Exodus 26 - William Morgan Bible 1588 original edition

PEN. XXVI.1 Llûn y babell. 31 Y llenn. 33 Llê’r Arch: 34 Lle y drugareddfa, a’r bwrdd, a’r canhwyll-bren. 36 Y llen ar ddrws y babell.

1Y Tabernacl hefyd a wnei di o ddêc llenn o sidan gwyn cyfrodedd, ac o sidan glâs, a phorphor, ac scarlat yn Gerubiaid o gywreinwaith y gwnei hwynt.

2Hŷd vn llenn wyth gufydd ar hûgain, a llêd vn llenn pedwar cufydd, yr vn mesur a fydd i’r holl lennî.

3Pum llenn a fyddant yng-lŷn bob vn wrth ei gilydd, a phum llenn a fyddant yng-lŷn wrth ei gilydd.

4A gwna ddolennau o sidan glâs ar ymyl vn llenn, ar y cwrr yn y cydiad, ac felly y gwnei ar ymyl llenn eithaf, yn yr ail cydiad.

5Dêc dolen a deugain, a wnei di i vn llenn, a dêc dolen a deugain a wnei ar gwrr y llenn yr hon yn yr ail cydiad: y dolennau a dderbyniant bob vn ei gilydd.

6Gwna hefyd ddêc derbyniad a deugain o aur, a chydia a’r derbyniadau y llenni bob vn wrth ei gilydd, fel y byddo yn vn tabernacl.

7A gwna lenni o geifr yn babell-len ar y tabernacl, yn vn llenn ar ddêc a y gwnei hwynt.

8Hŷd vn llenn dêc cufydd ar hugain, a llêd vn llen pedwar cufydd, a’r vn mesur i’r vn llen ar ddêc.

9A chydia bum llenn wrthynt eu hun, a chwe llenn wrthynt eu hun, a dybla y chweched lenn ar gyfer wyneb y babell-len.

10A gwna ddêc dolen a deugain ar ymyl y naill lenn ar y cwrr yn y cydiad, a dêc dolen a deugain ar ymyl y llenn yn yr ail cydiad.

11A gwna ddêc derbyniad a deugain o brês; a dôd y derbyniadau yn y dolennau, a chylymma y babell-len fel y byddo yn vn.

12A’r gweddill a fyddo tros benn o lenn y babell-len yr hanner llenn weddill a adewir ar du cefn y tabernacl

13Fel o’r gweddill gufydd o’r naill dû, a chufydd o’r tu arall, o hŷd y babell-len: bydded y gweddill dros ddau ystlys y tabernacl o bob-tu iw orchguddio.

14A gwna dô i’r babell-len o grwyn hyrddod wedi eu lliwio yn gochion, a thô o grwyn daiar-foch yn vchaf.

15A gwna styllod o goed Sittim i’r tabernacl yn eu sefyll.

16O ddêc cufydd o hŷd yr styllen, ac o gufydd a hanner cufydd o lêd mewn pob styllen.

17[Bydded] dau dŷno i vn bwrdd, wedi gosod fel ffynn yscal, pob vn ar gyfer ei gylydd: felly y gwnei am holl fyrddau y tabernacl.

18A gwna styllod i’r tabernacl, vgain styllen o’r tu dehau, tu a’r dehau.

19A gwna ddeugain mortais arian tann yr vgain styllen, dwy fortais tann vn styllen iw dau dŷno, a dwy fortais tan styllen arall iw dau dŷno.

20A i ail ystlys y tabernacl, o du’r gogledd vgain styllen.

21A deugain mortais o arian dwy fortais tann bob styllen,

22Hefyd i ystlys y tabernacl o du’r gorllewin y gwnei chwech styllen.

23A dwy styllen a wnei i gonglau y tabernacl rhwng y ddau ystlys.

24A byddant wedi eu cyssylldu oddi tanodd, byddant hefyd wedi eu cyd gydio oddi arnodd wrth vn fodrwy: felly y bydd iddynt ill dau, ŷn y ddwy gongl y byddant.

25A byddant yn wyth styllen, ai morteisiau arian yn vn mortais ar bymthec, dwy fortais dann vn styllen, a dwy fortais tann styllen arall.

26Gwna hefyd farrau o goed Sittim, pump i styllod vn ystlys i’r tabernacl.

27A phum barr i styllod ail ystlys y tabernacl, a phum barr i ystlys y tabernacl o du’r gorllewin.

28A’r barr canol Cerubiaid o waith cywreint y gwnei hi.

32A dod hi ar bedair colofn o Sittim wedi eu goreuro ag aur, ai pennau o aur, ar bedair mortais arian.

33A dod y wahan-len wrth y derbynniadau, fel y gellech ddwyn yno o fewn y wahan-lenn Arch y destiolaeth, a’r wahan-lenn a wna wahan i chwi rhwng y cyssegr, a’r cyssegr sancteiddiolaf.

34Dod hefyd y drugareddfa ar Arch y destiolaeth yn y cyssegr sancteiddiolaf.

35A gosot y bwrdd o’r tu allan i’r wahan-lenn, a’r canhwyll-bren gyferbyn a’r bwrdd, ar y tu dehau i’r tabernacl: a dod y bwrdd ar du y gogledd,

36A gwna gaead-lenn i ddrws y babell, o sidan glâs porphor, ac scarlat, ac o sian gwyn cyfrodedd o wniad-waith.

37A gwna i’r gaead-len bum colofn, Sittim, a goreura hwynt ag aur, ai pennau o aur, a bwrw iddynt bump mortais brês.