Esay 23 - William Morgan Bible 1588 original edition

PEN. XXIII.Prophwydoliaeth am ddinistr Tyrus ai hail gyweiriad.

1Baich Tyrus. llongau Tharsis vdwch, canys anrheithiwyd fel nad oes dŷ i fyned iddo: o dîr Cittim yr ymddangosodd iddynt.

2Distewch drigolion yr ynys, marchnadyddion Zidon yn tramwy’r môr a’th lanwasant.

3Hâd Nilus hefyd wrth ddyfroedd lawer, a chynhaiaf yr afon ei chnwd hi: felly marchnad y cenhedloedd ydoedd hi.

4Cywilyddia Zidon, canys y môr, cryfder y môr a lefarodd gan ddywedyd: nid ymddygais, ac nid escorais, ni fegais wŷr ieuaingc ychwaith, ac ni feithrinais forwynion.

5Pan glywir ym mhlith yr Aiphtiaid, hwynt a ymofidiant pan glywer sôn am Tyrus.

6Ewch trosodd i Tharsis, vdwch, bresswyl-wŷr yr ynys.

7Ond hon yw eich chwi, fu ogoneddus er ystalm byd? ei thraed ai harweiniant hi i ymdaith ym mhell.

8Pwy a ddychymmygodd hyn yn erbyn Tyrus goronoc? yr hon ei marchnadyddion yn dywysogion, ai marsiand-wŷr yn bendefigion y bŷd.

9Arglwydd y lluoedd a ddychymmygodd hyn, i ddifwyno balchder pôb gogoniant, i ddirmygu holl bendefigion y bŷd.

10Dos drwy dy wlâd fel afon ferch Tharsis, nid nerth mwyach.

11Estynnodd ei law ar y môr, dychrynodd y teyrnasoedd, gorchymynnodd yr Arglwydd am Canaan, sef ddinistrio ei nerth hi.

12Ac efe a ddywedodd, na chwanega ymffrostio mwyach yr orthrymedic forwyn merch Zidon, cyfot dos i Cittim: yno ychwaith ni bydd it lonyddwch.

13Wele dîr y Caldeaid, nid oedd y bobl hyn yno: Assur ai sylfaenodd hi i drigolion yr anialwch, derchafasant ei thŷrau, cyfodasant ei phalasau, efe ai tynnodd hi i lawr.

14Llongau Tharsis vdwch: canys anrheithiwyd eich nerth.

15A’r dydd hwnnw yr anghofir Tyrus ddeng-mhlynedd a thrugain, megis dyddiau vn brenin: ym mhen y deng-mhlynedd a thrugain y cân Tyrus megis puttain.

16Cymmer y delyn, amgylchyna’r ddinas ti buttain anghofiedic, cân gerdd yn dda, a datcan lawer fel i’th gofier.

17Ac ym mhen y deng-mhlynedd a thrugain yr Arglwydd a ymwêl â Thyrus, a hi a ddychwel at ei hêlw, ac a butteinia â holl deyrnasoedd y bŷd ar wyneb y ddaiar.

18Yna y bydd ei marchnad ai hêlw yn gyssegredic i’r Arglwydd, ni’s cedwir, ac ni’s cuddir, canys eiddo y rhai a drigant o flaen yr Arglwydd fydd ei mersiandiaeth, i fwytta hyd ddigon, ac yn wisc barhaus.