Habacuc 1 - William Morgan Bible 1588 original edition

PENNOD. I.1 Pechod yr Iddewon. 5. Duw yn danfon y Caldeaid iw cospi hwynt. 11 Dialedd ar y Caldeaid am eu creulondeb hwynt.

1Y Baich yr hwn a welodd y prophwyd Habacuc.

2Pa hŷd Arglwydd y gwaeddaf, ac ni’s gwrandewi? y bloeddiaf arnat trais, ac ni’s achubi?

3Pa ham y gwnei i’m weled coegni, ac y peri i’m edrych ar flinder? anrhaith, a thrais ar fyng-hyfer, ac y mae a gyfodd ddadl, ac ymryson,

4Am hynny y torrir cyfraith, ac nid aiff barn allan, am fod y drygionus yn amgylchu y cyfiawn: am hynny cam farn a aiff allan.

5Gwelwch ym mysc y cenhedloedd, ac edrychwch, aruthrwch, rhyfeddwch, canys gweithredaf weithred yn eich dyddiau ni choeliwch er ei mynegu i chwi.

6Canys wele fi yn codi y Caldeaid, cenhedlaeth chwerw, a phrysur, yr hon a rodia ar hŷd llêd y tîr i etifeddu cyfanneddoedd ni eiddi hi.

7Y mae iw hofni, ac iw harswydo, o honi ei hun y daw allan ei barn, ai rhagoriaeth.

8Ai meirch fyddant fuanach na’r lleopardiaid: Soph.3.3.a llymmach fyddant nâ bleiddiau’r hŵyr, ei marchogion hefyd a amlhânt, ai marchogion a ddeuant o bell, ehedant fel eryr yn prysuro at fwyd.

9Hi oll a ddaw i dreisio: ar gyfer ei hwyneb y gwynt y dwyrain, ac hi a gascl garcharorion fel y tywod.

10Ac hi a watwar frenhinoedd, a thywyssogion a fyddant watwargerdd iddi, hi a watwar yr holl gestyll, ac a gascl lŵch, ac ai gorescyn.

11Yna y newidia hi yspryd, ac y trosedda ei grym ymma iw duw ei hun.

12Onid ti er cynt ô Arglwydd fy Nuw, fy Sanctaidd ni byddwn feirw ô Arglwydd, ti ai gosodaist hi er barn, ac aisylfaenaist ô Dduw er cospedigaeth.

13Ydwyt lanach dy lygaid nâ gweled drwg, ac ni elli edrych ar anwiredd: pa ham yr edrychi ar yr anffyddloniaid, y tewi pan lyngco’r anwir cyfiawnach nag ef ei hun?

14Ac y gwnei ddynion fel pysc y môr, fel yr ymlusciaid heb lywydd iddynt?

15Cyfyd hwynt oll ai fâch, cascl hwynt yn ei rwyd, a chynnull hwynt yn er fagl am hynny efe a lawenycha ac a ymddigrifa.

16Am hynny ’r abertha efe iw rwyd; ac a lysc arogl-darth iw fagl: canys trwyddynt hwy y mae ei ran yn dew, ai fwyd yn frâs.

17A gaiff efe gan hynny danu ei rwyd? ac nad arbedo ladd cenhedlaethau bob amser?