Exodus 5 - William Morgan Bible 1588 original edition

PEN. V.1 Moses ac Aaron yn dywedyd eu cennadwriaeth wrth Pharao. 6 Pharao yn gorthrymmu ’r bobl waeth waeth. 20 Y bobl yn digio wrth Moses ac Aaron.

1Ac wedi hynny, Moses ac Aaron a aethant i mewn, ac a ddywedasant wrth Pharao: fel hyn y dywedodd Arglwydd Dduw Israel, gollwng ymmaith fy mhobl fel y cadwant ŵyl i mi yn yr anialwch.

2A dywedodd Pharao, pwy’r Arglwydd, fell y gwrandawn i ar ei lais, i ollwng Israel ymmaith? yr Arglwydd nid adwen, ac Israel ni ollyngaf.

3A dywedasant hwythau, Duw’r Hebraaid a gyfarfu a ni: gad i ni fyned attolwg, daith tridiau yn yr anialwch fel yr aberthom i’r Arglwydd ein Duw rhac iddo ein rhuthro a haint neu â chleddyf.

4Yna y dywedodd brenin yr Aipht wrthynt, Moses ac Aaron, pa ham y perwch i’r bobl beidio ai gwaith? ewch at eich clud.

5Pharo hefyd a ddywedodd, wele pobl lawer ydynt yn y wlad: a pharasoch iddynt beideio ai llwythau.

6A’m hynny y gorchymynnodd Pharao y dydd hwnnw: i’r rhai oeddynt feistred gwaith ar y bobl ai goruchwil-wyr, gan ddywedyd,

7Na roddwch mwyach wellt i’r bobl i wneuthur pridd-feini megis o’r blaen: elont eu hun a chasclant wellt iddynt.

8Er hynny rhifedi y pridd-feini y rhai yr oeddynt hwy yn ei wneuthur o’r blaen a roddwch arnynt, na leihewch o hynny: canys segur ydynt, am hynny y maent yn gweiddi gan ddywedyd, gad i ni fyned ac aberthu i’n Duw.

9Trymhaer y gwaith ar y gwŷr, a gweithiant ynddo: fel nad edrychant am eiriau ofer.

10Yna meistred gwaith y bobl, ai goruchwyl-wyr a aethant allan, ac a lefarasant wrth y bobl gan ddywedyd: fel hyn y dywedodd Pharao, ni roddaf wellt i chwi.

11Ewch chwi, a chymmerwch iwch wellt o’r lle y caffoch: er hynny ni leihair dim o’ch gwasanaeth.

12A’r bobl a ymwascarodd trwy holl wlad yr Aipht, i gasclu sofl yn lle gwellt.

13A’r meistred gwaith oedd yn eu pryssuro gan ddywedyd: gorphennnwch eich gwaith, dogn dydd yn ei ddydd, megis pan oedd gwellt.

14A churwyd goruchwil-wyr meibion Israel y rhai a osodase meistred gwaith Pharao arnynt gan ddywedyd: pa ham na orphennasoch eich tasc ar wneuthur pridd-feini ddoe a heddyw: megis cyn hynny?

15Yna goruchwil-wyr meibion Israel a ddaethant, ac a lefasant ar Pharao gan ddywedyd: pa ham y gwnei fel hyn i’th weision?

16Gwellt ni roddir i’th weision, a gwnewch bridd-feini i ni meddant: ac wele dy weision a gurwyd a’th bobl di sydd ar y bai.

17Ac efe a ddywedodd segur segur ydych: am hynny ’r ydych chwi yn dywedyd, gad i ni fyned yr aberthom i’r Arglwydd.

18Am hynny ewch yn awr, gweithiwch ac ni roddir gwellt i chwi: etto chwi a roddwch yr cyfrif o’r priddfeini.

19A goruchwil-wyr meibion Israel ai gwelent eu hun mewn drwg pan ddywedyd: na leihewch o’ch pridd-feini dogn dydd yn ei ddydd.

20A chyfarfuant a Moses a Aaron yn sefyll ar eu ffordd hwynt: pan ddaethant allan oddi wrth Pharao.

21A dywedasant wrthynt, edryched yr Arglwydd a barned arnoch chwi: y rhai a barasoch i’n sawyr ddrewi ger bron Pharao, a cher bron ei weision, gan roddi cleddyf yn eu llaw hwynt i’n llâd ni.

22Yna y dychwelodd Moses at yr Arglwydd ac a dywedodd: ô Arglwydd pa ham y drygaist y bobl hynn? i ba beth i’m hanfonaist?

23Canys er pan ddaethum at Pharao i lefaru yn dy enw di, efe a ddrygodd y bobl hynn: a chan waredu ni waredaist dy bobl.