1.Samuel 18 - William Morgan Bible 1588 original edition

PEN. XVIII.Y Gefeillach a oedd rhwng Ionathan a Dafydd. 11 Saul yn casau, ac yn ofni Dafydd.

1A phan orphennodd efe ymddiddan a Saul, yna enaid Ionathan a ymgylymmodd wrth enaid Dafydd: fel y carodd Ionathan ef, megis ei enaid ei hunan.

2A Saul ai cymmerth ef y diwrnod hwnnw: ac ni adawodd iddo ddychwelyd i dŷ ei dâd.

3Yna Ionathan a wnaeth gyfammod a Dafydd: o herwydd efe ai care megis ei enaid ei hun.

4Ac Ionathan a ddioscodd y fantell yr hon am dano ei hun, ac ai rhoddes i Ddafydd, ai wiscoedd, îe hyd yn oed ei gleddyf, ai fwa, ai wregys.

5A Dafydd a aeth yn gall i ba bynnac yr anfonodd Saul ef, a Saul ai gosododd ef ar y rhyfel-wŷr: ac efe oedd gymmeradwy yngolwg yr holl bobl, ac yng-olwg gweision Saul hefyd.

6A bu (wrth ddyfod o honynt) pan ddychwelodd Dafydd o ladd y Philistiad, yna ddyfod o’r gwragedd allan o holl ddinasoedd Israel dan ganu, a dawnsio i gyfarfod a’r brenin Saul: a thympanau, a gorfoledd, ac ag tri-thant.

7A’r gwragedd yn chware a ymmatebent, ac a ddywedent: Pennod.21.11|1SA 21:11 & 29.5.|1SA 29:5. Ecclesiast.47.6,7tarawodd Saul ar ei filoedd, a Dafydd ar ei fyrddiwn.

8Am hynny y digiodd Saul yn ddirfawr, a’r ymadrodd hwn oedd ddrwg yn ei olwg ef, ac efe a ddywedodd, rhoddasant i Ddafydd fyrddiwn, ac i mi y rhoddasant filoedd: mwy iddo ef, eithr y frenhiniaeth?

9A bu Saul yn gwilied Dafydd o’r dydd hwnnw allan.

10Bu hefyd drannoeth i ddrwg yspryd Duw ddyfod ar Saul, ac efe a brophwydodd yng-hanol y tŷ, yna Dafydd a ganodd ai law, fel o’r blaen: a gwaiw-ffon yn llaw Saul.

11Yna Saul a siglodd y waiw-ffon, ac a ddywedodd, tarawaf trwy Ddafydd, a thrwy ’r pared: a Dafydd a giliodd ddwy-waith oi ŵydd ef.

12A Saul a ofnodd rhac Dafydd: o herwydd bod yr Arglwydd gyd ag ef, a chilio o honaw ef oddi wrth Saul.

13Am hynny Saul ai gyrrodd ef ymmaith oddi wrtho ef, ac ai gosododd ef tano ei hun yn dywysog fil: ac efe a lywodraethodd y bobl.

14A bu Ddafydd gall yn ei holl ffyrdd: a’r Arglwydd gyd ag ef.

15Pan welodd Saul ei fod ef yn gall iawn: yna ’r ofnodd efe rhacddo ef.

16Eithr holl Israel, ac Iuda a garodd Ddafydd: am ei fod ef yn eu llywodraethu hwynt.

17Yna y dywedodd Saul wrth Ddafydd, wele Merab fy merch hynaf, hi a roddafi i ti yn wraig, yn vnic bydd i mi yn fab nerthol, ac ymladd ryfeloedd yr Arglwydd: (canys dywedase Saul, ni bydd fy llaw i yn ei erbyn ef, onid llaw y Philistiaid fydd yn ei erbyn ef. )

18A Dafydd a ddywedodd wrth Saul, pwy fi, a pheth fy mywyd dŷlwyth fy nhâd i yn Israel, fel y byddwn yn ddaw i’r brenin?

19Eithr yn yr amser rhoddi Merab merch Saul i Ddafydd, yna hi a rhoddwyd i Adriel y Meholathiad yn wraig.

20Yna Michol merch Saul a garodd Ddafydd: a mynegasant i Saul, a’r peth fu fodlon ganddo.

21(A dywedodd Saul, rhoddaf hi iddo ef, fel y byddo hi iddo ’n fagl, ac y byddo llaw y Philistiaid yn ei erbyn ef: ) felly Saul a ddywedodd wrth Ddafydd, drwy’r llall yr ymgyfathrechi a mi heddyw.

22A Saul a orchymynnodd iw weision ymddiddenwch a Dafydd yn ddistaw, gan ddywedyd, wele y brenin sydd hoff ganddo dydi, ai holl weision ef a’th garant di: yn awr gan hynny ymgyfathracha a’r brenin.

23A gweision Saul a adroddasant wrth Ddafydd y geiriau hyn: a Dafydd a ddywedodd ai yscafn yn eich golwg chwi ymgyfathrachu a brenin, a minne yn ŵr tlawd, a gwael?

24A gweision Saul a fynegasant iddo, gan ddywedyd: fel hyn y llefarodd Dafydd.

25Yna y dywedodd Saul, fel hyn y dywedwch wrth Ddafydd, nid yw y brenin yn ewyllysio cynhyscaeth, onid cant o flaen-grwyn y Philistiaid i ddial ar elynnion y brenin: (canys Saul a feddyliodd am ladd Dafydd drwy law y Philistiaid. )

26Ai weision ef a fynegasant i Ddafydd y geiriau hynn, a’r ymadrodd fu fodlon gan Ddafydd am ymgyfathrachu a’r brenin: ond ni ddaethe yr amser.

27Yna y cyfododd Dafydd, ac efe a aeth, ai wŷr, ac a darawodd ddau can-wr, o’r Philistiaid, a Dafydd a ddygodd eu blaen-grwyn hwynt, ac ai cwbl dalasant i’r brenin, i ymgyfathrachu a’r brenin: am hynny y rhoddes Saul Michol ei ferch yn wraig iddo yntef.

28Yna y gwelodd Saul, ac y gwybu mai ’r Arglwydd gyd a Dafydd: a Michol merch Saul ai carodd ef.

29A Saul a ofnodd fwy-fwy rhac Dafydd, a bu Saul yn elyn i Ddafydd byth.

30Yna tywysogion y Philistiaid a aent allan, a phan elent hwy, Dafydd a fydde gallach na holl weision Saul, ai enw ef oedd anrhydeddus iawn.