1 Esai.13.1. Baich Ninife, llyfr gweledigaeth Nahum yr Elcosiad.
2Duw eiddigus, a’r Arglwydd sydd yn dial, ac yn berchen llid: dïalwr’r Arglwydd ar ei wrthwyneb-wŷr, a dal y mae efe iw elynion.
3Yr Arglwydd hwyrfrydig i ddîg, a mawr ei rymm, ac ni ddieuoga[’r anedifeiriol,] yr Arglwydd ai lwybr yn y corwynt, ac yn y rhyferthwy, a’r cwmwl llwch ei draed ef.
4Efe a gerydda y môr, ac ai sŷch; yr holl ffrydau a ddiespydda efe: llescaodd Basan, a Charmel, a llescaodd blodeun Libanus.
5Y mynyddoedd a grynant rhagddo, a’r brynnau a ymollyngant, a’r ddaiar a lysc rhag ei olwg, a’r byd hefyd a chwbl ac a drigant ynddo.
6Pwy a saif o flaen ei lid? a phwy a gyfyd yng-hynddaredd ei ddigofaint? ei lid a dywelltir fel tân, a’r creigiau a dynn efe i lawr.
7Daionus’r Arglwydd, yn noddfa yn erbyn blinder, ac a edwyn y rhai a ymddyriedant ynddo.
8A hedlif y gwnaiff efe drangc ei lle hi, a thywyllwch hefyd a erlid ei elynnion ef.
9Beth a ddychymmygwch yn erbyn yr Arglwydd? efe a wna drangc, ni chyfyd blinder ddwy-waith.
10Canys tra’r ymddyryso y drain, a thra meddwo y gwledd-wŷr, yssir hwynt fel sofl wedi llawn wywo.
11O honot y daeth allan a ddychymmyga ddrwg yn erbyn yr Arglwydd, cynghorwr drygionus.
12Fel hyn y dywed yr Arglwydd, pe byddent heddychol, ac felly morr aml, etto torrir hwynt felly fel yr ele efe heibio: er dy flino ni’th flinaf mwyach.
13Ac yr awran torraf ei iaû ef oddi arnat, a datodaf dy rwymau.
14Yr Arglwydd hefyd a orchymynnodd o’th blegit na hauer o’th enw mwyach: torraf o dŷ dy dduw y gerfiedic a’r dawdd ddelw, gosodaf dy fedd am it fyned yn wael.
15 Esa.52.7. Rhuf.10.15. Wele ar y mynyddoedd draed yr efangylwr, cyhoeddwr heddwch: cadw di ô Iuda dy ŵyliau, tâl dy addunedau, nid aiff y drygionus trwot mwy, cwbl dorrwyd ef ymmaith.
Who We AreWhat We EelieveWhat We Do
2025 by iamachristian.org,Inc All rights reserved.
