1 Yr Arglwydd fyng-oleuni, a’m iechydwriaeth, rhag pwy yr ofnaf? yr Arglwydd nerth fy mywyd, rhag pwy y dychrynaf?
2Pan nessaodd y rhai drygionus, fyng-wrthwyneb-wŷr a’m gelynnion i’m herbyn i fwytta fyng-hnawd: hwynt a dramgwyddâsant, ac a syrthiâsant.
3Pe gwersylle llu i’m herbyn, nid ofne fyng-halon: pe cyfode câd i’m herbyn, er hyn mi a fyddwn hydêrus.
4Un peth a ddeisyfiais i gan yr Arglwydd, hynny a geisiaf, caffel trigo yn nhŷ’r Arglwydd holl ddyddiau fy mywyd: i edrych ar brydferthwch yr Arglwydd, ac i ymweled ai Deml.
5Canys yn y dydd drwg efe a’m cuddia o fewn ei babell: yn nirgelfa ei bresswylfod y cuddia efe fi, ar graig i’m dercha efe fi.
6Ac yn awr y dercha efe fy mhen goruwch fyng-elynnion o’m hamgylch: am hynny’r aberthaf yn ei babell ef ebyrth gorfoledd: canaf a chan-molaf yr Arglwydd.
7Clyw ô Arglwydd fy lleferydd, trugarhâ hefyd wrthif, a gwrando arnaf lefwyf.
8Y mae fyng-halon yn ymddiddan â thi ceisiwch fy wyneb: dy wyneb a geisiaf ô Arglwydd.
9Na chuddia dy wyneb oddi wrthif, na fwrw ymmaith dy wâs mewn sorriant: fyng-hymmorth i fuost: gan hynny na âd fi, ac na wrthot fi ô Dduw fy iechydwriaeth.
10Er i’m tâd, a’m mam fyng-wrthod: etto yr Arglwydd a’m derbynnie.
11Dysc i mi dy ffordd Arglwydd: ac arwain fi ar hŷd llwybr iniondeb, o herwydd fyng-elynnion.
12Na ddyro fi wrth ewyllys fyng-wrthwyneb-wŷr: canys gau dystion, a a adroddant drawster a gyfodâsant i’m herbyn.
13[Deffygiaswn,] pe na chredaswn weled daioni’r Arglwydd yn nhîr y rhai byw.
14Disgwil ŵrth yr Arglwydd, ymwrola, ac efe a nertha dy galon: ac ymddyriet yn yr Arglwydd.
Who We AreWhat We EelieveWhat We Do
2025 by iamachristian.org,Inc All rights reserved.
