Psalmau 84 - William Morgan Bible 1588 original edition

Psalm. lxxiiij.At y pen-cerdd ar y Gittith, Psalm i feibion Corah.

1Mor hawddgar dy bebyll di ô Arglwydd y lluoedd.

2Fy enaid a chwennychodd, ac a flysiodd hefyd am dy gynteddau di ô Arglwydd: fyng-halon a’m cnawd a orfoleddant yn Nuw byw.

3Aderyn y tô hefyd a gafodd dŷ, a’r wennol nŷth iddi, lle y gesid ei chywion: sef dy allorau di ô Arglwydd y lluoedd fy Mrenin a’m Duw.

4Gwynfyd presswylwŷr dy dŷ: yn wastad i’th foliannant.Selah.

5Gwyn ei fyd y dŷn y mae ei gadernid ynot, ffyrdd yn ei galon.

6Y rhai sydd yn myned trwy ddyffryn wylofain ai gosodant yn ffynnon, a’r glaw a leinw y llynnau.

7Ant o nerth i nerth, ymddengys ger bron Duw yn Sion.

8O Arglwydd Dduw’r lluoedd clyw fyng-weddi, gwrando ô Dduw Iacob.Selah.

9O Dduw ein tarian gwel, ac edrych wyneb dy eneiniog.

10Canys gwell yw diwrnod yn dy gynteddau di na mîl: dewiswn gadw drws yn nhŷ fy Nuw, o flaen trigo ym-mhebyll annuwioldeb.

11Canys haul, a tharian yw’r Arglwydd Dduw, yr Arglwydd a rydd râd a gogoniant: ni attal efe ddaioni oddi wrth y rhai a rodiant yn berffaith.

12O Arglwydd y lluoedd gwynfyd y dyn a ymddiriedo ynot.