1.Cronicl 14 - William Morgan Bible 1588 original edition

PEN. XIIII.Hiram yn anfon i Ddafydd goed, a seiri. 4 Plant Dafydd. 8 Dafydd trwy gyngor Duw yn rhyfela yn erbyn y Philistiaid: ac yn eu gorchfygu hwynt.

1A Hiram brenin Tyrus a anfonodd gennadau at Ddafydd, a choed cedr, a seiri meini, 2.Sam.5.11.a seiri prennau i adailadu iddo ef dŷ.

2Am hynny y gwybu Dafydd gadarnhau o’r Arglwydd ef yn frenin ar Israel, a derchafu o honaw ef yn vchel ei frenhiniaeth ef er mwyn Israel ei bobl.

3A chymmerth Dafydd wragedd yn chwanec yn Ierusalem: cenhedlodd Dafydd hefyd feibion yn chwanec a merched.

4Ac Dymma henwau y plant y rhai oeddynt iddo ef yn Ierusalem, Samua, a Sobab, Nathana, a Salomon.

5Ibehar hefyd, ac Elisua, ac Elpalel.

6Noga hefyd, a Nephec, ac Iaphia.

7Elisama hefyd, a Beeliada, ac Eliphalet.

8Pan glybu y Philistiaid fod Dafydd wedi ei eneinio yn frenin ar holl Israel, yna y Philistiaid oll a aethant i fynu i geisio Dafydd, a chlybu Dafydd, ac efe a aeth allan yn eu herbyn hwynt.

9A’r Philistiaid a ddaethant, ac a ymwascarasant yn nyffryn Rephaim.

10A Dafydd a ymgynghorodd a Duw gan ddywedyd: a âfi i fynu yn erbyn y Philistiaid? ac a roddi di hwynt yn fy law i? a’r Arglwydd a ddywedodd wrtho ef, cerdda i fynu, a mi ai rhoddaf hwynt yn dy law di.

11Felly’r aethant i fynu i Baal Perazim, a lladdodd Dafydd hwynt yno, a Dafydd a ddywedodd, Duw a rwygodd fyng-elynnion drwy fy llaw i fel rhwygo dyfroedd, am hynny y galwasant hwy enw’r lle hwnnw Baal Perazim.

12A phā adawsant hwy eu duwiau, yna y dywedodd Dafyd am eu llosci hwynt yn tân.

13Ac eilwaith y Philistiaid a ddaethant trachefn, ac a ymwascarasant yn y dyffryn.

14Yna eilwaith yr ymgynghorodd Dafydd a Duw, 2.Sam.5.23.a Duw a ddywedodd wrtho ef, na ddos i fynu ar eu hôl hwynt, amgylcha oddi wrthynt hwy, a thyret attynt hwy oddi ar gyfer y mor-wydd.

15A phan glywech drŵst cerddediad ymmrig y morwŷdd yna dos allan i ryfel canys y mae Duw yn myned o’th flaen di, i daro llu y Philistiaid.

16A gwnaeth Dafydd megis y gorchymynnase yr Arglwydd iddo ef, a hwy a darawsant lû y Philistriaid o Gibeon hyd Gazer.

17A henw Dafydd a aeth drwy’r holl diroedd, a’r Arglwydd a roddes ei arswyd ef ar yr holl genhedloedd.