgylch: tywyllwch y dyfroedd, chwmylau yr awyr.

12Gan y discleirdeb ger ei fron ef, cwmylau a aethant heibio: cenllysc a marwor tanllyd.

13Yr Arglwydd hefyd a darânodd yn y nefoedd: a’r Goruchaf a roddes ei lef: cenllysc a marwor tanllyd.

14Anfonodd hefyd ei saethau, a gwascârodd hwynt: amlhâodd hefyd fellt, a dinistriodd hwynt.

15Gwaelodion y dyfroedd a welwyd, a seiliau y bŷd a ddinoethwyd gan dy gerydd di ô Arglwydd, chan chwythad anadl dy ffroenau di.

16Anfonodd oddi vchod, cymmerodd fi, thynnodd fi o ddyfroedd lawer.

17Efe a’m gwaredodd oddi wrth fyng-elyn cadarn, a rhag fyng-haseion: canys y maent yn drech nâ mi.

18Achubâsant fy mlaen yn nydd fyng-ofid: ond yr Arglwydd oedd gynhaliad i mi.

19Dûg fi i ehangder, gwaredodd fi: canys ymhoffodd ynof.

20Yr Arglwydd a’m gobrwya yn ôl fyng-hyfiawnder: yn ôl glendid fy nwylo y tâl efe:

21Canys cedwais ffyrdd yr Arglwydd: ac ni wneuthum yn annuwiol yn erbyn fy Nuw.

22O herwydd ei holl farnedigaethau ef ger fy mron i: ai ddeddfau ni fwriais oddi wrthif.

23Bum hefyd yn berffaith gyd ag ef: ac ymgedwais rhag fy anwiredd.

24A’r Arglwydd a’m gobrwyodd yn ôl fyng-hyfiawnder: yn ôl purdeb fy nwylo o flaen ei lygaid ef.

25A’r 2.Sam.22.26.trugarog y gwnei drugaredd: â’r gŵr perffaith y gwnei berffeithrwydd.

26A’r glân, y gwnei lendid: ac a’r cyndyn yr ymgyndynni.

27Canys ti a warêdi y bobl gystuddiedic: a ostyngi olygon vchel.

28O herwydd ti a oleui fyng-hānwyll: yr Arglwydd fy Nuw a lewyrcha fy nhywyllwch.

29O blegit ynot ti y rhedaf trwy fyddin: îe yn fy Nuw y llammaf dros fûr.

30Duw berffaith ei ffordd, gair yr Arglwydd sydd buredic: tarian yw efe i bawb a ymddyriedant ynddo.

31Canys pwy Dduw heblaw yr Arglwydd? a phwy graig eithr ein Duw ni.

32Duw a’m gwregyssodd â nerth: ac a roddes fy ffordd yn berffaith.

33Gosod y mae efe fy nhraed fel ewigod: ac ar fy vchel-fannau i’m sefydlodd.

34Efe sy yn dyscu fy nwylo i ryfel: fel y dryllid bŵa dûr fy mreichiau.

35Rhoddaist hefyd i mi darian dy iechydwriaeth, a’th ddeheu-law a’m cynhaliodd: a’th fwynder a’m lluosogodd.

36Ehengaist fyng-herddediad tanaf: fel na lithrodd fy sodlau.

37Erlidiais fyng-elynnion, ac ai goddiweddais: ac ni ddychwelais nes i mi eu difa hwynt.

38Archollais hwy fel na allent sefyll: syrthiasant dann fy nhraed.

39Canys gwregysaist fi â nerth i ryfel: cwympaist tanaf y rhai a ymgododd i’m herbyn.

40Rhoddaist hefyd i mi warrau fyng-elynnion: fel y difethwn fyng-haseion.

41Gwaeddâsant, ac nid achubudd: ar yr Arglwydd, ond nid attebodd efe hwynt.

42Maluriais hwynt hefyd fel llŵch o flaen y gwynt: melais hwynt megis pridd yr heolydd.

43Gwarêdaist fi rhag cynhennau y bobl, gosodaist fi yn ben cenhedloedd: pobl ni’s adnabum a’m gwasanaethent.

44Pan glywant, gwrandawant arnaf: meibion dieithr a gymmerant arnynt ymddarostwng i mi.

45Meibion dieithr a ballant: ac a ddychrynant oi carchârau.

46Byw fyddo’r Arglwydd, a bendithier fyng-hraig: a derchafer Duw fy iechydwriaeth.

47Duw sydd yn rhoddi i mi allu ymddial: ac a dywys y bobloedd tanaf fi.

48Fyng-waredudd oddi wrth fyng-elynnion canys ti a’m derchefaist hefyd oddi wrth y rhai a gyfodent i’m herbyn: achubaist fi rhag y gŵr traws.

49Am hynny Rhuf.15.9.y moliannaf di ô Arglwydd ym mhlith y cenhedloedd: ac y cânaf i’th enw.

50Efe sydd yn mawrhau iechydwriaeth ei frenin, ac yn gwneuthur trugâredd iw eneiniog, i Ddafydd, ac iw hâd ef byth.