Exodus 28 - William Morgan Bible 1588 original edition

PEN. XXVIII.Gwisc Aaron, ai feibion.

1A chymmer di Aaron dy frawd attat, ai feibion gyd ag ef o blith meibion Israel i offeiriadu i mi: Aaron, Nadab, ac Abihu, Eleazar ac Ithamar meibion Aaron.

2Gwna hefyd wiscoedd sanctaidd i Aaron dy frawd: er gogoniant a harddwch.

3A dywet wrth yr holl rai doeth o galon, y rhai a lenwais i ag yspryd doethineb: am wneuthur o honynt ddillad Aaron iw sancteiddio ef i offeiriadu i mi.

4Ac dymma y gwiscoedd y rhai a wnant, dwyfronnec, ac Ephod, mantell hefyd, a phais o waith edef a nodwydd, meitr a gwregys: felly y gwnant wiscoedd sanctaidd i Aaron dy frawd, ac iw feibion i offeiriadu i mi.

5Cymmerant gan hynny aur, a sidan glâs, a phorphor: ac scarlat, a sidan gwynn.

6A gwnant yr Ephod o aur, sidan glâs, a phorphor, ac scarlat, a sidan gwynn cyfrodedd o waith cywraint.

7Dwy yscwydd fydd iddi wedi eu cydio wrth ei dau gwrr, fel y cydier hi yng-hyd.

8A gwregys ei Ephod ef yr hwn fydd arno sydd o honi hi, yn vn waith a hi; o aur, sidan glâs, a phorphor, scarlat hefyd, a sidan gwynn cyfrodedd.

9Cymmer hefyd ddau faen Onix, a nadd ynddynt enwau meibion Israel.

10Chwech o henwau ar y maen cyntaf: a’r chwe henw arall ar yr ail maen yn ol eu ganedigaeth.

11Ar waith saer maen fel naddu sêl y neddi di y ddau faen yn ol henwau meibion Israel: gwna hwynt o boglynnau o aur oi hamgylch.

12A gosot y ddau faen ar ysgwyddau yr Ephod yn feini coffadwriaeth i feibion Israel: canys Aaron a ddwg eu henwau hwynt ger bron yr Arglwydd ar ei ddwy yscwydd yn goffadwriaeth.

13Gwna hefyd foglynnau aur.

14A dwy gadwyn gyd-terfynol o aur coeth, o blethwaith y gwnei hwynt: a dod y cadwynau plethedic wrth y boglynnau.

15Gwna hefyd ddwyfronec barnedigaeth o waith cywraint, ar waith yr Ephod y gwnei hi: o aur, sidan glas, a phorphor, ac scarlat, a sidan gwyn cyfrodedd y gwnei hi.

16Pedeir ongl fydd hi dau ddyblyg: yn rhychwant ei hŷd, ac yn rhychwant ei llêd.

17Llawna hi yn llawn o feini pedair rhês o feini: rhês o Sardius, a Thopas, a Smaragdus fydd y rhês gyntaf.

18A’r ail rhês Rubi, Saphir, ac Adamant.

19A’r drydedd rhês Lyncur, ac Achat, ac Amethyst.

20Y bedwaredd rhês Turcas, ac Onix, ac Iaspis: byddant wedi eu gwisco mewn aur yn eu lleoedd.

21A’r meini fyddant yn ol henwau meibion Israel, yn ddeuddec yn ol eu henwau hwynt: o naddiad sêl, bob vn wrth ei henw y byddant i’r deuddec llwyth.

22A gwna ar y ddwyfronec gadwynau cyd-terfynol yn bleth waith o aur coeth.

23Gwna hefyd ar y ddwyfronec ddwy fodrwy o aur, a dod y ddwy fodrwy wrth ddau gwrr y ddwyfronec.

24A dod y ddwy (gadwyn) blethedic, o aur trwy y ddwy fodrwy ar gyrrau y ddwyfronnec.

25A dod ddau pen y ddwy gadwyn wrth y ddau foglyn: a dod ar yscwyddau yr Ephod o’r tu blaen.

26Gwna hefyd ddwy fodrwy o aur a gosot hwynt wrth ddau gwrr y ddwyfronnec: o’r tu mewn ar yr ymmyl ar ystlys yr Ephod.

27A gwna ddwy fodrwy o aur, a dod hwynt ar ddau ystlys yr Ephod oddi tanodd, oi thu blaen ar gyfer ei chydiad oddi ar wregys yr Ephod.

28A’r ddwyfronnec a rwymant ai modrwyau wrth fodrwyau’r Ephod a llinin o sidan glâs, i fod ar wregys yr Ephod: fell na ddatoder y ddwyfronnec oddi wrth yr Ephod.

29A dyged Aaron yn nwyfronnec y farnedigaeth henwau meibion Israel ar ei galon, pan ddelo i’r cyssegr: yn goffadwriaeth ger bron yr Arglwydd yn oestadol.

30A dod ar ddwyfronnec y farnedigaeth yr Urim a Thummim i fod ar galon Aaron pan ddelo ger bron yr Arglwydd: ac Aaron a ddwg farnedigaeth meibion Israel ar ei galon, ger bron yr Arglwydd yn oestadol.

31Gwna hefyd fantell yr Ephod oll o sidan glâs.

32A byddedd twll ei benn ef yn ei chanol: bydded eirionyn iw choler o amgylch o wauad-waith, megis coler lluric fydd iddi rhac rhwygo.

33A gwna ar ei godre hi pomgranadau o sidan glâs, a phorphor, ac scarlat ar ei godrau o amgylch: a chlychau o aur rhyngddynt o amgylch.

34 Pregeth.45.10. Clôch aur, a phom-granad chlôch aur a phom-granad ar odre y fantell o amgylch.

35A hi a fydd am Aaron wrth weini: fel y clywer ei swn ef pan ddelo i’r cyssegr, ger bron yr Arglwydd, a phan elo allan, fel na byddo farw.

36Gwna hefyd ddalen o aur coeth: a nadd di arni fel naddiadau sêl, Sancteiddrwydd i’r Arglwydd.

37A gosot hi wrth linin o sidan glâs, a bydded ar y meitr: o’r tu blaen i’r meitr y bydd.

38A hi a fydd ar dalcen Aaron fel y dygo Aaron anwiredd yr offrymmau y rhai a gyssegro meibion Israel oi holl sanctaidd offrymmau hwynt, ac yn oestad y bydd ar dalcen Aaron i iddynt ffafor ger bron yr Arglwydd.

39Gweithia ag edef a nodwydd y bais o sidan gwynn: a gwna feitr o sidan gwyn, a gwregys o wniad-waith.

40I feibion Aaron hefyd y gwnei beisiau, a gwna iddynt wregysau: gwna hefyd iddynt gappanau er gogoniant a harddwch.

41A gwisc hwynt am Aaron dy frawd ai feibion gyd ag ef: ac eneinia hwynt, cyssegra hwynt hefyd, a sancteiddia hwynt i offeiriadu i mi.

42 Leuit.6.10. Gwna hefyd iddynt lawdrau lliain i guddio eu cnawd noeth: o’r lwynau hyd y morddwydydd y byddant.

43A byddant am Aaron, ac am ei feibion pan ddelont i babell y cyfarfod, neu pan ddelont at yr Allor i weini yn y cyssegr, fel na ddygont anwiredd a marw: deddf dragywyddol iddo ef, ac iw hâd ar ei ol ef.