Iob 26 - William Morgan Bible 1588 original edition

PEN. XXVI.Iob yn dangos ei fod ef yn cydnabod gallu Duw yn gystal a Bildad, neu arall, gan ddwyn llawer o resymmau i brofi hynny.

1Ac Iob a attebodd, ac a ddywedodd,

2Pwy a gynnorthwyaist ti? ai yr dinerth? a achubaist ti y braich heb gadernid?

3Pa fodd y cynghoraist ti yr annoeth? ac y mynegaist reswm yn aml?

4Wrth bwy y mynegaist yr ymadroddion? ac enaid pwy a ddaeth allan o honot ti.

5[Pethau] wedi meirw a lunnîr oddi tann y dyfroedd, a’r rhai sydd yn trigo ynddynt hwy.

6Y mae vffern yn noeth ger ei fron ef: ac nid oes dô ar ddestruw.

7Y mae efe yn tanu y gogledd ar wag-le: y mae efe yn crogi y ddaiar ar ddiddim.

8Y mae efe yn rhwymo dyfroedd yn ei gwmylau: ac nid ydyw’r cwmwl yn hollti tanynt hwy.

9Y mae efe yn attal wyneb orseddfaingc: y mae efe yn tanu ei gwmwl arni hi.

10Efe a amgylchynodd derfyn a gosodedic ar wyneb y dyfroedd: hyd orphenniad goleuni, a thywyllwch.

11Y mae colofnau y nefoedd yn escwyd: ac yn crynu rhac ei gerydd ef.

12Efe a ostêgodd y môr ai nerth: ac a darawodd falchter ai ddoethineb.

13Efe a addurnodd y nefoedd ai yspryd: ei law ef a luniodd y sarph dorchoc.

14Wele dymma rannau ei ffyrdd ef, ac morr fychan’r peth yr ydym ni yn ei glywed am dano ef? ond pwy a ddeall darânau ei gadernid ef?