1A’r Angel yr hwn oedd yn ymddiddan â mi a ddychwelodd, ac a’m deffrôdd fel y deffroir vn oi gwsc.
2Ac efe a ddywedodd wrthif, beth a weli? yna y dywedais: edrychais, ac wele ganhwyll-bren oll o aur, ai gaead ar ei ben, ai saith lusern arno, a saith o bibellau i’r lusernau y rhai oeddynt ar ei benn ef.
3A dwy oliwydden wrtho, y naill o’r tu dehau, a’r llall o’r tu asswy i’r caead:
4Ac mi a attebais, ac a ddywedais wrth yr Angel a oedd yn ymddiddan â mi, gan ddywedyd, beth y rhai hyn fy Arglwydd?
5A’r Angel yr hwn oedd yn ymddiddan â mi, a attebodd, ac a ddywedodd wrthif: oni wyddost beth y rhai ymma? yna y dywedais, na wn fy Arglwydd.
6Ac efe a attebodd, ac a ddywedodd wrthif, gan ddywedyd: hyn gair yr Arglwydd at Zorobabel gan ddywedyd: nid â llu, ac nid â nerth, ond a’m Hyspryd mau fi medd Arglwydd y lluoedd.
7Pwy ti y mynydd mawr? ger bron Zorobabel yn wastad: ac efe a ddŵg allan y maen pennaf weiddi, rhâd, rhâd iddo.
8Daeth gair yr Arglwydd attaf trachefn gan ddywedyd:
9Dwylo Zorobabel a sylfaenasant y tŷ hwn, ai ddwylo ef ai gorphen, a chei ŵybod mai Arglwydd y lluoedd am hebryngodd attoch.
10Canys pwy a ddiystyrodd ddydd y bychain? llawenychant pan welant y garrec alcam yn llaw Zorobabel, dymma saith lygaid yr Arglwydd, y rhai yn myned trwy’r holl dîr.
11A mi a attebais, ac a ddywedais wrtho ef, beth y ddwy oliwydden hyn, ar y tu dehau i’r canhwyll-bren, ac ar ei asswy?
12Ac mi a attebais trachefn, ac a ddywedais wrtho ef, beth y ddau bingcin oliwydden, y rhai trwy y ddwy bibell aur sydd yn tywallt o honynt aur?
13Ac efe a lefarodd wrthif gan ddywedyd, oni ŵyddost pa beth y rhai hyn? a dywedais, fy Arglwydd.
14Ac efe a ddywedodd, dymma y ddwy gaingc oliwydden y rhai ydynt yn sefyll ger bron Arglwydd yr holl dir.
Who We AreWhat We EelieveWhat We Do
2025 by iamachristian.org,Inc All rights reserved.
