Deuteronomium 23 - William Morgan Bible 1588 original edition

PEN. XXIII.1 Y rhaî ni chaent swyddau. 9 Am bechod ac aflendid. 15 am wâs ar encil. 17 am butteindra. 19 am addunedau. 24 Rhydd-did ar rawn-win ac yd gwr arall.

1Na ddeued efnuch, neu dispadd i gynnulleidfa’r Arglwydd.

2Na ddeued basterdyn i gynnulleidfa’r Arglwydd: y ddecfed genhedlaeth iddo hefyd ni chaiff ddyfod i gynnulleidfa’r Arglwydd.

3Na ddeled Nehem.13.1.Ammoniad, na Moabiad i gynnulleidfa’r Arglwydd: y ddecfed genhedlaeth hefyd o honynt na ddeued i gynnulleidfa’r Arglwydd yn dragywydd:

4O blegit ni chyfarfuant chwi a bara, ac a dwfr yn y ffordd wrth eich dyfod o’r Aipht: ac Num.22.5.o achos cyflogi i’th erbyn Balaam fab Beor o Pethor Mesopotamia i’th felldichio di.

5Etto’r Arglwydd dy Dduw ni fynnodd wrando ar Balaam, onid trôdd yr Arglwydd dy Dduw y felldith yn fendith it: canys hoffodd yr Arglwydd dy Dduw dy di.

6Na chais eu heddwch hwynt, nai daioni hwynt dy holl ddyddiau byth.

7Na ffieiddia Edomiad canys dy frawd yw: na ffieiddia Aiphtiad, o herwydd dieithr fuost yn ei wlad ef.

8Deued o honynt i gynnulleidfa’r Arglwydd, y drydedd genhedlaeth o’r meibion, y rhai a genhedlir iddynt.

9Pan elech allan gwerssyll yn erbyn dy elynion, yna ymgadw rhac pôb peth drwg.

10O bydd vn o honot yr hwn ni fyddo lân oddi wrth ddamwain nôs: eled allan o’r gwerssyll, na ddeued o fewn y gwerssyll.

11Ac ym mîn yr hwyr ymolched mewn dwfr: yna wedi machludo yr haul deued i fewn y gwerssyll.

12A bydded lle i ti o’r tu allan i’r gwerssyll: ac yno yr ei di allan.

13A bydded gennit raw ym mysc dy arfau, a bydded pan eisteddech allan gloddio o honot a hi, yno trô di a gorchguddia dy dom.

14O herwydd bod yr Arglwydd dy Dduw yn rhodio ym mhlith dy werssyllau i’th waredu, ac i roddi dy elynnion o’th flaen di, am hynny bydded dy werssyllau yn sanctaidd: fel na welo ynot ti ddim brynti, a throi oddi wrthit.

15Na ddyro at ei feistr wâs yr hwn a ddiangodd attat o ddi wrth ei feistr.

16Gyd a thi y trîg yn dy fysc, yn y fan yr hon a ddewiso, yn vn o’th byrth di, lle byddo da ganddo: na chystuddia ef.

17Na fydded puttain o ferched Israel: ac na fydded putteini-wr o feibion Israel.

18Na ddwg wobr puttain, na gwerth cî dŷ’r Arglwydd dy Dduw mewn vn adduned: canys y maent ill dau yn ffiaidd gan yr Arglwydd dy Dduw di.

19Na chymmer lôg gan dy frawd llôg arian, llôg bwyd, Exod.22.25.(sic.)|EXO 22:15. lefit.15.36.(sic.)[na] llôg dim oll a’r a lôger.

20Gan estron y cymmeri lôg, ond na chymmer lôg gan dy frawd: fel y bendithio yr Arglwydd dy Dduw di ym mhob peth y rhoddech dy law arno, yn y tîr yr hwn yr ydwyt yn myned iddo iw orescyn.

21Pan addunedech adduned i’r Arglwydd dy Dduw nac oeda ei thalu: canys yr Arglwydd dy Dduw gan ofyn ai gofyn gennit, yna y bydde yn bechod ynot.

22Ond os peidi ac addunedu ni bydd pechod ynot.

23Cadw, a gwna yr hyn a ddaeth allan o’th wefusau, megis yr addunedailt i’r Arglwydd dy Dduw offrwm gwirfodd yr hwn a draethaist o’th enau.

24Pan ddelech i winllan dy gymydog, yna bwytta o rawn-win dy wala wrth dy feddwl, ond na ddod i’th lestr

25Pan ddelech i ŷd dy gymydog, Mat.12.1.yna y cei dynnu y twyssennau a’th law: ond ni chei osod crymman ar ŷd dy gymydog.