2.Petr 1 - William Morgan Bible 1588 original edition

PENNOD. I.Yn gymmeint a darfod i feddiant Duw roddi iddynt bob peth yn perthyn i fuchedd, y mae efe yn eu hannog i ffoi rhag llygredigaeth chwantau y byd. 10 Ac i wneuthur eu galwedigaeth yn ddiogel trwy weithredoedd da, a ffrwythau ffydd. 14 Y mae efe yn coffau am ei farwolaeth ei hun, 17 Gan yspysu bod yr Arglwydd Iesu Grist yn wir Fab Duw, megis ac y gwelse efe ei hun ar y mynydd.

1Symon Petr gwasanaethwr, ac Apostl Iesu Grist, i’r rhai a freiniasant gyffelyb werthfawr ffydd a ninnau, trwy gyfiawnder ein Duw a’n achubwr Iesu Grist

2Grâs i chwi, a thangneddyf a amlhaer, trwy adnabyddiaeth Duw, ac Iesu ein Harglwydd,

3Megis y rhoddes ei dduwiol allu ef i ni bôb peth a berthynant i fywyd, a duwioldeb, trwy ei adnabyddiaeth ef yr hwn a’n galwodd ni i ogoniant a rhinwedd.

4Gan hyn rhoddi i ni addewidion rhagor-fawr gwerth fawr, fel y gallech trwy y rhai hynny fod yn gyfrannogion o dduwiol anian, wedi diangc o’r llwgr yr hwn sydd yn y byd trwy drachwant.

5Ac am hyn rhoddwch gwbl o’ch diwydrwydd, cyssylltwch yng-hŷd â’ch ffydd rinwedd ac yng-hyd, â rhinwedd gŵybodaeth:

6Ac yng-hyd â gwybodaeth, gymmedrolder, ac yng-hyd â chymmedrolder, ammynedd, ac yng-hyd ag ammynedd duwioldeb,

7Ac yng-hŷd a duwioldeb, caredigrwydd brawdol: ac yng-hŷd â charedigrwyod brawdol, cariad.

8Canys os byddwch â’r pethau hyn cennych, ac yn aml hwynt, peri a wnânt na boch na segur na diffrwyth yng-wybodaeth ein Harglwydd Iesu Grist.

9O blegit y nêb ni byddo y rhai hyn ganddo, dall ydyw, ac ni wel ddim o bell, yn gollwng tros gof ei lanhau o’i hên bechodau.

10Am hynny, fy-mrodyr byddwch yn fwy diwyd i wneuthur eich galwedigaeth a’ch etholedigaeth yn siccr: canys o gwnewch chwi hyn ni lithrwch chwi byth.

11Canys felly y trefnir i chwi fforddiad yn helaeth i dragywyddol deyrnas ein Harglwydd a’n Achubwr Iesu Grist.

12Am hynny nid esceulusafi eich coffhau chwi byth am y pethau hyn, er eich bod chwi yn gyfarwydd, ac yn siccr yn y gwirionedd presennol.

13Canys yr ydwyf yn tybied fod yn iawn i mi, tra fyddwyf yn y tabernacl hwn, eich cyffroi gan ddwyn ar gôf i chwi,

14Gan wybod fod yn gyfagos yr amser y rhoddaf heibio y tabernacl hwn, Ioan.21.17.megis ac y dangoses ein Harglwydd Iesu Grist i mi.

15Diwyd fyddaf hefyd ar allu o honoch wneuthur coffa am y pethau hyn, wedi fy ymadawiad i.

16Canys nid 1.Cor.1.17.chwedlau dichellgar a ganlynhasom ni, pan oeddem yn mynegi i chwi rinwedd, a dyfodiad ein Harglwydd Iesu Grist, eithr â’n llygaid y gwelsom ei fawredd ef:

17Canys efe a dderbyniase gan Dduw Tâd, anrhydedd a gogoniant, pan ddaeth cyfryw lêf atto oddi wrth y dirfawr ogoniant, Math.17.5.Hwn yw’r annwyl Fâb maufi, yn yr hwn i’m boddlonir.

18A’r llef hon a glywsom ni pan ddaeth o’r nêf, a ni gyd ag ef yn y mynydd sanctaidd.

19Yr ydym ni hefyd â gair cadarnaf y prophwydi cennym, i’r hwn da y gweithiwch, o ddarbod am dano, megis am oleuni yn llewyrchu mewn lle tywyll, hyd oni wawrio’r dydd, ac oni chodo’r seren-ddydd yn eich calonnau.

20Os 2.Timot.3.16.gwybyddwch chwi hynny yn gyntaf, nad oes vn brophwydoliaeth yn yr Scrythur o briod awenydd

21Canys nid trwy ewyllys dŷn y daeth gynt brophwydoliaeth: eithr dynnion sanctaidd Duw a ddywedasant megis y cynhyrfwyd gan yr Yspryd glân.