Psalmau 59 - William Morgan Bible 1588 original edition

Psalm. lix.At y pen-cerdd eurog psalm Dafydd. Na ddifetha.Fy Nuw gwaret fi oddi wrth fyng-elynnion: amddeffyn fi oddi wrth y rhai a ymgyfodant i’m herbyn.

2Gwaret fi oddi wrth weithred-wŷr anwiredd: ac achub fi rhag y gwŷr gwaedlyd.

3Canys wele cynllwynâsant yn erbyn fy enaid, ymgasclodd cedyrn i’m herbyn: nid fy mai na’m pechod mau fi ô Arglwydd.

4Rhedant ymbarâtoant heb anwiredd cyfot tithe i’m cafarfod, ac edrych.

5A thi Arglwydd Dduw’r lluoedd Duw Israel, deffro i ymweled â’r holl genhedloedd: na thrugarhâ wrth neb a’r a wnânt anwiredd yn falisus.Selah.

6Ymdroant gyd a’r hŵyr, cyfarthant fel cŵn, ac amgylchant y ddinas.

7Wele llefarant ai genau, chleddyfau yn eu gwefusau: canys pwy a glyw?

8Ond tydi ô Arglwydd ai gwattwari hwynt, a chwerddi am ben yr holl genhedloedd.

9I ti y cadwaf ei nerth ef: canys Duw fy amddeffynfa.

10Fy Nuw trugarog a’m rhagflaena: Duw a wnâ i mi weled ar fyng-elynnion.

11Na ladd hwynt rhag i’m pobl anghofio gwascar hwynt yn dy nerth, a darostwng hwynt, ô Arglwydd ein tarian.

12[Am] bechod eu genau, ymadrodd eu gwefusau y delir hwynt yn eu balchder: canys melldith, a chelwydd a draethant hwy.

13Difa yn lîd, difa fel na hwy ac y gŵybyddant mai Duw sydd yn llywodraethu yn Iacob, hyd eithafoedd y ddaiar.Selah.

14A hwy a droant gyd a’r hwyr, ac a gyfarthant fel cŵn, ac a amgylchant y ddinas.

15Hwynt a grwydrant i fwytta, ac onis digonir, grwgnach a wnânt.

16Minne a gânaf am dy nerth, ac a ddad-canaf dy drugaredd yn foreu: canys buost yn amddeffynfa i mi, ac yn noddfa yn y dydd cyfyngder arnaf.

17I ti fy nerth y canaf: canys Duw fy amddeffynfa, fy Nuw trugarog.