1Paul carcharor Iesu Grist a’r brawd Timotheus, at Philemon ein annwylyd, a’n cydweith-wr,
2Ac at ein hannwyl Apphia, ac at Archippus ein cyd-filwr, ac at yr eglwys yr hon sydd yn dy dŷ di:
3Grâs gyd â chwi a thangneddyf gan Dduw Tâd, a’r Arglwydd Iesu Grist.
4 1.Thess.1.2. 2.Thess.1.3. Yr wyf yn diolch i’m Duw, gan dy gofio yn oestadol yn fyng-weddiau.
5(Wrth glywed dy gariad a’th ffydd yr hon sydd gennit yn yr Arglwydd Iesu, a thu ag at yr holl seinctiau)
6Fel y gwneler cyfranniad dy ffydd yn ffrwythlon, trwy adnabod y daioni yr hwn sydd ynoch trwy Grist Iesu.
7Canys y mae gennym lawenydd mawr a diddanwch yn dy gariad di, canys trwot ti frawd, y llonwyd calonnau y seinctiau.
8O herwydd pa ham er bod gennif fawr hyder yng-Hrist i orchymyn i ti y peth sydd weddus,
9Er hynny o rann cariad, gwell gennif attolwg i ti, cyd bwyf fel yr ydwyf, sef Paul yr hen-wr, ac yr awr hon hefyd yn garcharor Iesu Grist.
10Yr ydwyf yn attolwg i ti dros fy mab Colloss.4.9.Onesimus yr hwn a gēhedlais i yn fy rhwymau,
11Yr hwn ryw amser a fu i ti yn anfuddiol, eithr yr awr hon yn fuddiol i ti, ac i minne.
12Yr hwn a ddanfonais trachefn, a chymmer dithe ef, sef fy ymyscaroedd mau fi.
13Yr hwn a ewyllysiwn ei attal gyd â mi, fel trosot ti y gwasanaethe fi yn rhwymau yr Efengyl.
14Eithr heb dy feddwl di nid ni wnawn i ddim fel na bydde dy ddaioni di megis o angen, onid o fodd.
15Ond odit er mwyn hyn yr ymadawodd tros amser, fel y derbynit ef yn dragywydd;
16Bellach nid fel gwâs, eithr vwch-law gwâs, brawd annwyl yn henwedig i mi: pa faint mwy i ti yn y cnawd, ac yn yr Arglwydd hefyd?
17Os wyt gan hynny yn fyng-hymmeryd i yn gydymmaith, derbyn ef fel fy hun.
18Os gwnaeth efe niwed i ti, neu fod yn dy ddyled, cyfrif hynny arnafi.
19Myfi Paul a scrifennais â’m llaw fy hun, myfi a dalaf, megis ni ddywedaf wrthit, dy fod yn fy-nyled i am danat ty hun.
20Ie frawd, myfi a’th fwynhaf di yn yr Arglwydd: llonna fy ymyscaroedd yn yr Arglwydd.
21Gan ymddyried yn dy vfydd-dod yr scrifennais attat, gan wybod y gwnei fwy nag a ddywedafi.
22Heblaw hyn hefyd paratoa i mi letŷ: canys yr ydwyf yn gobeithio trwy eich gweddiau chwi i’m rhoddir i chwi.
23Y mae yn dy annerch Epaphras, fyng-hyd garcharor yng-Hrist Iesu,
24Marcus, Aristarchus, Demas, Lucas fyng-hyd weith-wŷr.
25Grâs ein Harglwydd Iesu Grist gyd â’ch yspryd chwi. Amen.
O Rufain yr scrifennwyd hwn at Philemon gyd â’r gwâs Onesimus.
Who We AreWhat We EelieveWhat We Do
2025 by iamachristian.org,Inc All rights reserved.
