Lefiticus 1 - William Morgan Bible 1588 original edition

PENNOD. I.1 Trefn y poeth offrymmau 3 o eidionnau. 10 o ddefaid, neu eifr. 14 ac o âdar.

1Yna yr Arglwydd a alwodd ar Moses, ac a lefarodd wrtho o babell y cyfarfod: gā ddywedyd.

2Llefara wrth feibion Israel a dywet wrthynt: pan ddygo dŷn o honoch offrwm i’r Arglwydd: o anifail o’r eidionnau neu o’r praidd, yr offrymmwch eich offrwm.

3Os poeth offrwm o eidion ei offrwm ef, offrymed efyn wryw perffaith-gwbl, a dyged ef wrth ei ewyllys ei hun i ddrws pabell y cyfarfod, ger bron yr Arglwydd.

4A gosoded ei law ar benn y poeth offrwm, fel y cymmerer ef yn gymeradwy ganddo, i wneuthur iawn trosto.

5 Leuit.9.12. Lladded hefyd yr eidion ger bron yr Arglwydd, a dyged meibion Aaron yr offeiriaid y gwaed, a thaenellant y gwaed o amgylch ar yr allor, yr hon ddrws pabell y cyfarfod.

6Yna blinged y poeth offrwm, a dryllied ef yn ddrylliau.

7A gosoded meibiō Aarō yr offeiriad dân ar yr allor, a gossodant goed ar y tân.

8A gossoded meibion Aaron yr offeiriaid y drylliau yng-hyd a’r penn, a’r gwêr ar y coed y rhai ar y tân yr hwn ar yr allor.

9Onid ei berfedd, ai draed, a ŷlch efe mewn dwfr, a’r offeiriad a lysc y cwbl ar yr allor, yn boeth offrwm, yn aberth tanllyd, o arogl esmwyth i’r Arglwydd.

10Ac os o’r praidd o’r defaid, ne o’r geifr, boeth offrwm, offrymmed hwnnw yn wryw perffaith-gwbl.

11A lladded ef ger bron yr Arglwydd o du’r gogledd i’r allor, a thaenelled meibion Aaron yr offeiriaid ei waed ef ar yr allor o amgylch.

12A thorred ef yn ddrylliau gyd ai ben ai wêr, a gossoded yr offeiriad hwynt ar y coed, y rhai ar y tân, yr hwn ar yr allor.

13Onid golched y perfedd, a’r traed mewn dwfr: a dyged yr offeiriad y cwbl, a llosged ar yr allor, hwn sydd boeth offrwm yn aberth tanllyd, o arogl esmwyth i’r Arglwydd.

14Ac os poeth offrwm o adêryn ei offrwm ef i’r Arglwydd: yna dyged ei offrwm o durturau, neu o gywion colomennod.

15A dyged yr offeiriad ef wrth yr allor, a thorred ei bēn ef rhwng ei fŷs ai fawd, a llosged ar yr allor: a gwasger ei waed ef ar ystlys yr allor.

16A thynned ymmaith ei grombil ef ynghyd ai blu, a bwried hwynt ger llaw yr allor, o du’r dwyrain i’r lle y lludw.

17Hollded ef hefyd rhwng ei adenydd na wahaned: a llosged yr offeiriad ef ar yr allor, ar y coed y rhai ar y tân: dymma boeth offrwm yn aberth tanllyd, o arogl esmwyth i’r Arglwydd.