Esay 34 - William Morgan Bible 1588 original edition

PEN. XXXIIII.Amryw ddialeddau Duw yn erbyn pechaduriaid.

1Nessewch genhedloedd i glywed, a gwrandewch bobloedd: gwrandawed y ddaiar ac y sydd ynddi, y byd ai holl gnwd.

2Canys llidiawgrwydd yr Arglwydd sydd yn erbyn yr holl genhedloedd, ai sorriant yn erbyn eu holl lû hwynt: difrododd hwynt, rhoddes hwynt i’r lladdedigaeth.

3Ai lladdedigion a fwrir allan, a drewiant eu celanedd a gyfyd i fynu, y mynyddoedd hefyd a ffrydiant oi gwaed hwynt.

4Holl lu y nefoedd hefyd a doddant, a’r nefoedd a blygir fel llyfr: ai holl lu a syrth, fel y syrthie deilen o’r win-wydden, ac fel y syrthie hi o’r ffigus-bren.

5Canys fyng-hleddyf a drochir yn y nefoedd, wele ar Edom y descyn i farn, ac ar y bobl y rhai a escymmunais.

6Cleddyf yr Arglwydd a lawnwyd o waed, tewhaodd o fraster, o waed ŵyn a bychod, o fraster arennau hyrddod: canys i’r Arglwydd aberth yn Bozra, a lladdfa fawr yn nhir Edom.

7Yna y descyn yr vnicorniaid gyd â hwynt, a’r bustych gyd a’r teirw; ai tir hwynt a feddwa oi gwaed hwynt, ai llwch fydd tew o fraster.

8Canys diwrnod dialeddiad yr Arglwydd, blwyddyn taledigaeth yn achos Sion

9Yna y troir ei hafonydd hi’n bŷg, ai llwch yn frwmstan, ai daiar yn bŷg lloscedic.

10Nis diffoddir nos na dydd, ei mŵg a ddring byth, o genhedlaeth i genhedlaeth y diffeithir hi, ni cynniwerydd trwyddi byth bythoedd.

11Y Pelican hefyd a’r draenoc ai gorescyn, y ddylluan a’r gigfran a drigant ynddi, ac efe a estyn arni linin afluniaidd-dra, a meini gwagedd.

12Ei phendefigion a alwant, ac nid oes yno frenhiniaeth, ai holl dywysogion hi ydynt ddiddym.

13Cyfyd hefyd ei phalasau ddrain, danadl, ac yscall yn ei cheurydd, a hi a fydd yn drigfa dreigiau, yn gyntedd i gywion yr estris.

14* Yno yr anifeiliaid gwylltion a’r cathod a ymgyfarfyddant, yr ellill a eilw ar ei gyfaill, yr ŵyll a orphywys yno hefyd, ac a gaiff orphywystra iddi.

15Yno y nŷtha y ddylluan, ac y dodwa, ac y dehôra, ac a gascl yn ei chyscod, y fulturiaid a ymgasclant yno hefyd, pob vn at ei gymmar.

16Cesiwch o lyfr yr Arglwydd, a darllenwch, ni phalla vn o hyn, ni bydd vn yn eisieu i’r llall, canys ei enau ef a orchymynnodd, ai yspryd ef ai casclodd hwynt.

17Efe hefyd a fwriodd y coel-bren iddynt, ai law ef ai rhannodd hi iddynt wrth linin: meddiannant hi hyd byth, a phresswyliant hi o genhedlaeth i genhedlaeth.