1Yna Iosuah mab Nun a anfonase o Num.25.1.Sittim ddau ŵr i chwilio yn ddirgel gan ddywedyd, ewch, edrychwch y wlâd, ac Iericho a hwynt a aethant, ac a ddaethant i dŷ Hebr.11.31.|HEB 11:31. Iam.2.25.puttein-wraig, ai henw Rahab, ac a orphywysasant yno.
2A mynegwyd i frenin Iericho gan ddywedyd: wele, gwŷr a ddaethant ymma heno o feibion Israel i chwilio y wlâd.
3Yna brenin Iericho a anfonodd at Rahab gan ddywedyd: dŵg allan y gwŷr a ddaethant attat ti, y rhai a ddaethant i’th dŷ di, canys i chwilio’r holl wlâd y daethant.
4Ond y wraig a gymmerase y ddau ŵr ac ai cuddiase hwynt: am hynny hi a ddywedodd fel hyn: y gwŷr a ddaethant atafi, ond ni wyddwn i o ba le hwy.
5A phan gaewyd y porth yn y tywyllwch, yna y gwŷr a aethant allan, ni wn i ba le’r aeth y gwŷr: canlynwch yn fuan ar eu hôl hwynt, canys chwi ai goddiweddwch hwynt.
6Ond hi a barase iddynt ddringo i nenn y tŷ: ac ai cuddiase hwynt mewn bolldeidiau llîn y rhai oedd genddi wedi eu hysgafnu ar nenn y tŷ.
7A’r gwŷr a ganlynasant ar eu hol hwynt tua’r Iorddonen hyd y rhydoedd: a’r porth a agorwyd hwyn-gyntaf ac yr aeth y rhai oeddynt yn erlid ar eu hol hwynt allan.
8A chyn iddynt hwy gyscu: yna hi a ddringodd attynt hwy ar nenn y tŷ.
9A hi a ddywedodd wrth y gwŷr, mi a wn mai’r Arglwydd a roddodd i chwi y wlâd, o herwydd eich arswyd chwi a syrthiodd arnom ni: canys holl drigolion y wlad a ddihoenasant rhac eich ofn.
10Canys ni a glywsom fel Exod.14.21.y sychodd yr Arglwydd ddyfroedd y môr côch o’ch blaen chwi, pan aethoch allan o’r Aipht: a’r hyn a wnaethoch i ddau frenin yr Amoriaid y rhai tu hwnt yr Iorddonen i Num.21.13.Sehon, ac Og, y rhai a ddifrodasoch chwi.
11Pan glywsom yna ein digalonnwyd fel na safodd mwyach gyssur yn neb rhac eich ofn: canys yr Arglwydd eich Duw sydd Dduw yn y nefoedd oddi vchod, ac ar y ddaiar oddi isod.
12Yn awr gan hynny tyngwch attolwg wrthif i’r Arglwydd o herwydd i mi wneuthur trugaredd a chwi, y gwnewch chwithau hefyd drugaredd a thylwyth fy nhad inne, ac y rhoddwchi mi arwydd gwîr,
13Ac y cedwch yn fyw fy nhad, a’m mam, fy mrodyr hefyd, a’m chwiorydd, a’r hyn oll ganddynt: ac y gwaredwch ein henioes rhac angeu.
14A’r gwŷr a ddywedasant wrthi: ein henioes i farw drosoch, (os chwi ni fynegwch ein ymadrodd hyn) pan roddo’r Arglwydd i ni y wlâd hon, oni wnawn a chwi drugaredd a gwirionedd.
15Yna hi ai gollyngodd hwynt i wared wrth raff drwy y ffenestr canys ei thŷ hi o fewn mûr y ddinas, ac yn y mûr yr oedd hi yn trigo.
16A hi a ddywedodd wrthynt, ewch i’r mynydd rhac i’r erlidwŷr gyfarfod a chwi: ac ymguddiwch yno dri-diau nes dychwelyd o’r erlidwŷr, ac wedi hynny ewch i’ch ffordd.
17A’r gwŷr a ddywedasant wrthi: diniwed ni oddi wrth dy lw ymma yr hwn i’n tyngaist.
18Wele pan ddelom ni i’r wlâd: rhwyma y llinin ymma o edyf gôch yn y ffenestr yr hon y gollyngaist ni drwyddi, cascl hefyd dy dâd, a’th fam, a’th frodyr, a holl dŷ-lwyth dy dad atat i’r tŷ ymma.
19A phwy bynnac a’r a êl o ddryssau dy dŷ di allan, ei waed ef ar ei benn ei hun, aninnau yn ddiniwed: a phwy bynnac fyddo gyd a thi yn tŷ ei waed ef ar ein pennau ni, o bydd llaw yn ei erbyn ef.
20Ac os mynegi di ein ymadrodd hynn: yna y byddwn ddiniwed oddi wrth dy lw yr hwn i’n tyngaist.
21A hi a ddywedodd, yn ôl eich geiriau felly hynny: yna hi ai gollyngodd hwynt, a hwy a aethant ymmaith: a hi a rwymodd y llinin côch yn y ffenestr.
22Yna hwynt a aethant, ac a ddaethant i’r mynydd, ac a arhosasant yno dri-diau nes i’r erlidwŷr ddychwelyd: a’r erlidwŷr ai ceisiasant ar hyd yr holl ffordd, ond nis cawsant.
23Felly y ddau ŵr a ddychwelasant, ac a ddescynnasant o’r mynydd, aethant hefyd trosodd, a daethant at Iosuah fab Nun: a mynegasant iddo yr hyn oll a ddigwyddase iddynt.
24A dywedasant wrth Iosuah, yn ddiau’r Arglwydd a roddodd yr holl wlâd yn ein dwylo ni: canys holl drigolion y wlad a ddihoenasant rhac ein hofn ni.
Who We AreWhat We EelieveWhat We Do
2025 by iamachristian.org,Inc All rights reserved.
